ನವದೆಹಲಿ: ನಗದು ರಹಿತ ವಹಿವಾಟಿಗೆ ಉತ್ತೇಜನ ನೀಡಲು ಸರ್ಕಾರಿ ಸ್ವಾಮ್ಯದ ತೈಲ ಮಾರಾಟ ಕಂಪನಿಗಳು ಕ್ರೆಡಿಟ್ ಕಾರ್ಡ್ ಬಳಸಿ ಪೆಟ್ರೋಲ್ ಮತ್ತು ಡೀಸೆಲ್ ಖರೀದಿಸುವವರಿಗೆ ಶೇ 0.75ರಷ್ಟು ರಿಯಾಯಿತಿ ನೀಡುವುದಾಗಿ ನೋಟು ರದ್ದತಿ ನಂತರ ಘೋಷಿಸಿತ್ತು.
ಕಳೆದ ಒಂದು ವರ್ಷದಿಂದ ಜಾರಿಯಲ್ಲಿದ್ದ ಈ ಆಫರ್ ಅಕ್ಟೋಬರ್ 1ರಿಂದ ಸ್ಥಗಿತಗೊಳ್ಳಲಿದೆ. 2016ರಲ್ಲಿನ ನೋಟು ರದ್ದತಿ ಬಳಿಕ ಕೇಂದ್ರ ಸರ್ಕಾರ ತನ್ನ ಸ್ವಾಮ್ಯದ ಇಂಡಿಯನ್ ಆಯಿಲ್ ಕಾರ್ಪೊರೇಷನ್ (ಐಒಸಿ), ಭರತ್ ಪೆಟ್ರೋಲಿಯಂ ಕಾರ್ಪೊರೇಷನ್ ಲಿಮಿಟೆಡ್ (ಬಿಪಿಸಿಎಲ್) ಮತ್ತು ಹಿಂದೂಸ್ತಾನ್ ಪೆಟ್ರೋಲಿಯಂ ಕಾರ್ಪೊರೇಷನ್ ಲಿಮಿಟೆಡ್ಗಳಿಗೆ (ಎಚ್ಪಿಸಿಎಲ್) ಆದೇಶಿಸಿ, ಕ್ರೆಡಿಟ್ ಕಾರ್ಡ್ ಬಳಕೆದಾರರು ಇಂಧನ ಖರೀದಿಸಿದರೇ ಶೇ 0.75ರಷ್ಟು ರಿಯಾಯಿತಿ ನೀಡುವಂತೆ ಸೂಚಿಸಿದ್ದವು.
ಡಿಯರ್ ಎಸ್ಬಿಐ ಕ್ರೆಡಿಟ್ ಕಾರ್ಡ್ದಾರ ಗ್ರಾಹಕರೇ, ಸಾರ್ವಜನಿಕ ಸ್ವಾಮ್ಯದ ಆಯಿಲ್ ಮಾರುಕಟ್ಟೆ ಕಂಪನಿಗಳ ಆದೇಶದ ಅನ್ವಯ ಪ್ರತಿ ಇಂಧನ ಖರೀದಿಯ ಮೇಲೆ ನೀಡಲಾಗುತ್ತಿದ್ದ ಶೇ 0.75ರಷ್ಟು ರಿಯಾಯಿತಿಯು ಕೊನೆಗೊಳ್ಳಲಿದೆ. ಪರಿಷ್ಕೃತ ನಿಯಮವು 2019ರ ಅಕ್ಟೋಬರ್ 1ರಿಂದ ಅನ್ವಯವಾಗಲಿದೆ ಎಂದು ಪ್ರಕಟಣೆಯಲ್ಲಿ ತಿಳಿಸಿದೆ.
