ಪಣಜಿ: ಗೋವಾದಲ್ಲಿ ಏಪ್ರಿಲ್ 1ರಿಂದ ಮದ್ಯದ ಬೆಲೆ ಶೇ 20ರಿಂದ 50ರವರೆಗೆ ಏರಿಕೆಯಾಗಲಿದೆ ಎಂದು ಮುಖ್ಯಮಂತ್ರಿ ಪ್ರಮೋದ್ ಸಾವಂತ್ ಹೇಳಿದ್ದಾರೆ.
ವಿಧಾನಸಭೆಯಲ್ಲಿ ಈ ಕುರಿತು ಮಾಹಿತಿ ನೀಡಿ ಮುಖ್ಯಮಂತ್ರಿ ಸಾವಂತ್, ಅಬಕಾರಿ ಸುಂಕ, ಮದ್ಯ ಮಾರಾಟಗಾರರು ಸಲ್ಲಿಸುವ ಶುಲ್ಕದಲ್ಲಿ ಹೆಚ್ಚಳ ಮಾಡಲಾಗಿದೆ. ಬೆಲೆ ಏರಿಕೆಯಿಂದಾಗಿ ರಾಜ್ಯ ಸರ್ಕಾರದ ಬೊಕ್ಕಸಕ್ಕೆ 100 ಕೋಟಿ ರೂ. ಹೆಚ್ಚುವರಿ ಆದಾಯ ಹರಿದು ಬರಲಿದೆ ಎಂದು ದರ ಏರಿಕೆಗೆ ಸ್ಪಷ್ಟನೆ ನೀಡಿದ್ದಾರೆ.
2018-19ರ ಹಣಕಾಸು ವರ್ಷದಲ್ಲಿ ಅಬಕಾರಿಯಿಂದ 477.67 ಕೋಟಿ ರೂ.ಯಷ್ಟು ಆದಾಯ ಬಂದಿತ್ತು. ಕಳೆದ ವರ್ಷ ಗಳಿಸಿದ ಆದಾಯಕ್ಕಿಂತ ಶೇ 25ರಷ್ಟು ಹೆಚ್ಚಾಗಿರಲಿದೆ. ಏಪ್ರಿಲ್ 1ರಿಂದ ಪರಿಷ್ಕೃತ ಬೆಲೆ ಏರಿಕೆ ಅನುಷ್ಠಾನಕ್ಕೆ ಬರಲಿದೆ ಎಂದು ಮಾಹಿತಿ ನೀಡಿದ್ದಾರೆ.
