ನವದೆಹಲಿ: ಫುಡ್‌ಟೆಕ್ ಯುನಿಕಾರ್ನ್ ಜೊಮ್ಯಾಟೊ, ರೆಸ್ಟೋರೆಂಟ್ ತಿನಿಸು ಗ್ರಾಹಕರಿಗೆ ಕೋವಿಡ್-19 ಸಾಂಕ್ರಾಮಿಕ ರೋಗ ತಾಗದಂತೆ 'ಕಾಂಟ್ಯಾಕ್ಟ್ಲೆಸ್ ಡೈನಿಂಗ್' (ಸಂಪರ್ಕವಿಲ್ಲದ ಆಹಾರ ವಿತರಣೆ) ಸೇವೆ ಪರಿಚಯಿಸಿದೆ.
ಈ ಸೇವೆಯು ರೆಸ್ಟೋರೆಂಟ್ ಗ್ರಾಹಕರ ಸುರಕ್ಷತೆ ಮತ್ತು ನೈರ್ಮಲ್ಯ ಬಗ್ಗೆ ವಿಶ್ವಾಸ ಹೆಚ್ಚಿಸಲು ನೆರವಾಗಲಿದೆ. ಸಂಪರ್ಕವಿಲ್ಲದ ಡೈನಿಂಗ್ ಮೂರು ಅಂಶಗಳನ್ನು ಹೊಂದಿರುತ್ತದೆ. ಸಂಪರ್ಕವಿಲ್ಲದ ಮೆನು, ಸಂಪರ್ಕವಿಲ್ಲದ ಆರ್ಡರ್ ಮತ್ತು ಸಂಪರ್ಕವಿಲ್ಲದ ಪಾವತಿ.
ಕಾಂಟ್ಯಾಕ್ಟ್ಲೆಸ್ ಮೆನು ಜತೆಗೆ ಡಿಶಸ್ ಆಯ್ಕೆಯನ್ನು ರೆಸ್ಟೊರೇಂಟ್ಗಳಲ್ಲಿನ ಮೇಜಿನ ಮೇಲೆ ಕ್ಯೂಆರ್ ಕೋಡ್ ಸ್ಕ್ಯಾನ್ ಮಾಡಬಹುದು. ಜೊಮ್ಯಾಟೊ ಅಪ್ಲಿಕೇಷನ್ನಲ್ಲಿ ಸಂಪರ್ಕವಿಲ್ಲದ ಆರ್ಡರ್ ಮತ್ತು ಹಣ ಪಾವತಿಗೂ ಅವಕಾಶವಿದೆ.
ಇದು ಮೆನು ಕಾರ್ಡ್ ಮತ್ತು ಬಿಲ್ ಪುಸ್ತಕಗಳ ಅಗತ್ಯವನ್ನು ನಿವಾರಿಸುತ್ತದೆ. ಗ್ರಾಹಕರು ಹೆಚ್ಚಾಗಿ ಕಾರ್ಡ್ ಹಾಗೂ ಬಿಲ್ ಬುಕ್ ಸ್ಪರ್ಶಿಸುತ್ತಾರೆ. ಇವುಗಳು ಪರಿಶುದ್ಧವಾಗಿಲ್ಲ ಎಂಬುದು ಅವರ ಕಳವಳಕ್ಕೆ ಕಾರಣವಾಗಬಹುದು ಎಂದು ಜೊಮ್ಯಾಟೊದ ಸಹ ಸಂಸ್ಥಾಪಕ/ ಮುಖ್ಯ ಕಾರ್ಯಾಚರಣಾ ಅಧಿಕಾರಿ ಗೌರವ್ ಗುಪ್ತಾ ತಮ್ಮ ಬ್ಲಾಗ್ನಲ್ಲಿ ಪೋಸ್ಟ್ ಮಾಡಿದ್ದಾರೆ.
ವೇಟರ್ ಸಿಬ್ಬಂದಿ ಆರ್ಡರ್ ಮಾಡಿದ ಆಹಾರವನ್ನು ಅಡುಗೆ ಮನೆಯಿಂದ ನಿಮ್ಮ ಬಳಿಗೆ ತರುತ್ತಾರೆ. ಈ ವೇಳೆ ಸಿಬ್ಬಂದಿ ಮುಖಗವಸು ಧರಿಸಿರುತ್ತಾರೆ. ವೇಟರ್ ಸಿಬ್ಬಂದಿ ನೈರ್ಮಲ್ಯದ ಮಾನದಂಡಗಳನ್ನು ಕಟ್ಟುನಿಟ್ಟಾಗಿ ಅನುಸರಿಸುತ್ತಿದ್ದಾರೆ. ನಾವೆಲ್ಲರೂ ಸರಿಯಾಗಿರಬೇಕು ಅಷ್ಟೆ ಎಂದರು.
ಆ್ಯಪ್ನಲ್ಲಿ ಹೆಚ್ಚುವರಿ ಫೀಚರ್ಗಳನ್ನು ಸೇರಿಸಲಾಗಿದೆ. ಜಗಳ ಮುಕ್ತ ಆಹಾರ ವಿತರಣೆ ಸೇವೆ ಒದಗಿಸುವಂತಹ ಸ್ವಯಂ ಅಥವಾ ಸಂಪೂರ್ಣ ಟೇಬಲ್‌ ಪಾವತಿಸುವ ಆಯ್ಕೆಯಂತಹ ವೈಶಿಷ್ಟ್ಯ ಅಪ್ಲಿಕೇಷನ್‌ನಲ್ಲಿದೆ. ಸಂಪರ್ಕವಿಲ್ಲದ ಆಹಾರ ಸೇವನೆಗೆ ಗ್ರಾಹಕರು ತಮ್ಮ ಆರ್ಡರ್ ನೀಡಲು ಅಥವಾ ಬಿಲ್ ಪಾವತಿಸಲು ಕಾಯಬೇಕಾಗಿಲ್ಲ ಎಂದು ಹೇಳಿದರು.
