ನವದೆಹಲಿ: ವಿಮಾನಯಾನ ಸಂಸ್ಥೆಗಳು ಕಾರ್ಯನಿರ್ವಹಿಸುವ ಶುಲ್ಕದ ಬ್ಯಾಂಡ್ಗಳ ಅವಧಿಯನ್ನು 2021ರ ಫೆಬ್ರವರಿ 24ರವರೆಗೆ ವಿಸ್ತರಿಸಲಾಗಿದೆ ಎಂದು ನಾಗರಿಕ ವಿಮಾನಯಾನ ಸಚಿವಾಲಯ ತಿಳಿಸಿದೆ.
ಶುಲ್ಕ ಬ್ಯಾಂಡ್ಗಳನ್ನು 2020ರ ಮೇ 21ರಿಂದ ಜಾರಿಗೆ ತರಲಾಗಿತ್ತು. ನಿತ್ಯ ಪ್ರಯಾಣಿಕರ ಸಂಚಾರ ನವೆಂಬರ್ 1ರ ತನಕ 2.05 ಲಕ್ಷ ತಲುಪಿದೆ. 2020ರ ಮೇ ತಿಂಗಳಲ್ಲಿ ಕೊರೊನಾ ಪ್ರೇರೇಪಿತ ಲಾಕ್ಡೌನ್ ಬಳಿಕ ದೇಶೀಯ ವಿಮಾನಯಾನ ಪುನರಾರಂಭವಾಯಿತು. ಈ ಬಳಿಕ ವಿಮಾನಯಾನ ಸಂಸ್ಥೆಗಳು ತಮ್ಮ ಸಾಮಾನ್ಯ ಸಾಮರ್ಥ್ಯದ ಶೇ 33ರಷ್ಟರವರೆಗೆ ಹಾರಾಟ ನಡೆಸಲು ಅನುವು ಮಾಡಿಕೊಡಲಾಯಿತು.
ಆ ಸಮಯದಲ್ಲಿ ದೈನಿಕ ಸರಾಸರಿ ಸಂಚಾರ ಸುಮಾರು 30,000ವಾಗಿತ್ತು. ಈ ಮಿತಿಯನ್ನು 2020ರ ಜೂನ್ 26ರಿಂದ ಅನ್ವಯವಾಗುವಂತೆ ಶೇ 45ಕ್ಕೆ ಹೆಚ್ಚಿಸಲಾಯಿತು. ಸೆಪ್ಟೆಂಬರ್ 2ರಿಂದ ಶೇ 60ಕ್ಕೆ ಪರಿಷ್ಕರಿಸಲಾಯಿತು. ಪ್ರಸ್ತುತ ವಿಮಾನಯಾನ ಸಂಸ್ಥೆಗಳು ತಮ್ಮ ಸಾಮರ್ಥ್ಯದ ಶೇ 60ರಷ್ಟು ಕಾರ್ಯಾಚರಣೆ ಮಾಡಬಹುದಾಗಿದೆ.
ನಾಗರಿಕ ವಿಮಾನಯಾನ ಸಚಿವಾಲಯ ಪ್ರತಿದಿನ ಸಂಚಾರ ಗಮನಿಸುತ್ತಿದೆ. ಈ ಸಂಚಾರದ ಒತ್ತಡ ಪ್ರಯಾಣಿಕರ ಹೆಚ್ಚಳದ ಹಿನ್ನೆಲೆಯಲ್ಲಿ ಹಬ್ಬದ ಋತುವಿನಲ್ಲಿ ಮತ್ತಷ್ಟು ಹೆಚ್ಚಳವಾಗುವ ನಿರೀಕ್ಷೆ ಇದ್ದು, ಗರಿಷ್ಠ ಮಿತಿಯನ್ನು ಮುಂದಿನ ದಿನಗಳಲ್ಲಿ ಶೇ.70-75ಕ್ಕೆ ಪರಿಷ್ಕರಿಸಬಹುದು.
