ಹೈದರಾಬಾದ್: ತೆಲಂಗಾಣ ರಾಜಧಾನಿ ಹೈದರಾಬಾದ್ನ ಹೃದಯ ಭಾಗದಲ್ಲಿರುವ ನಡು ನೀರಿನ ಮಧ್ಯೆ ಗೌತಮ ಬುದ್ಧನ ಪ್ರತಿಮೆ ಇರುವ 'ಹುಸೇನ್ ಸಾಗರ್ ಕೆರೆ'ಯ ಹೆಸರು 'ಜೈ ಶ್ರೀ ರಾಮ್ ಸಾಗರ್' ಎಂದು ಪ್ರದರ್ಶನಗೊಂಡು ನೋಡುಗರಲ್ಲಿ ದಿಗ್ಬ್ರಮೆ ಮೂಡಿಸಿತ್ತು.
ಈ ವಿಲಕ್ಷಣ ಘಟನೆ ನಡೆದದ್ದು ಸರ್ಚ್ ಎಂಜಿನ್ ದೈತ್ಯ ಗೂಗಲ್ ಮ್ಯಾಪ್ನಲ್ಲಿ. ಹುಸೇನ್ ಸಾಗರ್ ಕೆರೆಯ ಹೆಸರು 'ಜೈ ಶ್ರೀ ರಾಮ್ ಕೆರೆ' ಎಂದು ಬದಲಾದ ಹೆಸರು ನೋಡಿ ಹಲವರು ಆಶ್ಚರ್ಯಚಕಿತರಾದರು. ಜೊತೆಗೆ ವಿಧ್ವಂಸಕ ಸೈಬರ್ ಕೃತ್ಯದ ವಿರುದ್ಧ ತಮ್ಮ ಕೋಪವನ್ನು ಹೊರಹಾಕಿ ಟ್ವಿಟರ್ನಲ್ಲಿ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಹೈದರಾಬಾದ್ ಹುಸೇನ್ ಸಾಗರ್ ಕೆರೆ ಇದ್ದಕ್ಕಿದ್ದಂತೆ ಜೈಶ್ರೀರಾಮ್ ಕೆರೆ ಆಯಿತು! ಮತ್ತು @googlemaps ಯಾವುದೇ ಸಂಪಾದನೆಗೆ ಅವಕಾಶ ನೀಡುವುದಿಲ್ಲ. ಆದರೂ ಇದು ಹೇಗೆ ಆಯಿತು ಎಂಬುದು ನನಗೆ ಆಶ್ಚರ್ಯವಾಗಿದೆ ಎಂದು ಟ್ವಿಟರ್ ಬಳಕೆದಾರರು ಬರೆದುಕೊಂಡಿದ್ದಾರೆ.
ದುಷ್ಕರ್ಮಿಗಳು ಹೈದರಾಬಾದ್ನಲ್ಲಿನ ಹುಸೇನ್ ಸಾಗರ್ ಕೆರೆಯ ಹೆಸರನ್ನ ಜೈಶ್ರೀರಾಮ್ ಕೆರೆ ಎಂದು ಬದಲಾಯಿಸಿದ್ದಾರೆ ಎಂದು ಮತ್ತೊಬ್ಬರು ಟ್ವೀಟ್ ಮಾಡಿದ್ದಾರೆ. ಗೂಗಲ್ ತನ್ನ ಫೀಚರ್ಗಳ ಸೇವೆಗಳಲ್ಲಿ ಬಳಕೆದಾರರು ಸ್ಥಳೀಯ ಮಾಹಿತಿಯನ್ನು ತುಂಬಲು ಎಂದು ವಿನಾಯಿತಿ ನೀಡಿ ಸಂಪಾದನೆಗೆ ಕಂಪನಿಯು ಅವಕಾಶ ನೀಡಿದೆ. ಆದರೆ, ಕೆಲವರು ಇದನ್ನು ಸಕಾರಾತ್ಮಕ ಉದ್ದೇಶಕ್ಕೆ ಬಳಿಸಿಕೊಳ್ಳದೆ ದುಷ್ಕೃತ್ಯಕ್ಕೆ ಉಪಯೋಗಿಸಿಕೊಂಡಿದ್ದಾರೆ ಎಂದು ಗೂಗಲ್ ವಕ್ತಾರರು ಪ್ರತಿಕ್ರಿಯಿಸಿದ್ದಾರೆ.
