ನವದೆಹಲಿ: ಆದಾಯ ತೆರಿಗೆ ಇಲಾಖೆ ಬಿಡುಗಡೆ ಮಾಡಿದ ಇತ್ತೀಚಿನ ಅಂಕಿ - ಅಂಶಗಳ ಪ್ರಕಾರ, 2018-19ರ ಹಣಕಾಸು ವರ್ಷದ ಮೌಲ್ಯ ಮಾಪನದ ನಂತರ ದೇಶದಲ್ಲಿ ಕೋಟ್ಯ ಧಿಪತಿಗಳ ಸಂಖ್ಯೆ ಶೇ 20ರಷ್ಟು ಹೆಚ್ಚಳವಾಗಿದೆ ಎಂದು ತಿಳಿಸಿದೆ.
2017-18ನೇ ಹಣಕಾಸು ವರ್ಷದಲ್ಲಿ 91,344 ತೆರಿಗೆ ಪಾವತಿದಾರರು 1 ಕೋಟಿಗೂ ಅಧಿಕ ತೆರಿಗೆ ಬಾಧ್ಯತೆ ಆದಾಯ ಹೊಂದಿದ್ದರು. 2018-19ನೇ ಸಾಲಿನಲ್ಲಿ ಈ ಸಂಖ್ಯೆ 97,689ಕ್ಕೆ ತಲುಪಿದೆ ಎಂದು ಕೇಂದ್ರ ನೇರ ತೆರಿಗೆ ಮಂಡಳಿ (ಸಿಬಿಡಿಟಿ) ಹೇಳಿದೆ.
ಎಲ್ಲ ವಿಧದ ತೆರಿಗೆದಾರರನ್ನು ಸೇರಿಸಿಕೊಂಡರೆ ವಾರ್ಷಿಕ 1 ಕೋಟಿ ರೂ.ಗಿಂತ ಹೆಚ್ಚಿನ ಆದಾಯ ಹೊಂದಿರುವವರ ಸಂಖ್ಯೆ ಸುಮಾರು 1.67 ಲಕ್ಷಕ್ಕೆ ಏರಿಕೆ ಆಗುತ್ತದೆ. ಇದು 2017-18ರ ಮೌಲ್ಯಮಾಪನ ವರ್ಷದಲ್ಲಿ ಶೇ 19ರಷ್ಟು ಏರಿಕೆಯಾಗಿದೆ. ಇ-ಫೈಲ್ ರಿಟರ್ನ್ಸ್ ಪ್ರಕಾರ 2015ರ ಆಗಸ್ಟ್ 15ರವರೆಗೆ 5.87 ಕೋಟಿಗೂ ಅಧಿಕ ಆದಾಯ ತೆರಿಗೆ ಸಲ್ಲಿಕೆಯಾಗಿದೆ.
