ಬಿಕ್ಕಟ್ಟಿನ ಮಧ್ಯೆ ಗ್ರಾಹಕರಿಗೆ ಬಿಗ್​ ರಿಲೀಫ್‌ ಕೊಟ್ಟ ಯೆಸ್​ ಬ್ಯಾಂಕ್

ಬ್ಯಾಂಕ್‌ನ ಆಂತರಿಕ ಆರ್‌ಟಿಜಿಎಸ್ ಸೇವೆಗಳನ್ನು ಸಕ್ರಿಯಗೊಳಿಸಲಾಗಿದೆ. ಯೆಸ್​ ಬ್ಯಾಂಕ್ ಕ್ರೆಡಿಟ್ ಕಾರ್ಡ್ ಬಾಕಿ ಮತ್ತು ಇತರ ಬ್ಯಾಂಕ್ ಖಾತೆಗಳಿಂದ ಸಾಲದ ಬಾಧ್ಯತೆಗಳನ್ನು ಪಾವತಿಸಬಹುದು ಎಂದು ಯೆಸ್​ ಬ್ಯಾಂಕ್ ಟ್ವಿಟ್ಟರ್​ ಮೂಲಕ ತಿಳಿಸಿದೆ.

ನವದೆಹಲಿ: ಯೆಸ್​ ಬ್ಯಾಂಕ್​ ಗ್ರಾಹಕರು ತಮ್ಮ ಕ್ರೆಡಿಟ್ ಕಾರ್ಡ್ ಬಾಕಿ ಮತ್ತು ಇತರ ಬ್ಯಾಂಕ್ ಖಾತೆಗಳಿಂದ ಸಾಲದ ಬಾಧ್ಯತೆಗಳನ್ನು ಪಾವತಿಸಲು ಅವಕಾಶ ನೀಡಲಾಗಿದೆ. ರಿಯಲ್-ಟೈಮ್ ಗ್ರಾಸ್ ಸೆಟಲ್ಮೆಂಟ್​ನ (ಆರ್‌ಟಿಜಿಎಸ್‌) ಆಂತರಿಕೆ ಸೇವೆಗಳನ್ನು ಸಕ್ರಿಯಗೊಳಿಸಲಾಗಿದೆ ಎಂದು ಬ್ಯಾಂಕ್ ತಿಳಿಸಿದೆ.

ತನ್ನ ಗ್ರಾಹಕರಿಗೆ ಆಂತರಿಕ ಐಎಂಪಿಎಸ್ ಮತ್ತು ನೆಫ್ಟ್​ (ಎನ್‌ಇಎಫ್‌ಟಿ) ಸೇವೆಗೆ ಅನುಮತಿಸಿದ ಒಂದು ದಿನದ ಬಳಿಕ ಯೆಸ್​ ಬ್ಯಾಂಕ್ ಮತ್ತೊಂದು ವಹಿವಾಟಿನ ವಿನಾಯಿತಿ ತೆರವುಗೊಳಿಸಿದೆ.

ಆರ್​ಟಿಜಿಎಸ್​ ಅನ್ನು 2 ಲಕ್ಷ ರೂ.ಗಿಂತ ಹೆಚ್ಚಿನ ಪಾವತಿಗಳಿಗೆ ಬಳಸಲಾಗುತ್ತದೆ. ಆದರೆ, ಈ ಮೊತ್ತಕ್ಕಿಂತ ಕಡಿಮೆ ಪಾವತಿಗಳನ್ನು ನೆಫ್ಟ್ ಮುಖೇನ ಬಳಸಬಹುದು. ಇದಲ್ಲದೆ ಬ್ಯಾಂಕ್​ಗೆ ಸಾಲ ಮತ್ತು ಕ್ರೆಡಿಟ್ ಕಾರ್ಡ್‌ಗಳ ಮರುಪಾವತಿಯನ್ನು ಇತರ ಬ್ಯಾಂಕ್ ಖಾತೆಗಳಿಂದ ಐಎಂಪಿಎಸ್ ಮೂಲಕ ಮಾಡಬಹುದು ಎಂದು ಹೇಳಿದೆ.

