ಹೈದರಾಬಾದ್: ಬ್ಯಾಂಕ್ಗಳಿಗೆ ಬಾಂಡ್ಗಳ ರೂಪದ ಮರುಪಾವತಿಯ ಬದಲಿಗೆ ನಗದು ರೂಪದಲ್ಲಿ ನೀಡುವಂತೆ ಸೂಚಿಸಿದ ಭಾರತೀಯ ರಿಸರ್ವ್ ಬ್ಯಾಂಕ್ನ ಮಾಜಿ ಗವರ್ನರ್ ಸಿ. ರಂಗರಾಜನ್, ಬ್ಯಾಂಕ್ಗಳು ಸೇರಿದಂತೆ ಸಾರ್ವಜನಿಕ ವಲಯದ ಸ್ವಾಯತ್ತ ಸಂಸ್ಥೆಗಳು ಸರ್ಕಾರದಿಂದ ಅಂತರ ಕಾಪಾಡಿಕೊಳ್ಳಬೇಕು ಎಂದು ಎಚ್ಚರಿಕೆ ನೀಡಿದ್ದಾರೆ.
ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಅವರು ಆಗಸ್ಟ್ನಲ್ಲಿ ಸಾರ್ವಜನಿಕ ವಲಯದ ಬ್ಯಾಂಕ್ಗಳಿಗೆ 70,000 ಕೋಟಿ ರೂ. ಬಂಡವಾಳ ಬಿಡುಗಡೆ ಮಾಡಲಾಗಿದೆ. ಈ ಮೂಲಕ ನಗದು ದ್ರವ್ಯತೆಯನ್ನು ಹೆಚ್ಚಿಸಲಾಗಿದೆ ಎಂದಿದ್ದರು. ಇದಕ್ಕೆ ರಂಗರಾಜನ್ ಇಂದು ಪ್ರತಿಕ್ರಿಯಿಸಿದ್ದಾರೆ.
ಐಸಿಎಫ್‌ಎಐ ಫೌಂಡೇಷನ್ ಆಯೋಜಿಸಿದ್ದ ಅನುತ್ಪಾದಕ ಆಸ್ತಿ (ಎನ್ಪಿಎ) ಮತ್ತು ಭಾರತೀಯ ಬ್ಯಾಂಕ್ಗಳಲ್ಲಿ ಅದರ ನಿರ್ಣಯಕ ಪಾತ್ರ' ಕುರಿತು ಮಾತನಾಡಿದ ಅವರು, ಕೇಂದ್ರವು ಕಳೆದ ಮೂರು ವರ್ಷಗಳಲ್ಲಿ ವಿವಿಧ ಬ್ಯಾಂಕ್ಗಳಿಗೆ ಬಂಡವಾಳವಾಗಿ 2 ಲಕ್ಷ ಕೋಟಿ ರೂ. ನೀಡಿದೆ. ಯಾವುದೇ ನಗದು ರೂಪದ ಬಂಡವಾಳ ವಿತರಣೆಯು ಮೇಲೆತ್ತುವುದು ಕಷ್ಟಕರವಾಗಿರುತ್ತದೆ. ಬ್ಯಾಂಕಿಂಗ್ ವ್ಯವಸ್ಥೆ ಎದುರಿಸುತ್ತಿರುವ ಸಮಸ್ಯೆಗಳಿಗೆ ಬಂಡವಾಳೀಕರಣವೇ ಉತ್ತರ ಎಂದಿದ್ದಾರೆ.
