ಮುಂಬೈ : ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (ಎಸ್ಬಿಐ) ತನ್ನ ಆನ್ಲೈನ್ ಬ್ಯಾಂಕಿಂಗ್ ಸೇವೆಗಳು ಜುಲೈ 4 (ನಾಳೆ) ಮುಂಜಾನೆ ಸುಮಾರು ಎರಡು ಗಂಟೆಗಳ ಕಾಲ ಲಭ್ಯವಿಲ್ಲರುವುದಿಲ್ಲ ಎಂದು ಪ್ರಕಟಣೆಯಲ್ಲಿ ತಿಳಿಸಿದೆ.
ಈ ಕುರಿತು ಟ್ವೀಟ್ ಮಾಡಿರುವ ಎಸ್ಬಿಐ, ಜುಲೈ 4 ರಂದು ಮುಂಜಾನೆ 3 :25 ರಿಂದ 5:50 ಗಂಟೆಯವರೆಗೆ ನಿರ್ವಹಣಾ ಕೆಲಸಗಳು ಇವೆ. ಈ ಸಮಯದಲ್ಲಿ ಇಂಟರ್ನೆಟ್ ಬ್ಯಾಂಕಿಂಗ್, ಯೊನೊ, ಯೊನೋ ಲೈಟ್ ಮತ್ತು ಯುಪಿಐ ಸೇವೆಗಳು ಲಭ್ಯವಿರುವುದಿಲ್ಲ. ಉತ್ತಮ ಬ್ಯಾಂಕಿಂಗ್ ಅನುಭವವನ್ನು ಒದಗಿಸಲು ನಾವು ಶ್ರಮಿಸುತ್ತಿರುವುದರಿಂದ ನಮ್ಮ ಗ್ರಾಹಕರು ನಮ್ಮೊಂದಿಗೆ ಸಹಕರಿಸಬೇಕಾಗಿ ವಿನಂತಿಕೊಳ್ಳುತ್ತೇವೆ ಎಂದು ಮನವಿ ಮಾಡಿದೆ.
ಓದಿ : Jio ಬಳಕೆದಾರರಿಗೆ ಬಂಪರ್ ಆಫರ್: ತುರ್ತು ಡೇಟಾ ಸಾಲ ಸೌಲಭ್ಯ ಪ್ರಾರಂಭ
ಎಸ್ಬಿಐ ಗ್ರಾಹಕರು 2021 ರ ಏಪ್ರಿಲ್ 1 ಮತ್ತು ಜೂನ್ 17 ರಂದು ಇದೇ ರೀತಿಯ ಸಮಸ್ಯೆಗಳನ್ನು ಎದುರಿಸಿದ್ದರು. ಎಸ್ಬಿಐ ಪ್ರಕಾರ, ಯೊನೊ ಸುಮಾರು 2.6 ಕೋಟಿ ನೋಂದಾಯಿತ ಬಳಕೆದಾರರನ್ನು ಹೊಂದಿದೆ. ಇದರಲ್ಲಿ ದಿನಕ್ಕೆ 55 ಲಕ್ಷ ಜನರು ಲಾಗಿನ್ ಆಗುತ್ತಾರೆ. 4 ಸಾವಿರಕ್ಕೂ ಹೆಚ್ಚು ವೈಯಕ್ತಿಕ ಸಾಲಗಳು ಮತ್ತು 16 ಸಾವಿರಕ್ಕಿಂತ ಅಧಿಕ ಯೊನೊ ಕೃಷಿ, ಅಗ್ರೀ ಗೋಲ್ಡ್ ಲೋನ್ ಸೇವೆಗಳು ಇದರ ಮೂಲಕ ನಡೆಯುತ್ತವೆ. ಬ್ಯಾಂಕ್ನ ಶೇ. 55 ರಷ್ಟು ವ್ಯವಹಾರಗಳು ಆನ್ಲೈನ್ ಮೂಲಕ ನಡೆಯುತ್ತಿವೆ.