ಆಂತರಿಕ ಆರ್‌ಟಿಜಿಎಸ್ ಸೇವೆಗಳನ್ನು ಸಕ್ರಿಯಗೊಳಿಸಲಾಗಿದೆ. ಯೆಸ್​ ಬ್ಯಾಂಕ್ ಕ್ರೆಡಿಟ್ ಕಾರ್ಡ್ ಬಾಕಿ ಮತ್ತು ಇತರ ಬ್ಯಾಂಕ್ ಖಾತೆಗಳಿಂದ ಸಾಲದ ಬಾಧ್ಯತೆಗಳನ್ನು ಪಾವತಿಸಬಹುದು ಎಂದು ಬ್ಯಾಂಕ್ ಟ್ವಿಟ್ಟರ್​ ಮೂಲಕ ತಿಳಿಸಿದೆ.

• Inward RTGS services have been enabled. You can make payments towards YES BANK Credit Card dues and loan obligations from other bank accounts. Thank you for your co-operation. @RBI @FinMinIndia

  — YES BANK (@YESBANK) March 11, 2020 " class="align-text-top noRightClick twitterSection" data="

  Inward RTGS services have been enabled. You can make payments towards YES BANK Credit Card dues and loan obligations from other bank accounts. Thank you for your co-operation. @RBI @FinMinIndia

  — YES BANK (@YESBANK) March 11, 2020

  ">

  Inward RTGS services have been enabled. You can make payments towards YES BANK Credit Card dues and loan obligations from other bank accounts. Thank you for your co-operation. @RBI @FinMinIndia

  — YES BANK (@YESBANK) March 11, 2020

ತನ್ನ ವೆಬ್‌ಸೈಟ್‌ನಲ್ಲಿ ಪೋಸ್ಟ್ ಮಾಡಲಾದ 'ನಿರ್ಬಂಧಿತ ವಹಿವಾಟಿಗೆ ಸಂಬಂಧಿತ 'ಎಫ್​ಎಕ್ಯೂ'ನಲ್ಲಿ ಆನ್‌ಲೈನ್ ರವಾನೆ, ಚೆಕ್‌ಗಳು ಮತ್ತು ಡಿಮಾಂಡ್​ ಡ್ರಾಫ್ಟ್ಸ್​ ವಿಲೇವಾರಿ ಮತ್ತು ಇಎಂಐಗಳ ಬಾಹ್ಯ ಪಾವತಿಯಂತಹ ಇತರೆ ಸೇವೆಗಳು ನಿಷೇಧದ ಅವಧಿಯಲ್ಲಿ ಮುಂದುವರಿಯುತ್ತದೆ ಎಂದು ಬಿಕ್ಕಟ್ಟಿನಿಂದ ಬಳಲುತ್ತಿರುವ ಯೆಸ್ ಬ್ಯಾಂಕ್ ಹೇಳಿದೆ.

ಉದ್ಯೋಗದಾತರು ಯೆಸ್ ಬ್ಯಾಂಕ್​ನಲ್ಲಿ ಚಾಲ್ತಿ ಖಾತೆಯನ್ನು ಹೊಂದಿದ್ದರೆ ಮತ್ತು ಉದ್ಯೋಗಿಗಳಿಗೆ ಸಂಬಳ ನೀಡಲು ಬಯಸಿದರೆ ಅಂತಹ ವಹಿವಾಟಿಗೆ ಯಾವುದೇ ತೊಂದರೆ ಇರುವುದಿಲ್ಲ. ಆರ್‌ಟಿಜಿಎಸ್ ಮತ್ತು ನೆಫ್ಟ್ ಸೇರಿದಂತೆ ಹೊರಗಿನ ಆನ್‌ಲೈನ್ ರವಾನೆಗಳನ್ನು ಇನ್ನೂ ಸ್ಥಗಿತಗೊಳಿಸಲಾಗಿದೆ ಎಂದು ಬ್ಯಾಂಕ್ ಸ್ಪಷ್ಟಪಡಿಸಿದೆ.