ಬ್ಯಾಂಕ್ಗಳು ನಿಜವಾಗಿಯೂ ಆದಾಯ ಗಳಿಸುತ್ತಿರುವುದು ಬಾಂಡ್ಗಳ ಮೂಲಕ ಬರುವ ಬಡ್ಡಿಯಿಂದ ಮಾತ್ರ. ಇದಕ್ಕೆ ಒಂದು ಮರುದೃಷ್ಟಿ ನೀಡುವ ಅಗತ್ಯವಿದೆ. 1990ರ ದಶಕದ ಆರಂಭದಲ್ಲಿ ನಾವು ಇದನ್ನು ಆರಂಭಿಸಿ ತಪ್ಪುಮಾಡಿದ್ದೆವು. ಆದ್ರೆ ಅದು ವಿಭಿನ್ನ ಪರಿಸ್ಥಿತಿ. ಆರ್ಥಿಕತೆಯು ಹೆಚ್ಚಿನ ಪ್ರಮಾಣದಲ್ಲಿ ನಡೆಯುತ್ತಿದೆ ಸುಧಾರಣೆಗಳ ಭಾಗವಾಗಿ (ಆಗ) ಸಮಸ್ಯೆಗಳಿದ್ದವು. ನಾವು ಈ ವ್ಯವಸ್ಥೆಯನ್ನು ಮತ್ತೆ ಮುಂದುವರಿಸಬೇಕೇ ಎಂದು ರಂಗರಾಜನ್ ಪ್ರಶ್ನಿಸಿದ್ದಾರೆ.
ಕ್ರೆಡಿಟ್ ನಿರ್ಧಾರಗಳನ್ನು ಮಂಡಳಿಗಳಿಗೆ (ಬ್ಯಾಂಕ್ಗಳ ನಿರ್ದೇಶಕರ) ಬಿಡಬೇಕು. ಸರ್ಕಾರಗಳು, ಬ್ಯಾಂಕ್ಗಳು ಮಾತ್ರವಲ್ಲದೆ ಇತರ ಸಾರ್ವಜನಿಕ ವಲಯದ ಘಟಕಗಳ ನಡುವಿನ ಸಂಬಂಧದ ಬಗ್ಗೆ ದೊಡ್ಡ ಸಾಹಿತ್ಯವಿದೆ. ಜನರು ಸ್ವಾಯತ್ತ ಸಂಸ್ಥೆಗಳು ಮತ್ತು ಸರ್ಕಾರದ ನಡುವಿನ ಬಗ್ಗೆ ಮಾತನಾಡುತ್ತಾರೆ. ಮಂಡಳಿಗಳ ನೇಮಕ, ಬ್ಯಾಂಕ್ಗಳ ಮುಖ್ಯ ಕಾರ್ಯನಿರ್ವಾಹಕರನ್ನು ನೇಮಿಸಲು ಸೂಕ್ತವಾದ ಕಾರ್ಯವಿಧಾನವನ್ನು ಮೇಲುಹಂತಕ್ಕೆ ಕೊಂಡೊಯ್ಯಬೇಕು ಎಂದು ಅವರು ಹೇಳಿದ್ದಾರೆ.
ದೇಶದ ಬೆಳವಣಿಗೆಯು ಕುಸಿತ ಕಂಡುಬಂದರೆ ಆರ್ಥಿಕ ಹಿಂಜರಿತಕ್ಕೆ ಕಾರಣವಾಗುವುದಿಲ್ಲ. ನಿಧಾನಗತಿಯಿದೆ ಎಂಬುದರ ಬಗ್ಗೆ ಯಾವುದೇ ಸಂದೇಹವಿಲ್ಲ. ಮುಂದಿನ ವರ್ಷ ಬೆಳವಣಿಗೆ ದರ ಹೆಚ್ಚಾಗಬಹುದು. ಬೆಳವಣಿಗೆಯು ಗಣನೀಯವಾಗಿಲ್ಲದಿರಬಹುದು. ಆದ್ರೆ ಅದು ಮುಂದಿನ ವರ್ಷಗಳಲ್ಲಿ ಶೇ. 7ಕ್ಕಿಂತ ಹೆಚ್ಚಿನ ಬೆಳವಣಿಗೆಗೆ ಮರಳಲು 2-3 ವರ್ಷಗಳನ್ನು ತೆಗೆದುಕೊಳ್ಳುತ್ತದೆ. ಬ್ಯಾಂಕರ್‌ಗಳು "ಸೋಮಾರಿಯಾದ ಬ್ಯಾಂಕರ್‌ಗಳು" ಅಥವಾ "ಆತುರದ ಬ್ಯಾಂಕರ್‌ಗಳು" ಆಗಬಾರದು ಎಂದು ರಂಗರಾಜನ್ ಸಲಹೆ ನೀಡಿದ್ದಾರೆ.
