ನವದೆಹಲಿ: ಜಿಎಸ್ಟಿ ಸಂರಚನೆಯಲ್ಲಿ ಪ್ರಮುಖ ಬದಲಾವಣೆ ತರುವ ಅಗತ್ಯವಿದೆ ಎಂದು 15ನೇ ಹಣಕಾಸು ಆಯೋಗದ ಅಧ್ಯಕ್ಷ ಮಾಜಿ ರಾಜ್ಯಸಭಾ ಸದಸ್ಯ ಎನ್.ಕೆ. ಸಿಂಗ್ ಪ್ರತಿಪಾದಿಸಿದ್ದಾರೆ. ಇದೇ ವೇಳೆ, ಆದಾಯ ಸಂಗ್ರಹವನ್ನು ಸುಧಾರಿಸಲು ಇರುವ ತೊಡಕುಗಳನ್ನು ನಿವಾರಿಸಬೇಕು. ಈಗಿನ ಕಾರ್ಯವಿಧಾನಗಳನ್ನು ಕಡಿಮೆ ಮಾಡಬೇಕು ಮತ್ತು ಆಗಾಗೆ ಸ್ಲ್ಯಾಬ್ ದರದಲ್ಲಿ ಬದಲಾವಣೆ ಮಾಡುವುದನ್ನು ದೂರವಿಡಬೇಕು ಎಂದು ಜಿಎಸ್ಟಿ ಮಂಡಳಿಗೆ ಸಲಹೆ ನೀಡಿದ್ದಾರೆ.
ಆರ್‌ಬಿಐನ ಕೇಂದ್ರ ಕಚೇರಿಯಲ್ಲಿ ಎಲ್.ಕೆ. ಝಾ ಸ್ಮಾರಕ ಆಯೋಜಿಸಿದ್ದ ಉಪನ್ಯಾಸದಲ್ಲಿ ಮಾತನಾಡಿದ ಅವರು ನೀತಿ ಆಯೋಗದ ಪಾತ್ರವನ್ನು ಸ್ಪಷ್ಟವಾಗಿ ವ್ಯಾಖ್ಯಾನಿಸಿ, 'ಆರ್ಥಿಕ ನಿರ್ಧಾರಗಳನ್ನು ತೆಗೆದುಕೊಳ್ಳುವ ಯಾವುದೇ ಅಧಿಕಾರವನ್ನು ಈಗ ಅದು ಹೊಂದಿಲ್ಲ ಎಂದು ಎಚ್ಚರಿಕೆ ನೀಡಿದರು.
ತೆರಿಗೆ ಸಂಪನ್ಮೂಲ ಅಂದಾಜಿಸಿ ಕೇಂದ್ರ ಮತ್ತು ರಾಜ್ಯಗಳ ನಡುವೆ ವರಮಾನ ಹಂಚಿಕೆ ಮಾಡುವ ಸೂತ್ರದ ಕುರಿತು ಈ ಆಯೋಗವು ವರದಿ ನೀಡುತ್ತದೆ. ಆಯೋಗವು ಸಾಮಾನ್ಯವಾಗಿ ಎರಡು ವರ್ಷಗಳ ಕಾಲಾವಧಿ ತೆಗೆದುಕೊಳ್ಳುತ್ತದೆ. ಆಯೋಗವು ಈ ಬಾರಿ ತೆರಿಗೆ ವ್ಯವಸ್ಥೆ ಜಿಎಸ್ಟಿ ಪರಿಣಾಮಗಳನ್ನು ಪರಿಗಣೆಗೆ ತೆಗೆದುಕೊಳ್ಳುತ್ತಿದೆ. ನವೆಂಬರ್ 30ರ ಒಳಗೆ ತನ್ನ ವರದಿಯನ್ನು ಹಣಕಾಸು ಸಚಿವಾಲಯಕ್ಕೆ ಸಲ್ಲಿಸಲಿದ್ದು, ಕೇಂದ್ರಕ್ಕೆ ಈ ವರದಿ ಮಹತ್ವದಾಗಿದೆ.
