ನವದೆಹಲಿ: ಕೋವಿಡ್‌ ಆತಂಕ ಬಹುತೇಕ ಕಡಿಮೆಯಾಗುತ್ತಿರುವ ಬೆನ್ನಲ್ಲೇ ದೇಶ ಆರ್ಥಿಕತೆ ಚೇತರಿಕೆಯತ್ತ ಸಾಗಿದ್ದು, ಕೇಂದ್ರದ ನಿವ್ವಳ ನೇರ ತೆರಿಗೆ ಸಂಗ್ರಹ 2022ರಲ್ಲಿ (ಮಾರ್ಚ್ 16 ರವರೆಗೆ) ಶೇ.48 ಹೆಚ್ಚಿದೆ.
ಈ ವರ್ಷ 13,63,038.3 ಕೋಟಿ ರೂಪಾಯಿ ನೇರ ತೆರಿಗೆ ಸಂಗ್ರಹವಾಗಿದೆ. ಆದರೆ ಇದೇ ಅಧಿಯ ಹಿಂದಿನ ವರ್ಷದಲ್ಲಿ 9,18,430.5 ಕೋಟಿ ರೂಪಾಯಿ ಸಂಗ್ರಹವಾಗಿತ್ತು ಎಂದು ಕೇಂದ್ರ ಹಣಕಾಸು ಸಚಿವಾಲಯ ಮಾಹಿತಿ ನೀಡಿದೆ.
ನಿವ್ವಳ ನೇರ ತೆರಿಗೆ ಸಂಗ್ರಹದಲ್ಲಿ ಕಾರ್ಪೊರೇಷನ್ ತೆರಿಗೆ (ಸಿಐಟಿ) 7,19,035 ಕೋಟಿ ರೂ.(ಮರುಪಾವತಿ ನಿವ್ವಳ), ಭದ್ರತಾ ವಹಿವಾಟು ತೆರಿಗೆ (ಎಸ್‌ಟಿಟಿ) ಸೇರಿದಂತೆ ವೈಯಕ್ತಿಕ ಆದಾಯ ತೆರಿಗೆ (ಪಿಐಟಿ) 6,40,588.3 ಕೋಟಿ (ನಿವ್ವಳ) ಸೇರಿದೆ.
2022ರ ಮಾರ್ಚ್ 16 ರಂತೆ 13,63,038.3 ಕೋಟಿ ರೂ. ಸಂಗ್ರಹಣೆಗೂ ಮುನ್ನ 11.08 ಲಕ್ಷ ಕೋಟಿ ಸಂಗ್ರಹದ ಗುರಿ ಹೊಂದಲಾಗಿತ್ತು. ನಂತರ ಇದನ್ನು 12.50 ಲಕ್ಷ ಕೋಟಿ (ಆರ್‌ಇ) ಗೆ ಪರಿಷ್ಕರಿಸಲಾಗಿತ್ತು.
2022ರ ಮಾರ್ಚ್ 16ರ ವರೆಗೆ ಮುಂಗಡ ತೆರಿಗೆ 6,62,896.3 ಕೋಟಿ ಸಂಗ್ರಹವಾಗಿದೆ. ಹಿಂದಿನ ವರ್ಷದ ಇದೇ ಅವಧಿಯಲ್ಲಿ 4,70,984.4 ಕೋಟಿ ರೂಪಾಯಿ ಸಂಗ್ರಹವಾಗಿದೆ. ಮುಂಗಡ ತೆರಿಗೆಯಲ್ಲೂ ಶೇ.40.75 ರಷ್ಟು ಬೆಳವಣಿಗೆ (ಅಂದಾಜು) ಸಾಧಿಸಲಾಗಿದೆ. ಈವರೆಗೆ 187,325.9 ಕೋಟಿ ರೂಪಾಯಿ ಮರುಪಾವತಿಗಳನ್ನು ನೀಡಲಾಗಿದೆ ಎಂದು ಸಚಿವಾಲಯ ತಿಳಿಸಿದೆ.
ಇದನ್ನೂ ಓದಿ: ವಿದ್ಯುತ್ ಚಾಲಿತ ವಾಹನಗಳಿಗೆ ಚಾರ್ಜಿಂಗ್ ಸ್ಟೇಷನ್ ಹೆಚ್ಚಳ: ಸರ್ಕಾರದಿಂದ ವಿಶೇಷ ಉತ್ತೇಜನ
