ಬೇಡಿಕೆ ಕಡಿಮೆ ಇದ್ದರೂ ದೆಹಲಿಯಲ್ಲಿ ಪೆಟ್ರೋಲ್‌ಗಿಂತ ಡೀಸೆಲ್ ದುಬಾರಿ!

ನಿಧಾನಗತಿಯ ಬೇಡಿಕೆಯ ಹೊರತಾಗಿಯೂ ಕಳೆದೆರಡು ವಾರಗಳಿಂದ ಡೀಸೆಲ್ ಬೆಲೆಯಲ್ಲಿನ ಅನಿರೀಕ್ಷಿತ ದರ ಏರಿಕೆ ಕಂಡು ಬಂದಿದೆ.

ನವದೆಹಲಿ: ದೆಹಲಿಯಲ್ಲಿ ಕಳೆದ ಕೆಲ ದಿನಗಳಿಂದ ಪೆಟ್ರೋಲ್‌ಗಿಂದ ಡೀಸೆಲ್ ದುಬಾರಿಯಾಗುತ್ತಿದೆ. ನಿಧಾನಗತಿಯ ತೈಲ ಬೇಡಿಕೆಯ ಮಧ್ಯೆಯೂ ಅನಿರೀಕ್ಷಿತ ಬೆಲೆ ಏರಿಕೆ ಸಾರ್ವಜನಿಕರನ್ನು ಚಿಂತೇಗೀಡು ಮಾಡಿದೆ.

ತೈಲ ಮಾರಾಟ ಕಂಪನಿಗಳು ಶನಿವಾರ ಲೀಟರ್‌ ಡೀಸೆಲ್​ ಮೇಲೆ 17 ಪೈಸೆ ಏರಿಸಿವೆ. ಪರಿಣಾಮ, ರಾಷ್ಟ್ರ ರಾಜಧಾನಿಯಲ್ಲಿ ಪೆಟ್ರೋಲ್- ಡೀಸೆಲ್​ ನಡುವಿನ ಅಂತರ ಮತ್ತಷ್ಟು ವಿಸ್ತರಿಸಿದೆ.

ಕಳೆದ ತಿಂಗಳು ಡೀಸೆಲ್ ಬೆಲೆ ರಾಷ್ಟ್ರ ರಾಜಧಾನಿಯಲ್ಲಿ ಪೆಟ್ರೋಲ್ ಅನ್ನು ಹಿಂದಿಕ್ಕಿತ್ತು. ಈಗಲೂ ಅದೇ ಸ್ಥಾನದಲ್ಲಿ ಮುಂದುವರೆಯುತ್ತಿದೆ.

ರಾಜಧಾನಿಯಲ್ಲಿ ಶನಿವಾರ ಡೀಸೆಲ್ ಬೆಲೆ ಪ್ರತಿ ಲೀಟರ್‌ 81.52 ರೂ. ಮಾರಾಟ ಆಗುತ್ತಿದೆ. ಈ ಹಿಂದಿನ ಮಟ್ಟವಾದ 81.35 ರೂ.ಯಲ್ಲಿತ್ತು. ಪೆಟ್ರೋಲ್ ಬೆಲೆಯು 80.43 ರೂ.ಯಲ್ಲಿ ಬದಲಾಗದೆ ಉಳಿದಿವೆ. ಇದು ಜೂನ್ 29ರ ಮಟ್ಟಕ್ಕಿಂತ ಹಿಂದಿನ ದಿನಗಳ ಬೆಲೆಗಿಂತ 5 ಪೈಸೆ ಏರಿಕೆಯಾಗಿದೆ.

ದೇಶದ ಇತರ ಮೆಟ್ರೊ ನಗರಗಳಲ್ಲೂ ಡೀಸೆಲ್ ಬೆಲೆ ಸ್ವಲ್ಪಮಟ್ಟಿಗೆ ಹೆಚ್ಚಾಗಿದೆ. ಅಲ್ಲಿನ ಸಾರಿಗೆ ಇಂಧನದ ಬೆಲೆ ಪೆಟ್ರೋಲ್‌ಗಿಂತ ಪ್ರತಿ ಲೀಟರ್‌ಗೆ 6-8 ರೂ. ಕಡಿಮೆ ಇದೆ.