ಮುಂಬೈ: ದೇಶಿ ಷೇರುಪೇಟೆಯಲ್ಲಿನ ಬ್ಲೂಚಿಪ್ ಸೂಚ್ಯಂಕಗಳು ಸತತ 10 ದಿನಗಳವರೆಗೆ ಒಗ್ಗೂಡಿ ಹಸಿರು ವಲಯದಲ್ಲಿ ಸಾಗುವ ಮೂಲಕ 13 ವರ್ಷಗಳಲ್ಲಿ ಅತಿದೊಡ್ಡ ಏರಿಕೆಯನ್ನು ದಾಖಲಿಸಿದ್ದವು.
ಈ ಬಳಿಕದ ಕಳೆದ ಕೆಲವು ದಿನಗಳ ಅವಧಿಯಲ್ಲಿ ಕಂಡು ಬಂದ ಆಯಾಸದ ಲಕ್ಷಣಗಳು ಗುರುವಾರದಂದು ದೊಡ್ಡ ಕುಸಿತಕ್ಕೆ ಒಳಗಾಗಿ, ಪೇಟೆಯಲ್ಲಿ ಅಸ್ಥಿರತೆಯು ಇನ್ನೂ ಜೀವಂತವಾಗಿದೆ ಎಂದು ಎಚ್ಚರಿಸಿದವು. ಸ್ಟಾಕ್ ಇಳಿಕೆಯು ಚಂಚಲತೆಯ ಅಳತೆಯಾದ ಭಾರತ VIX (ಭಾರತ ಚಂಚಲತೆ ಸೂಚ್ಯಂಕ) ಶೇ 4ಕ್ಕಿಂತ ಹೆಚ್ಚಾಗಿದೆ ಎಂದು ತಜ್ಞರು ಅಂದಾಜಿಸಿದ್ದಾರೆ.
ಬಿಎಸ್‌ಇ - ಪಟ್ಟಿಮಾಡಿದ ಕಂಪನಿಗಳ ಒಟ್ಟು ಮಾರುಕಟ್ಟೆ ಕ್ಯಾಪ್ 157.85 ಲಕ್ಷ ಕೋಟಿ ರೂ.ಗೆ ಕುಸಿದಿದ್ದರಿಂದ ಈಕ್ವಿಟಿ ಹೂಡಿಕೆದಾರರು ಗುರುವಾರ ವಹಿವಾಟಿನಂದು ಸುಮಾರು 2.35 ಲಕ್ಷ ಕೋಟಿ ರೂ.ಯಷ್ಟು ಸಂಪತ್ತು ಕಳೆದುಕೊಂಡಿದ್ದಾರೆ.
ಮಾರುಕಟ್ಟೆಯ ಚಾಲನಾ ಅಂಶಗಳು
ಯುಎಸ್ ಉತ್ತೇಜಕ ಪ್ಯಾಕೇಜ್
ಅಮೆರಿಕ ಖಜಾನೆ ಕಾರ್ಯದರ್ಶಿ ಸ್ಟೀವ್ ಮ್ನುಚಿನ್ ಅವರು ಮತ್ತು ಹೌಸ್ ಆಫ್ ರೆಪ್ರೆಸೆಂಟೇಟಿವ್ಸ್ ಸ್ಪೀಕರ್ ನ್ಯಾನ್ಸಿ ಪೆಲೋಸಿ ಮತ್ತೊಂದು ಸುತ್ತಿನ ಕೊರೊನಾ ವೈರಸ್ನ ಆರ್ಥಿಕ ಪರಿಹಾರ ಪ್ಯಾಕೇಜ್ ಬಹಳ ದೂರದಲ್ಲಿದೆ. ನವೆಂಬರ್ 3ರ ಚುನಾವಣೆಗೆ ಮುಂಚಿತವಾಗಿ ಈ ಒಪ್ಪಂದ ತಲುಪುವುದು ಕಷ್ಟ ಎಂದು ಹೇಳಿದ್ದಾರೆ. ಇದು ಪೇಟೆ ಮೇಲೆ ಭಾರಿ ಪರಿಣಾಮ ಬೀರಿರುವ ಸಾಧ್ಯತೆ ಇದೆ.
