ನವದೆಹಲಿ: ಕೋವಿಡ್-19 ಬಿಕ್ಕಟ್ಟಿನ ನಡುವೆ ಐತಿಹಾಸಿಕ ಆಘಾತಕ್ಕೊಳಗಾದ ಕಲ್ಲಿದ್ದಲು ಉತ್ಪಾದನೆ ಸಹ ತೈಲ ಮತ್ತು ಅನಿಲ ಇಳಿಕೆಯಂತೆ 2ನೇ ವಿಶ್ವ ಯುದ್ಧದ ಬಳಿಕ ಅತಿ ದೊಡ್ಡ ಕುಸಿತಕ್ಕೆ ಒಳಗಾಗಿದೆ ಎಂದು ಅಂತಾರಾಷ್ಟ್ರೀಯ ಇಂಧನ ಸಂಸ್ಥೆ (ಐಇಎ) ತನ್ನ ಇತ್ತೀಚಿನ ವರದಿಯಲ್ಲಿ ಹೇಳಿದೆ.
ಕೋವಿಡ್-19 ವೈರಸ್ ಕಳೆದ ಏಳು ದಶಕಗಳ ಅವಧಿಯಲ್ಲಿ ಕಂಡು ಕೇಳರಿಯದಂತಹ ಜಾಗತಿಕ ಹೊಡೆತವನ್ನು ಇಂಧನ ವಲಯಕ್ಕೆ ನೀಡಿದೆ. ಇದರಿಂದ ಅತಿ ದೊಡ್ಡ ಆಘಾತವನ್ನು ಅನುಭವಿಸುತ್ತಿದೆ. ಈ ವರ್ಷ ಬೇಡಿಕೆಯ ಕುಸಿತ 2008ರ ಆರ್ಥಿಕ ಬಿಕ್ಕಟ್ಟಿನ ಪ್ರಭಾವವನ್ನು ಕುಬ್ಜಗೊಳಿಸಿದೆ. ತತ್ಪರಿಣಾಮ ವಾರ್ಷಿಕ ಸುಮಾರು ಶೇ 8ರಷ್ಟು ಇಂಗಾಲದ ಉತ್ಸರ್ಜನೆ (ಎಮಿಷನ್‌) ಕುಸಿತ ಉಂಟಾಗಿದೆ.
ಐಒಎ, ಈ ವರ್ಷದ ಇದುವರೆಗಿನ 100 ದಿನಗಳ ನೈಜ ದತ್ತಾಂಶದ ವಿಶ್ಲೇಷಣೆಯ ಆಧಾರದ ಮೇಲಿನ ಶಕ್ತಿ ಸಮೀಕ್ಷೆಯಲ್ಲಿ ಇಂಧನ ಬಳಕೆ ಮತ್ತು ಇಂಗಾಲ ಡೈಆಕ್ಸೈಡ್ (CO2) ಉತ್ಸರ್ಜನೆಯ ಪ್ರವೃತ್ತಿಗಳು 2020ರಲ್ಲಿ ಹೇಗೆ ವಿಕಸನಗೊಳ್ಳಲಿದೆ ಎಂಬುದನ್ನು ಅಂದಾಜಿಸಿದೆ.
ಇದು ಇಡೀ ಇಂಧನ ಪ್ರಪಂಚಕ್ಕೆ ಐತಿಹಾಸಿಕ ಆಘಾತವಾಗಿದೆ. ಇಂದಿನ ಆರೋಗ್ಯ ಮತ್ತು ಆರ್ಥಿಕ ಮುಗ್ಗಟ್ಟಿನ ಮಧ್ಯೆ ಕಲ್ಲಿದ್ದಲು, ತೈಲ ಮತ್ತು ಅನಿಲಗಳಂತಹ ಇಂಧನಗಳ ಬೇಡಿಕೆ ಕುಸಿತ ದಿಗ್ಭ್ರಮೆಗೊಳಿಸುತ್ತಿದೆ. ಈ ಹಿಂದೆ ಕೇಳಿರದಷ್ಟು ಬೇಡಿಕೆ ಇಳಿಕೆಯಾಗಿದೆ ಎಂದು ಐಒಎ ಕಾರ್ಯಕಾರಿ ನಿರ್ದೇಶಕ ಫಾಗ್ ಬಿರೋಲ್ ಹೇಳಿದ್ದಾರೆ.
2020ಕ್ಕೆ ಇಂಧನ ಬೇಡಿಕೆ ಮತ್ತು ಎನರ್ಜಿ ಸಂಬಂಧಿತ ಬೇಡಿಕೆಯು ಮುಂಬರುವ ತಿಂಗಳುಗಳಲ್ಲಿ ಹಂತಹಂತವಾಗಿ ಆರ್ಥಿಕ ಚೇತರಿಕೆಯೊಂದಿಗೆ ಬೇಡಿಕೆ ಏರಿಕೆ ಆಗಬಹುದೆಂಬ ನಿರೀಕ್ಷೆ ಇದೆ. 2008ರ ಜಾಗತಿಕ ಆರ್ಥಿಕ ಬಿಕ್ಕಟ್ಟಿನ ನಂತರ 2020ರಲ್ಲಿ ಶೇ 7 ಪಟ್ಟು ಕುಸಿದು 6 ಪ್ರತಿಶತದಷ್ಟು ಇಳಿಕೆ ಆಗಬಹುದು ಎಂದು ವರದಿ ಎಚ್ಚರಿಸಿದೆ.
