ನವದೆಹಲಿ: ಆರಂಭಿಕ 250 ಕೋಟಿ ರೂ. ಮೊತ್ತದ ಪಾವತಿ ಮೂಲಸೌಕರ್ಯ ಅಭಿವೃದ್ಧಿ ನಿಧಿ (ಪಿಐಡಿಎಫ್) ರಚಿಸುವುದಾಗಿ ರಿಸರ್ವ್ ಬ್ಯಾಂಕ್ ಶುಕ್ರವಾರ ಪ್ರಕಟಿಸಿದೆ.
ಶ್ರೇಣಿ -3 ರಿಂದ ಶ್ರೇಣಿ - 6 ನಗರಗಳು ಮತ್ತು ಈಶಾನ್ಯ ರಾಜ್ಯಗಳಲ್ಲಿ 'ಪಾಯಿಂಟ್ಸ್ ಆಫ್ ಸೇಲ್' ಯಂತ್ರಗಳನ್ನು ಅಳವಡಿಸಿಕೊಳ್ಳಲು ಪ್ರೋತ್ಸಾಹಿಸಲು ಈ ನಿಧಿಯನ್ನು ರಚಿಸಲಾಗಿದೆ.
ಪಿಒಎಸ್ ಯಂತ್ರಗಳು ವ್ಯವಹಾರಗಳಿಗೆ ಇ - ಪಾವತಿ ಸ್ವೀಕರಿಸಲು ಅನುವು ಮಾಡಿಕೊಡುತ್ತವೆ. ಇದರಿಂದಾಗಿ ನಗದು ವ್ಯವಹಾರದ ಅಗತ್ಯವನ್ನ ತಗ್ಗುತ್ತದೆ.
ತಡವಾಗಿ ಇ - ಪಾವತಿ ವಿಧಾನಗಳನ್ನು ಅಳವಡಿಸಿಕೊಳ್ಳಲು ಅಪೆಕ್ಸ್ ಬ್ಯಾಂಕ್ ಪ್ರೋತ್ಸಾಹಿಸುತ್ತಿದೆ. ದೇಶದಲ್ಲಿ ಪಾವತಿ ವ್ಯವಸ್ಥೆಯು ಬ್ಯಾಂಕ್ ಖಾತೆ, ಮೊಬೈಲ್ ಫೋನ್, ಕಾರ್ಡ್ನಂತಹ ವ್ಯಾಪಕ ಶ್ರೇಣಿಯ ಆಯ್ಕೆಗಳೊಂದಿಗೆ ವಿಕಸನಗೊಂಡಿದೆ ಎಂದು ಆರ್‌ಬಿಐ ಪ್ರಕಟಣೆಯಲ್ಲಿ ತಿಳಿಸಿದೆ.
ಪಾವತಿ ವ್ಯವಸ್ಥೆಗಳ ಡಿಜಿಟಲೀಕರಣಕ್ಕೆ ಮತ್ತಷ್ಟು ಉತ್ತೇಜನ ನೀಡಲು ದೇಶಾದ್ಯಂತ ಸ್ವೀಕಾರ ಮೂಲಸೌಕರ್ಯಗಳಿಗೆ ಪ್ರಚೋದನೆಯನ್ನು ನೀಡುವುದು ಅವಶ್ಯಕವಾಗಿದೆ. ರಿಸರ್ವ್ ಬ್ಯಾಂಕ್ ಪಿಐಡಿಎಫ್ಗೆ ಆರಂಭಿಕ ನಿಧಿಯಾಗಿ 250 ಕೋಟಿ ರೂ.ಗಳಲ್ಲಿ ಅರ್ಧದಷ್ಟು ಹಣವನ್ನು ನೀಡುತ್ತದೆ. ಉಳಿದ ಕೊಡುಗೆ ಕಾರ್ಡ್ ನೀಡುವ ಬ್ಯಾಂಕ್ಗಳು ಮತ್ತು ದೇಶದಲ್ಲಿ ಕಾರ್ಯನಿರ್ವಹಿಸುತ್ತಿರುವ ಕಾರ್ಡ್ ನೆಟ್ವರ್ಕ್ಗಳಿಂದ ನೀಡಲಾಗುವುದು ಎಂದು ಹೇಳಿದೆ.