ಜಿಎಸ್ಟಿ ಸಂಗ್ರಹದಲ್ಲಿ ನಿರಂತರ ಕುಸಿತದ ಬಗ್ಗೆ ಕಳವಳ ವ್ಯಕ್ತವಾಗಿದೆ. ಕೆಲ ತಿಂಗಳು ಹೊರತುಪಡಿಸಿ ಉದ್ದೇಶಿತ ಮಾಸಿಕ 1 ಲಕ್ಷ ಕೋಟಿ ರೂ. ತೆರಿಗೆ ಸಂಗ್ರಹ ನಿರೀಕ್ಷಿತ ಗುರಿ ಮುಟ್ಟಿಲ್ಲ.
ಜಿಎಸ್ಟಿಯಿಂದ ಆದಾಯವನ್ನು ಸುಧಾರಿಸುವ ದೊಡ್ಡ ಅವಕಾಶವಿದೆ ಎಂದು ನಾನು ನಂಬುತ್ತೇನೆ. ಆದರೆ, ಪ್ರಮುಖ ಅಂಶಗಳ ಅನುಸರಣೆಯಲ್ಲಿ ತೊಡಕಾಗಿದೆ. ಆಗಾಗ ಸ್ಲ್ಯಾಬ್ ದರಗಳನ್ನು ಬದಲಾಯಿಸಿದರೆ ಉದ್ದೇಶಿತ ಗುರಿಯು ಸಫಲವಾಗುವುದಿಲ್ಲ ಎಂಬುದನ್ನು ನಾನು ನಂಬುತ್ತೇನೆ. ನೀವು ತೆರಿಗೆ ದರಗಳೊಂದಿಗೆ ಆಟವಾಡುತ್ತಿದ್ದೀರಿ. ಇವುಗಳು ಗಂಭೀರವಾದ ಸಮಸ್ಯೆಗಳು. ಇವು ಪರಸ್ಪರ ಸೌಕರ್ಯಗಳ ದರಗಳಲ್ಲ ಎಂದು ಎಚ್ಚರಿಸಿದರು.
ಈ ಎಲ್ಲ ಸಮಸ್ಯೆಗಳ ಹೊರತಾಗಿಯೂ ವೇಗವಾಗಿ ಜಿಎಸ್ಟಿ ದರ ಅಳವಡಿಸಿಕೊಂಡ ಕ್ರೆಡಿಟ್ ಪ್ರಧಾನಿ ಹಾಗೂ ಅಂದಿನ ಹಣಕಾಸು ಸಚಿವ ಅರುಣ್ ಜೇಟ್ಲಿ ಅವರಿಗೆ ಸಲ್ಲುತ್ತದೆ. ಆದರೆ, ಈಗ ತುರ್ತಾಗಿ ಡ್ರಾಯಿಂಗ್ ಬೋರ್ಡ್‌ಗೆ ಹಿಂತಿರುಗುವ ಅಗತ್ಯವಿದೆ ಎಂದು ಒತ್ತಿ ಹೇಳಿದರು.
ಆಯೋಗವು ತನ್ನ ವರದಿಯನ್ನು ಸಿದ್ಧಪಡಿಸುವ ಹಂತದಲ್ಲಿ ಬಹುತೇಕವಾಗಿ ಎಲ್ಲ ರಾಜ್ಯಗಳಿಗೆ ಭೇಟಿ ನೀಡಿದೆ. ಅವುಗಳಲ್ಲಿ ಹಲವರು ಹಣಕಾಸಿನ ಸ್ವಾಯತ್ತತೆಯಿಂದ ಜಿಎಸ್ಟಿ ಸುತ್ತ ಸುತ್ತುವರೆದಿವೆ. ಜಿಎಸ್ಟಿ ಮಂಡಳಿಯನ್ನು ಪುನರ್ರಚನೆ ಮಾಡುವ ಅಗತ್ಯವಿದೆ ಎಂದು ಸಿಂಗ್ ಹೇಳಿದರು.
