ನವದೆಹಲಿ: ವಿಮಾ ಕಂಪೆನಿಗಳು ಕೇಂದ್ರೋದ್ಯಮಗಳ (ಸಿಪಿಎಸ್‌ಇ) ಸಾಲ ಇಟಿಎಫ್‌ಗಳಲ್ಲಿ (ವಿನಿಮಯ-ವಹಿವಾಟು ನಿಧಿ) ಹೂಡಿಕೆ ಮಾಡಲು ಐಆರ್ಡಿಎಐ ಅನುಮತಿ ನೀಡಿದೆ.
ವಿಮಾ ನಿಯಂತ್ರಕ ಹೊರಡಿಸಿದ ಮಾರ್ಗಸೂಚಿಗಳ ಪ್ರಕಾರ, ಹೂಡಿಕೆಗೆ ಅನುಮತಿಸಲಾಗಿದೆ. ಭಾರತೀಯ ವಿಮಾ ನಿಯಂತ್ರಣ ಮತ್ತು ಅಭಿವೃದ್ಧಿ ಪ್ರಾಧಿಕಾರ (ಐಆರ್ಡಿಎಐ) ಮಾರ್ಗಸೂಚಿಗಳು ವಿಮಾದಾರರಿಗೆ ವಿವಿಧ ಸಮಗ್ರ ಆಸ್ತಿ ವಿಭಾಗಗಳಲ್ಲಿ ಹೂಡಿಕೆ ಮಾಡಲು ಅನುವು ಮಾಡಿಕೊಡುತ್ತದೆ.
ಹೂಡಿಕೆಯ ವರ್ಗವಾಗಿ ಮತ್ತು ಮ್ಯೂಚುವಲ್ ಫಂಡ್ ಮಾನ್ಯತೆಯ ಭಾಗವಾಗಿ ಭಾರತದಲ್ಲಿ ಆರಂಭಿಸಲು ಉದ್ದೇಶಿಸಿರುವ ಕೇಂದ್ರೋದ್ಯಮಗಳ ಆಧಾರವಾಗಿರುವ ಸಾಲ ಭದ್ರತೆಗಳ ಜೊತೆಗೆ ಸಾಲ ಇಟಿಎಫ್‌ಗಳಿಗೆ ಐಆರ್ಡಿಎಐ ಅನುಮತಿ ನೀಡುತ್ತದೆ. ಸಾಲ ಇಟಿಎಫ್‌ಗಳನ್ನು ಸೆಬಿ ನೋಂದಾಯಿಸಿದ ಮ್ಯೂಚುವಲ್ ಫಂಡ್‌ಗಳಿಂದ ನೀಡಬೇಕು. ಅವುಗಳನ್ನು ತನ್ನ ನಿಯಮಗಳಿಂದ ನಿಯಂತ್ರಿಸಬೇಕು ಎಂದು ನಿಯಂತ್ರಕ ಪ್ರಾಧಿಕಾರ ಸುತ್ತೋಲೆಯಲ್ಲಿ ತಿಳಿಸಿದೆ.