ಅಮೆರಿಕ - ಚೀನಾ ಉದ್ವಿಗ್ನತೆ:
ಇ ಕಾಮರ್ಸ್ ದೈತ್ಯ ಅಲಿಬಾಬಾದ ಹಣಕಾಸು ತಂತ್ರಜ್ಞಾನ ಸಾರ್ವಜನಿಕ ವಿಭಾಗವು ಹೋಗುವುದಕ್ಕೆ ಮುನ್ನ, ಚೀನಾ ಮೂಲದ ಈ ಗ್ರೂಪ್ ಅನ್ನು ವ್ಯಾಪಾರದ ಕಪ್ಪುಪಟ್ಟಿಗೆ ಸೇರಿಸಲು ಟ್ರಂಪ್ ಆಡಳಿತಕ್ಕೆ ಯುಎಸ್ ಸ್ಟೇಟ್ ಡಿಪಾರ್ಟ್ಮೆಂಟ್ ಪ್ರಸ್ತಾವನೆ ಸಲ್ಲಿಸಿದೆ. ಈ ನಂತರ ಬೀಜಿಂಗ್ ಮತ್ತು ವಾಷಿಂಗ್ಟನ್ ನಡುವಿನ ಉದ್ವಿಗ್ನತೆ ಇನ್ನೂ ಜೀವಂತವಾಗಿದೆ ಎಂಬುದು ಸೂಚಿಸುತ್ತದೆ. ಇದೂ ಕೂಡಾ ಇಂದಿನ ಷೇರುಗಳ ಮಹಾಪತನಕ್ಕೆ ಕಾರಣ ಎಂದು ಹೇಳಲಾಗುತ್ತಿದೆ.
ಕೋವಿಡ್ ಪುನರಾಗಮನ:
ಕೋವಿಡ್ -19 ಸಾಂಕ್ರಾಮಿಕ ರೋಗದ ಎರಡನೇ ಅಲೆ ಕಾಣಿಸಿಕೊಳ್ಳುತ್ತಿದ್ದು, ಸೋಂಕಿನ ಪುನರುತ್ಥಾನವು ಸರ್ಕಾರಗಳು ಮತ್ತೆ ಆರ್ಥಿಕತೆ ಸ್ಥಗಿತಗೊಳಿಸಲು ಕಾರಣವಾಗಬಹುದು ಎಂಬ ಕಳವಳಗಳು ಲಾಭದಾಯಕತೆ ಉತ್ತೇಜಿಸಿ, ಷೇರು ಮಾರಾಟ ಒತ್ತಡ ಕಂಡು ಬಂದವು. ಸೋಂಕಿನ ಪ್ರಕರಣಗಳು ಹೆಚ್ಚಾಗುತ್ತಿದ್ದಂತೆ, ಕೆಲವು ಯುರೋಪಿಯನ್ ರಾಷ್ಟ್ರಗಳು ಶಾಲೆಗಳನ್ನು ಮುಚ್ಚುತ್ತಿವೆ. ಶಸ್ತ್ರಚಿಕಿತ್ಸೆ ರದ್ದುಗೊಳಿಸುತ್ತಿವೆ ಮತ್ತು ಪ್ರಶಿಕ್ಷಣಾರ್ಥ ವೈದ್ಯರನ್ನು ಈ ವರ್ಷದ ಆರಂಭದಲ್ಲಿ ಸೇವೆಗೆ ಬಳಸಿಕೊಳ್ಳಲು ಚಿಂತಿಸುತ್ತಿವೆ.
