ನವದೆಹಲಿ: ಸರ್ಕಾರಿ ಆಡಳಿತ ಯಂತ್ರದ ಇಲಾಖೆಗಳು ಮತ್ತು ನ್ಯಾಯಾಂಗದ ವಿಡಿಯೋ ಕಾನ್ಫರೆನ್ಸ್ಗಳಿಗೆ ವಿದೇಶಗಳಲ್ಲಿ ಅಭಿವೃದ್ಧಿಪಡಿಸಲಾದ ಸಾಫ್ಟವೇರ್ ಹಾಗೂ ಅಪ್ಲಿಕೇಷನ್ಗಳನ್ನು ಬಳಸುತ್ತಿರುವುದನ್ನು ಪ್ರಶ್ನಿಸಿ ಆರ್ಎಸ್ಎಸ್ನ ಮಾಜಿ ಪ್ರಚಾರಕ ಕೆ.ಎನ್. ಗೋವಿಂದಾಚಾರ್ಯ ಸುಪ್ರೀಂಕೋರ್ಟ್ಗೆ ಅರ್ಜಿ ಸಲ್ಲಿಸಿದ್ದಾರೆ.
ಕೊರೊನಾ ವೈರಸ್ ಹರಡುವುದನ್ನು ತಡೆಗಟ್ಟುವ ಪ್ರಯುಕ್ತ ಮಾರ್ಚ್ 25 ರಂದು ದೇಶದಲ್ಲಿ ಮೊದಲ ಹಂತದ ಲಾಕ್‌ಡೌನ್‌ ಆರಂಭವಾದ ಬಳಿಕ ಬಹುತೇಕ ನ್ಯಾಯಾಲಯಗಳು ಹಾಗೂ ಸರ್ಕಾರಿ ಇಲಾಖೆಗಳು ಮನೆಯಿಂದಲೇ ವರ್ಕ್ ಫ್ರಮ್ ಹೋಂ ನಿರ್ವಹಿಸುತ್ತಿವೆ.
ಉದ್ಯೋಗ ಸಂಬಂಧಿ ಕೆಲಸಗಳಿಗಾಗಿ ವಾಟ್ಸ್‌ಆಪ್‌, ಸ್ಕೈಪ್‌, ಝೂಮ್‌ನಂತಹ ಆ್ಯಪ್ ಬಳಸಲಾಗುತ್ತಿದೆ. ಸರ್ಕಾರದ ಹಾಗೂ ನ್ಯಾಯಾಂಗದ ದತ್ತಾಂಶಗಳು ದೇಶದ ಹೊರಗೆ ರವಾನೆಯಾದರೆ ದೇಶದ ಭದ್ರತೆ ಮೇಲೆ ಪ್ರತಿಕೂಲ ಪರಿಣಾಮ ಬೀರಬಹುದು. ಸಾರ್ವಭೌಮತ್ವಕ್ಕೂ ಧಕ್ಕೆಯಾಗಬಹುದು ಎಂದು ಅರ್ಜಿಯಲ್ಲಿ ತಿಳಿಸಲಾಗಿದೆ.
ದೇಶದೆಲ್ಲೆಡೆ ಸರ್ಕಾರಿ ಇಲಾಖೆಗಳು ಕಾರ್ಯನಿರ್ವಹಿಸಲು ರಾಷ್ಟ್ರೀಯ ಮಾಹಿತಿ ಕೇಂದ್ರ (ಎನ್‌ಐಸಿ) ದೃಢೀಕರಿಸಿರುವ ವಿಡಿಯೊ ಕಾನ್ಫರೆನ್ಸ್ ಸಾಫ್ಟ್‌ವೇರ್‌ಗಳನ್ನೇ ಬಳಸುವುದು ಉತ್ತಮ ಎಂದು ಅರ್ಜಿಯಲ್ಲಿ ಕೋರಲಾಗಿದೆ.
