ಮುಂಬೈ: ದೇಶದ ವಿದೇಶಿ ವಿನಿಮಯ ಮೀಸಲು ಸಂಗ್ರಹ ಜುಲೈ 10ಕ್ಕೆ ಕೊನೆಗೊಂಡ ವಾರದಲ್ಲಿ 3.108 ಬಿಲಿಯನ್ ಡಾಲರ್ ಹೆಚ್ಚಳವಾಗಿದೆ.
ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾದ ಸಾಪ್ತಾಹಿಕ ಅಂಕಿಸಂಖ್ಯೆ ಪ್ರಕಾರ, ಜುಲೈ 3ಕ್ಕೆ ಕೊನೆಗೊಂಡ ವಾರದಲ್ಲಿ ಮೀಸಲು 513.254 ಬಿಲಿಯನ್ ಡಾಲರ್ನಿಂದ 516.362 ಬಿಲಿಯನ್ ಡಾಲರ್ಗೆ ಏರಿಕೆಯಾಗಿದೆ.
ಭಾರತದ ವಿದೇಶಿ ವಿನಿಮಯ ಸಂಗ್ರಹವು ವಿದೇಶಿ ಕರೆನ್ಸಿ ಆಸ್ತಿಗಳು (ಎಫ್‌ಸಿಎ), ಚಿನ್ನದ ಮೀಸಲು, ವಿಶೇಷ ಡ್ರಾಯಿಂಗ್ ರೈಟ್ಸ್ (ಎಸ್‌ಡಿಆರ್) ಮತ್ತು ಅಂತಾರಾಷ್ಟ್ರೀಯ ಹಣಕಾಸು ನಿಧಿ (ಐಎಂಎಫ್) ಜತೆಗಿನ ದೇಶದ ಮೀಸಲು ಸ್ಥಾನವನ್ನು ಒಳಗೊಂಡಿದೆ.
ವಾರದ ಆಧಾರದ ಮೇಲೆ ವಿದೇಶಿ ವಿನಿಮಯ ನಿಕ್ಷೇಪಗಳ ಅತಿದೊಡ್ಡ ಘಟಕವಾದ ಎಫ್‌ಸಿಎಗಳು 2.372 ಬಿಲಿಯನ್ ಡಾಲರ್ನಿಂದ 475.635 ಬಿಲಯನ್ ಡಾಲರ್ಗೆ ಏರಿದೆ.
ದೇಶದ ಚಿನ್ನದ ಸಂಗ್ರಹದ ಮೌಲ್ಯವು 712 ಬಿಲಿಯನ್ ಡಾಲರ್ನಿಂದ 34.729 ಬಿಲಿಯನ್ ಡಾಲರ್ಗೆ ತಲುಪಿದೆ. ಎಸ್‌ಡಿಆರ್ ಮೌಲ್ಯವು 5 ಮಿಲಿಯನ್‌ ಡಾಲರ್ನಷ್ಟು ಏರಿಕೆಯಾಗಿ 1.453 ಬಿಲಿಯನ್ ಡಾಲರ್ಗೆ ಏರಿದೆ. ಐಎಂಎಫ್‌ನೊಂದಿಗಿನ ದೇಶದ ಮೀಸಲು ಸ್ಥಾನವು 19 ಮಿಲಿಯನ್‌ ಡಾಲರ್ನಿಂದ 4.545 ಬಿಲಿಯನ್ ಡಾಲರ್ಗೆ ಏರಿತು.