ಜಾಗತಿಕ ಮಾರುಕಟ್ಟೆಗಳು:
ದಿನದ ವಹಿವಾಟು ಅಂತ್ಯದ ವೇಳೆ ಸೆನ್ಸೆಕ್ಸ್ 1,066 ಅಂಕ ಅಥವಾ ಶೇ 2.61ರಷ್ಟು ಕುಸಿದು 39,728 ಮಟ್ಟದಲ್ಲಿ ಕೊನೆಗೊಂಡರೆ ರಾಷ್ಟ್ರೀಯ ಷೇರು ಸೂಚ್ಯಂಕ ನಿಫ್ಟಿ 291 ಅಂಕ ಅಥವಾ ಶೇ 2.43ರಷ್ಟು ಇಳಿಕೆಯೊಂದಿಗೆ 11,680 ಅಂಕಗಳಿಗೆ ಸ್ಥಿರವಾಗಿದೆ.
ಬಿಎಸ್‌ಇ ಸೆನ್ಸೆಕ್ಸ್‌ನ 30 ಘಟಕಗಳಲ್ಲಿ 29 ಯೂನಿಟ್ಗಳು ಕುಸಿತ ದಾಖಲಿಸಿವೆ. ಏಷ್ಯನ್ ಪೇಂಟ್ಸ್ ಶೇ 0.3ರಷ್ಟು ಹಸಿರು ಬಣ್ಣದಲ್ಲಿ ಕೊನೆಗೊಂಡ ಏಕೈಕ ಷೇರಾಗಿದೆ.
ಏಷ್ಯಾನ್ ಪೆಯಿಂಟ್ಸ್ ಹೊರತುಪಡಿಸಿ ಅಶೋಕ್ ಲೇಲ್ಯಾಂಡ್, ಭಾರತ್ ಫೊರ್ಜ್, ಟಾಟಾ ಪವರ್, ಅಲೋಕ್ ಇಂಡಸ್ಟ್ರೀಸ್, ಟಾಟಾ ಎಲ್ಕ್ಸಿ, ಸೆಂಚುರಿ ಟೆಕ್ಸ್ಟೈಲ್ಸ್ ಗ್ರೀನ್ ಟ್ರೀ ಹೊಟೇಲ್, ಥೈರೋಕೇರ್, ಪಿಎನ್‌ಬಿ ಹೌಸಿಂಗ್ ಫೈನಾನ್ಸ್, ವೊಡಾಫೋನ್ ಐಡಿಯಾ, ಟ್ರೆಂಟ್ ಮತ್ತು ಬಾಟಾ ಇಂಡಿಯಾ ಮಾರಾಟದ ಒತ್ತಡದಲ್ಲಿದ್ದು ಷೇರು ಮೌಲ್ಯ ಕುಸಿತಕ್ಕೆ ಒಳಗಾದವು.
ಯುಎಸ್ ಸ್ಟಾಕ್ ಸೂಚ್ಯಂಕಗಳು ಹಿಂದಿನ ವಹಿವಾಟಿನಲ್ಲಿ ಇಳಿಕೆಯಾದ ನಂತರ ಎಸ್ & ಪಿ 500 ಫ್ಯೂಚರ್ ಏಷ್ಯಾದಲ್ಲಿ ಶೇ 0.27ರಷ್ಟು ಕುಸಿದಿದ್ದು, ಎಸ್&ಪಿ 500 ಶೇ 0.7ರಷ್ಟು ಮತ್ತು ನಾಸ್ಡಾಕ್ ಕಾಂಪೊಸಿಟ್ ಸೂಚ್ಯಂಕ ಶೇ 0.8ರಷ್ಟು ಕುಸಿದಿದೆ.
2ನೇ ತ್ರೈಮಾಸಿಕ ಗಳಿಕೆ: ಮೈಂಡ್‌ಟ್ರೀ, ಜುಪಿಟರ್ ಇನ್ಫೋಮೀಡಿಯಾ, ಹ್ಯಾಥ್‌ವೇ ಕೇಬಲ್, ಸೈಂಟ್, ಡೋಲಟ್ ಕ್ಯಾಪಿಟಲ್, ಸೌತ್ ಇಂಡಿಯನ್ ಬ್ಯಾಂಕ್ ಮತ್ತು ಟ್ರೈಡೆಂಟ್ ತ್ರೈಮಾಸಿಕ ಆದಾಯ ಗಳಿಕೆ ನಿರೀಕ್ಷಿಸಲಾಗಿದೆ.