ಇಂಧನದ ಬೇಡಿಕೆಯು ಭಾರತದ ಬೇಡಿಕೆಯನ್ನು ಅವಲಂಭಿಸಿದೆ. ವಿಶ್ವದ ಮೂರನೇ ಅತಿ ದೊಡ್ಡ ಇಂಧನದ ಗ್ರಾಹಕ ಭಾರತವಾಗಿದ್ದು, ಇಲ್ಲಿನ ಬೇಡಿಕೆ ಎನರ್ಜಿ ವಲಯಕ್ಕೆ ಅತಿ ಮುಖ್ಯವಾಗಿದೆ.
ಮುಂದುವರಿದ ಆರ್ಥಿಕತೆ ರಾಷ್ಟ್ರಗಳಲ್ಲಿ ಅತಿ ದೊಡ್ಡ ಇಳಿಕೆ ಕಾಣುವುದನ್ನು ನಿರೀಕ್ಷಿಸಲಾಗಿದೆ. ಅಮೆರಿಕದಲ್ಲಿ ಶೇ 9ರಷ್ಟು ಮತ್ತು ಯುರೋಪಿಯನ್ ಒಕ್ಕೂಟದಲ್ಲಿ ಶೇ 11ರಷ್ಟು ಬೇಡಿಕೆ ಕುಸಿಯಲಿದೆ.
ಇಂಧನ ಬೇಡಿಕೆಯ ಬಿಕ್ಕಟ್ಟಿನ ಕಾಲಾವಧಿಯು ವೈರಾಣು ನಿಗ್ರಹಿಸುವ ಕ್ರಮಗಳ ಮೇಲೆ ವಿಪರೀತವಾಗಿ ಅವಲಂಬಿತವಾಗಿದೆ. ಏಪ್ರಿಲ್ ಆರಂಭದಲ್ಲಿ ವಿಶ್ವಾದ್ಯಂತ ಲಾಕ್ಡೌನ್ ಮಾಡುವುದರಿಂದ ವಾರ್ಷಿಕ ಜಾಗತಿಕ ಇಂಧನ ಬೇಡಿಕೆಯು ಒಂದು ತಿಂಗಳಲ್ಲಿ ಶೇ 1.5ರಷ್ಟು ಕಡಿಮೆಗೊಳಿಸಿದೆ ಎಂದು ಐಇಎ ಕಂಡುಕೊಂಡಿದೆ.
ಲಾಕ್ಡೌನ್ ಸಮಯದಲ್ಲಿ ವಿದ್ಯುಚ್ಛಕ್ತಿ ಬಳಕೆಯ ಬದಲಾವಣೆಯು ಒಟ್ಟಾರೆ ವಿದ್ಯುತ್ ಬೇಡಿಕೆಯಲ್ಲಿ ಗಣನೀಯ ಪ್ರಮಾಣದಲ್ಲಿ ಇಳಿಕೆಯಾಗಿದೆ. ಪೂರ್ಣ ಲಾಕ್ಡೌನ್, ಭಾಗಶಃ ಲಾಕ್ಡೌನ್ನಿಂದ ವಿದ್ಯುತ್ ಬೇಡಿಕೆ ಶೇ 20ರಷ್ಟು ಅಥವಾ ಅದಕ್ಕಿಂತ ಅಧಿಕ ಮಟ್ಟದಲ್ಲಿ ಇಳಿಕೆಯಾಗಿದೆ.
1930ರ ದಶಕದಲ್ಲಿ ಮಹಾ ಆರ್ಥಿಕ ಕುಸಿತದ ನಂತರ ಅತಿ ದೊಡ್ಡ ಇಳಿಕೆ 2020ರಲ್ಲಿ ಕಂಡುಬಂದಿದೆ. ವಿದ್ಯುತ್ ಬೇಡಿಕೆಯು ಶೇ 50ರಷ್ಟು ಇಳಿಮುಖವಾಗುತ್ತದೆ. ಪವನ, ಸೌರಶಕ್ತಿ, ಜಲಶಕ್ತಿ ಮತ್ತು ಪರಮಾಣು ಸೇರಿದಂತೆ ಕಡಿಮೆ ಇಂಗಾಲದ ವಿದ್ಯುತ್ತಿನ ಮೂಲಗಳು ಲಾಕ್ಡೌನ್ ಪ್ರಭಾವಕ್ಕೆ ಒಳಗಾಗಿವೆ ಎಂದು ಹೇಳಿದೆ.
