ಮುಂಬೈ: ರಿಲಯನ್ಸ್ ಗ್ರೂಪ್ನ ಎಲ್ಲ ಉದ್ಯೋಗಿಗಳು ಮತ್ತು ಅವರ ಕುಟುಂಬ ಸದಸ್ಯರು ಕೋವಿಡ್ ಲಸಿಕೆ ಪಡೆಯಲು ತಮ್ಮ ಹೆಸರು ನೋಂದಾಯಿಸಿಕೊಳ್ಳುವಂತೆ ರಿಲಯನ್ಸ್ ಫೌಂಡೇಷನ್‌ನ ಸಂಸ್ಥಾಪಕಿ ನೀತಾ ಅಂಬಾನಿ ಅವರು ನೌಕರರಿಗೆ ಕಳುಹಿಸಿದ್ದ ಇ - ಮೇಲ್ನಲ್ಲಿ ತಿಳಿಸಿದ್ದಾರೆ.
ಕಂಪನಿಯ ಉದ್ಯೋಗಿ, ಆತನ ಸಂಗಾತಿ, ಪೋಷಕರು ಮತ್ತು ಮಕ್ಕಳಿಗೆ ವ್ಯಾಕ್ಸಿನೇಷನ್‌ನ ಸಂಪೂರ್ಣ ವೆಚ್ಚವನ್ನು ರಿಲಯನ್ಸ್ ಭರಿಸಲಿದೆ. ನಮ್ಮ ಕುಟುಂಬದ ಆರೋಗ್ಯ ಮತ್ತು ಸಂತೋಷ ಪಾಲಿಸುವುದು ಎಂದರೆ ರಿಲಯನ್ಸ್ ಕುಟುಂಬದ ಭಾಗವಾಗುವುದು ಎಂದರ್ಥ ಎಂದು ರಿಲಯನ್ಸ್ ಇಂಡಸ್ಟ್ರೀಸ್ನ ಕಾರ್ಯನಿರ್ವಾಹಕ ನಿರ್ದೇಶಕಿ ಮೇಲ್ನಲ್ಲಿ ಉಲ್ಲೇಖಿಸಿದ್ದಾರೆ.
ಇದನ್ನೂ ಓದಿ: ವಿಶ್ವಕ್ಕೆ ಕೊರೊನಾ ವೈರಸ್ ಕೊಟ್ಟ ಚೀನಾ ಜಿಡಿಪಿ 2021ರಲ್ಲಿ ಶೇ 6ರಷ್ಟು ಬೆಳವಣಿಗೆ ಅಂದಾಜು
ನಿಮ್ಮ ಬೆಂಬಲದಿಂದ ನಾವು ಶೀಘ್ರದಲ್ಲೇ ಸಾಂಕ್ರಾಮಿಕವನ್ನು ನಮ್ಮ ಹಿಂದಕ್ಕೆ ತಳ್ಳಲು ಸಾಧ್ಯವಾಗುತ್ತದೆ. ಅಲ್ಲಿಯವರೆಗೆ ನಿಮ್ಮ ರಕ್ಷಕರನ್ನು ನಿರಾಸೆ ಮಾಡಬೇಡಿ. ಅತ್ಯಂತ ಸುರಕ್ಷತೆ ಮತ್ತು ನೈರ್ಮಲ್ಯ ಮುನ್ನೆಚ್ಚರಿಕೆಗಳನ್ನು ತೆಗೆದುಕೊಳ್ಳುವುದನ್ನು ಮುಂದುವರಿಸಿ. ನಾವು ಸಾಮೂಹಿಕ ಯುದ್ಧದ ಕೊನೆಯ ಹಂತಗಳಲ್ಲಿದ್ದೇವೆ. ಒಟ್ಟಾಗಿ ನಾವು ಗೆಲ್ಲಬೇಕು ಮತ್ತು ನಾವು ಗೆಲ್ಲುತ್ತೇವೆ ಕೂಡ ಎಂದಿದ್ದಾರೆ.
ರಿಲಯನ್ಸ್ ಫ್ಯಾಮಿಲಿ ಡೇ 2020ರ ಸಂದೇಶದಲ್ಲಿ ಅಧ್ಯಕ್ಷ ಮತ್ತು ವ್ಯವಸ್ಥಾಪಕ ನಿರ್ದೇಶಕ ಮುಖೇಶ್ ಅಂಬಾನಿ ಮತ್ತು ನೀತಾ ಅಂಬಾನಿ ಅವರು, ಭಾರತದಲ್ಲಿ ಯಾವುದೇ ಅನುಮೋದಿತ ಲಸಿಕೆ ಲಭ್ಯವಾದ ತಕ್ಷಣ, ರಿಲಯನ್ಸ್ ಎಲ್ಲ ಉದ್ಯೋಗಿಗಳು ಮತ್ತು ಕುಟುಂಬ ಸದಸ್ಯರಿಗೆ ಆರಂಭಿಕ ಲಸಿಕೆ ಹಾಕುವ ಯೋಜನೆ ನೀಡಲಿದೆ ಎಂದು ಭರವಸೆ ನೀಡಿದ್ದರು.
