ನವದೆಹಲಿ: 2ನೇ ಹಂತದ ಕೋವಿಡ್ ಅಲೆಯಿಂದ ದೇಶದ ಆರ್ಥಿಕತೆ ಮತ್ತೊಮ್ಮೆ ತತ್ತರಿಸಿ ಹೋಗಿದೆ. ವಿವಿಧ ವಲಯಗಳು ಸಂಪೂರ್ಣವಾಗಿ ನೆಲಕಚ್ಚಿರುವ ಕಾರಣ ಕೇಂದ್ರ ಹಣಕಾಸು ಸಚಿವೆ ನಿರ್ಮಲ ಸೀತಾರಾಮನ್ ಅವುಗಳಿಗೆ ಚೇತರಿಕೆ ನೀಡಲು ಮುಂದಾಗಿದ್ದಾರೆ. ಅದೇ ಉದ್ದೇಶದಿಂದ ಸುದ್ದಿಗೋಷ್ಠಿ ನಡೆಸಿರುವ ವಿತ್ತ ಸಚಿವೆ ಕೆಲವೊಂದು ಮಹತ್ವದ ಘೋಷಣೆ ಹೊರ ಹಾಕಿದ್ದಾರೆ.
ಎರಡನೇ ಹಂತದ ಕೋವಿಡ್ ಅಲೆಯಿಂದ ದೇಶದ ಅರ್ಥಿಕತೆಗೆ ಚೇತರಿಕೆ ನೀಡುವ ಉದ್ದೇಶದಿಂದ ನಿರ್ಮಲಾ ಸೀತಾರಾಮನ್ 8 ಅಂಶಗಳ ಪ್ಯಾಕೇಜ್ ಘೋಷಣೆ ಮಾಡಿದ್ದಾರೆ. ಪ್ರಮುಖವಾಗಿ ಕೋವಿಡ್ ಪೀಡಿತ ವಲಯಗಳಿಗೆ 1.1 ಲಕ್ಷ ಕೋಟಿ ರೂ. ಸಾಲ ಖಾತ್ರಿ ಯೋಜನೆ ಘೋಷಣೆ ಮಾಡಿರುವ ನಿರ್ಮಲ ಸೀತಾರಾಮನ್ ಆರೋಗ್ಯ ವಲಯಕ್ಕೆ ಬಂಪರ್ ಕೊಡುಗೆ ನೀಡಿದ್ದಾರೆ.
ಇದನ್ನೂ ಓದಿರಿ: ಸಾಲ ಖಾತರಿ ಯೋಜನೆಯಡಿ 25 ಲಕ್ಷ ಮಂದಿಗೆ ಮೈಕ್ರೋ ಫೈನಾನ್ಸ್ ಮೂಲಕ ಸಾಲ: ಸೀತಾರಾಮನ್ ಘೋಷಣೆ
ಸೀತಾರಾಮನ್ 8 ಅಂಶಗಳ ಪ್ಯಾಕೇಜ್
- ಆರೋಗ್ಯ ಕ್ಷೇತ್ರಕ್ಕೆ 50,000 ,ಕೋಟಿ. ರೂ. ಸಾಲ ಯೋಜನೆ, ಮಕ್ಕಳ ಆರೋಗ್ಯಕ್ಕಾಗಿ 23,220 ಕೋಟಿ ರೂ.
- ಕೋವಿಡ್ ಪೀಡಿತ ವಲಯಗಳಿಗೆ 1.1 ಲಕ್ಷ ಕೋಟಿ ರೂ. ಸಾಲ ಉಳಿದಂತೆ ಇತರೆ ವಲಯಗಳಿಗೆ 60,000 ಕೋಟಿ ರೂ
- ಮೈಕ್ರೋ ಫೈನಾನ್ಸ್ ಸಂಸ್ಥೆಗಳ ಮೂಲಕ 25 ಲಕ್ಷ ಜನರಿಗೆ ಕ್ರೆಡಿಟ್ ಸಾಲ ಯೋಜನೆ
- ಪ್ರವಾಸೋದ್ಯಮ ಪುನರ್ ಅಭಿವೃದ್ಧಿಗೆ ಗೈಡ್ಗಳಿಗೆ ಆರ್ಥಿಕ ಸಹಾಯ, 11,000 ನೋಂದಣಿಗೊಂಡ ಪ್ರವಾಸೋದ್ಯಮ ಮಧ್ಯಸ್ಥಗಾರರಿಗೆ ಸಾಲ
- 5 ಲಕ್ಷ ಮಂದಿಗೆ ಉಚಿತ ವೀಸಾ ನೀಡುವ ಯೋಜನೆ
- ಆತ್ಮನಿರ್ಭರ್ ಭಾರತ್ ರೋಜಗಾರ್ ಯೋಜನೆ ವಿಸ್ತರಣೆ
- ರಸಗೊಬ್ಬರಗಳ ಮೇಲಿ ಹೆಚ್ಚುವರಿ ಸಬ್ಸಿಡಿ ಹೆಚ್ಚುವರಿಯಾಗಿ 14,7555 ಕೋಟಿ ರೂ.
- ಪ್ರಧಾನಮಂತ್ರಿ ಗರೀಬ್ ಕಲ್ಯಾಣ್ ಅನ್ನ ಯೋಜನೆ ವಿಸ್ತರಣೆ ಇದಕ್ಕಾಗಿ 2,27,841 ಕೋಟಿ ರೂ. ಮೀಸಲು
ಈ ಹಿಂದೆ ಕೂಡ ದೇಶದಲ್ಲಿ ಕೋವಿಡ್ ಅಲೆ ಎದುರಾಗಿದ್ದ ಸಮಯದಲ್ಲಿ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ವಿಶೇಷ ಪ್ಯಾಕೇಜ್ ಘೋಷಣೆ ಮಾಡಿದ್ದರು. ಈ ವೇಳೆ ಆತ್ಮನಿರ್ಭರ್ ಭಾರತ್ ಅಭಿಯಾನ್ದಡಿ ವಿವಿಧ ವಲಯಗಳಿಗೆ ಹಣ ನೀಡಲಾಗಿತ್ತು.
