ಹೈದರಾಬಾದ್: ಬ್ಯಾಂಕಿಂಗ್ ವಲಯದಲ್ಲಿ ಇಂದಿನಿಂದ ಮಹತ್ವದ ಬದಲಾವಣೆಗಳಾಗಿವೆ. ಭಾರತೀಯ ರಿಸರ್ವ್ ಬ್ಯಾಂಕ್ನ ಈ ಹೊಸ ನಿಯಮಗಳು ಇಂದಿನಿಂದಲೇ ಜಾರಿಯಾಗಿವೆ. ಪ್ರಮುಖವಾಗಿ ಡೆಬಿಟ್ ಕಾರ್ಡ್, ಕ್ರೆಡಿಟ್ ಕಾರ್ಡ್ ಮೇಲೂ ಕೆಲ ನಿರ್ಬಂಧಗಳನ್ನು ವಿಧಿಸಲಾಗಿದೆ.
1. ಡೆಬಿಟ್ ಕಾರ್ಡ್, ಕ್ರೆಡಿಟ್ ಕಾರ್ಡ್ ಅಥವಾ ಮೊಬೈಲ್ ವ್ಯಾಲೆಟ್‌ ಬಳಸಿ ಆಟೋ - ಡೆಬಿಟ್ ಪೇಮೆಂಟ್‌ ವ್ಯವಸ್ಥೆ ಮಾಡುವುದಿದ್ದರೆ ಬ್ಯಾಂಕ್ಗಳು 24 ಗಂಟೆ ಮೊದಲು ಗ್ರಾಹಕರಿಗೆ ಸೂಚನೆ ನೀಡಬೇಕಾಗುತ್ತದೆ. ಗ್ರಾಹಕರು ಒಪ್ಪಿಗೆ ನೀಡಿದ ಬಳಿಕವೇ ಹಣ ಕಡಿತವಾಗಲಿದೆ. 5,000 ರೂ.ಗಿಂತಲೂ ಮೇಲ್ಪಟ್ಟ ಮೊತ್ತದ ಕಡಿತಕ್ಕೆ ಇದು ಅನ್ವಯ.
2. ಆಟೋ ಡೆಬಿಟ್ ಪಾವತಿ ವ್ಯವಸ್ಥೆ ಅಡಿಯಲ್ಲಿ ಬ್ಯಾಂಕ್ಗಳು ಡಿಜಿಟಲ್ ಪ್ಲಾಟ್ಫಾರ್ಮ್/ ಸ್ವಯಂಚಾಲಿತ ಬಿಲ್ ಪಾವತಿಗೆ ಹಣ ಡೆಬಿಟ್ ಮಾಡುವ ಮೊದಲು ಅನುಮತಿ ಪಡೆದುಕೊಳ್ಳಬೇಕು. ನೆಟ್ಫ್ಲಿಕ್ಸ್, ಅಮೆಜಾನ್ ಪ್ರೈಮ್‌ನಂತಹ ಮಾಸಿಕ ಸ್ವಯಂ-ಡೆಬಿಟ್ ವಹಿವಾಟು ಚಂದಾದಾರರು ಗ್ರಾಹಕರ ಅನುಮತಿ ಇಲ್ಲದೇ ಹಣ ಪಡೆದುಕೊಳ್ಳುವಂತಿಲ್ಲ. ಎಸ್‌ಎಂಎಸ್‌ (SMS) ಅಥವಾ ಇ-ಮೇಲ್ ರೂಪದಲ್ಲಿ ನಮಗೆ ಮೊದಲೇ ಸಂದೇಶ ಕಳುಹಿಸಬೇಕು.
3. ಟ್ರೇಡಿಂಗ್ ಖಾತೆಗಳಿಗೆ ಕೆವೈಸಿ ನಿಯಮ
ಟ್ರೇಡಿಂಗ್ ಅಕೌಂಟ್ ಹೊಡಿಕೆದಾರರಿಗೆ ಕೆವೈಸಿ ಕಡ್ಡಾಯಗೊಳಿಸಲಾಗಿದೆ. ಇದರಲ್ಲಿ ವಿಳಾಸ, ಹೆಸರು, ಪ್ಯಾನ್, ಮೊಬೈಲ್ ಸಂಖ್ಯೆ ಹಾಗೂ ಇ-ಮೇಲ್ ಐಡಿ ಕಡ್ಡಾಯ. ಇದರ ಜೊತೆಗೆ, ಸರ್ಕಾರಿ ಸ್ವಾಮ್ಯದ ಪ್ರಮುಖ ಬ್ಯಾಂಕ್ಗಳಾಗಿರುವ ಪಂಜಾಬ್ ನ್ಯಾಷನಲ್ ಬ್ಯಾಂಕ್, ಓರಿಯಂಟಲ್ ಬ್ಯಾಂಕ್ ಆಫ್ ಕಾಮರ್ಸ್ (ಒಬಿಸಿ) ಮತ್ತು ಯುನೈಟೆಡ್ ಬ್ಯಾಂಕ್ ಆಫ್ ಇಂಡಿಯಾ ತಮ್ಮ ಹಳೆಯ ಚೆಕ್ ಬುಕ್ ಕೊನೆಗೊಳಿಸಿದೆ.
4. ಪಿಂಚಣಿ ನಿಯಮದಲ್ಲೂ ಬದಲಾವಣೆ ಆಗಿದೆ. ಇದು 80 ವರ್ಷಕ್ಕಿಂತಲೂ ಮೆಲ್ಪಟ್ಟವರಿಗೆ ಅನ್ವಯವಾ. 80 ವರ್ಷಕ್ಕಿಂತ ಮೇಲ್ಪಟ್ಟ ಪಿಂಚಣಿದಾರರು ದೇಶದ ಎಲ್ಲ ಅಂಚೆ ಕಚೇರಿಗಳಲ್ಲಿ ಡಿಜಿಟಲ್ ಜೀವನ ಪ್ರಮಾಣ ಪತ್ರ ಸಲ್ಲಿಸಬಹುದು.
