ಮುಂಬೈ: ಭಾರತೀಯ ಸ್ಟೇಟ್ ಬ್ಯಾಂಕ್ (ಎಸ್ಬಿಐ), ತನ್ನ ಗ್ರಾಹಕರ ಅಲ್ಪ ಮೊತ್ತದ ನಿಶ್ಚಿತ ಠೇವಣಿ ಮೇಲಿನ ಬಡ್ಡಿ ದರವನ್ನು ಮೇ 1ರಿಂದ ತಗ್ಗಿಸಲಿದೆ.
ಉಳಿತಾಯ ಖಾತೆಯಲ್ಲಿ ₹ 1 ಲಕ್ಷಕ್ಕಿಂತ ಹೆಚ್ಚಿನ ಮೊತ್ತಕ್ಕೆ ನೀಡುವ ಬಡ್ಡಿ ದರವನ್ನು ಎಸ್ಬಿಐ ಎಸ್ಬಿಐ) ತಗ್ಗಿಸಿದೆ. ಪರಿಷ್ಕೃತ ದರವು ಮೇ 1ರಿಂದ ಜಾರಿಗೆ ಬರುವಂತೆ ಶೇ 3.25ರಷ್ಟು ಇದ್ದ ಬಡಿ ದರ ಶೇ 2.75ಕ್ಕೆ ಇಳಿಯಲಿದೆ. ಆದರೆ, ₹ 1 ಲಕ್ಷಕ್ಕಿಂತ ಕಡಿಮೆ ಮೊತ್ತದ ಮೇಲೆ ಶೇ 3.5ರಷ್ಟು ಬಡ್ಡಿ ದರ ಯಥಾವತ್ತಾಗಿ ಮುಂದುವರಿಯಲಿದೆ ಎಂದು ಎಸ್ಬಿಐ ತಿಳಿಸಿದೆ.
ಏಪ್ರಿಲ್ ತಿಂಗಳ ಆರಂಭದಲ್ಲಿ ಭಾರತೀಯ ರಿಸರ್ವ್ ಬ್ಯಾಂಕ್, ಬ್ಯಾಂಕ್ಗಳಿಗೆ ನೀಡುವ ಸಾಲದ ಮೇಲಿನ ಬಡ್ಡಿದರ (ರೆಪೋ) ಶೇ 6.25ರಷ್ಟು ಇದದ್ದು, ಶೇ 0.25 ಬೇಸ್ ಪಾಯಿಂಟ್ಸ್ ತಗ್ಗಿಸಿ ಶೇ 6ಕ್ಕೆ ನಿಗದಿ ಪಡಿಸಿತ್ತು. ಇದಕ್ಕೆ ಅನುಗುಣವಾಗಿ ಉಳಿತಾಯ ಠೇವಣಿಗಳ ಬಡ್ಡಿದರ ರೆಪೊ ದರಕ್ಕೆ ಜೋಡಣೆ ಮಾಡಿದ. ರೆಪೊ ದರದ ಏರಿಳಿತಕ್ಕೆ ಅನುಗುಣವಾಗಿ ಬಡ್ಡಿಯನ್ನು ಎಸ್ಬಿಐ ನಿಗದಿಪಡಿಸಲಿದೆ.
2019ರ ಏಪ್ರಿಲ್ 30ರವೆಗೆ ಉಳಿತಾಯ ಖಾತೆಯಲ್ಲಿ ₹ 1 ಕೋಟಿ ವರೆಗಿನ ಮೊತ್ತಕ್ಕೆ ಶೇ 3.5 ಹಾಗೂ ಅದಕ್ಕೂ ಹೆಚ್ಚಿನ ಮೊತ್ತಕ್ಕೆ ಶೇ 4ರಷ್ಟು ಬಡ್ಡಿದರ ನೀಡುತ್ತಿದೆ. ಗೃಹ, ವಾಹನ ಸಾಲಗಳ ಮೇಲಿನ ಮಾಸಿಕ ಬಡ್ಡಿ ದರ ಇಳಿಕೆ ಆಗಲಿದೆ.
