ನವದೆಹಲಿ: ಲಕ್ಷಾಂತರ ನಾಗರಿಕರನ್ನು ಅತ್ಯವಶ್ಯಕವಾದ ಘನತೆಯ ಜೀವನದಿಂದ ದೂರವಿಡುವ ಅಸಮಾನತೆ ಮತ್ತು ಅನ್ಯಾಯಗಳಿಗೆ ಸಾಂಕ್ರಾಮಿಕ ರೋಗವು ಒಂದು ಭೂತಗನ್ನಡಿಯಾಗಿದೆ ಎಂದು ವಿಪ್ರೋ ಸ್ಥಾಪಕ ಅಧ್ಯಕ್ಷ ಅಜೀಮ್ ಪ್ರೇಮ್ಜಿ ವ್ಯಾಖ್ಯಾನಿಸಿದ್ದಾರೆ.
ಫಿಕ್ಕಿಯ 93ನೇ ವಾರ್ಷಿಕ ಸಾಮಾನ್ಯ ಸಭೆಯಲ್ಲಿ ಮಾತನಾಡಿದ ಅವರು, ಕೋವಿಡ್-19 ಸಾಂಕ್ರಾಮಿಕವು ಮಾನವನ ದುಃಖ ಮತ್ತು ದುರಂತ ಭಗ್ನಗೊಳಿಸಿದೆ. ಆರ್ಥಿಕತೆಯು ಸಮಾಜದ ಒಂದು ಭಾಗವಾಗಿದೆ. ಮಾನವ ಎಲ್ಲ ವಿಧದ ಯೋಗಕ್ಷೇಮದಲ್ಲಿ ತೀಕ್ಷ್ಣವಾದ ಮಾಪನವಾಗಿದೆ ಎಂದು ಹೇಳಿದರು.
ಸಾಂಕ್ರಾಮಿಕವು ನಮ್ಮ ಎಲ್ಲಾ ರಚನಾತ್ಮಕ ಅಸಮಾನತೆ ಮತ್ತು ಅನ್ಯಾಯಗಳಿಗೆ ಭೂತಗನ್ನಡಿಯಾಗಿದೆ. ಇದು ನಮ್ಮ ಲಕ್ಷಾಂತರ ಸಹವರ್ತಿ ನಾಗರಿಕರನ್ನು ಮೂಲಭೂತ ಘನತೆಯ ಜೀವನದಿಂದ ಹೊರಗಿಡುತ್ತದೆ. ಮಾರುಕಟ್ಟೆ ಮತ್ತು ವ್ಯವಹಾರಗಳು ಸಮಾಜದಲ್ಲಿ ಭರಿಸಲಾಗದ ಪಾತ್ರ ಹೊಂದಿವೆ ಎಂಬುದನ್ನು ಇದು ಸ್ಪಷ್ಟಪಡಿಸಿದೆ ಎಂದರು.
ಮೊಬೈಲ್ ಉತ್ಪಾದನೆಯಲ್ಲಿ ಚೀನಾ ಹಿಂದಿಕ್ಕಲಿದೆ ಭಾರತ: ರವಿಶಂಕರ್ ಪ್ರಸಾದ್ ವಿಶ್ವಾಸ
ರಾಷ್ಟ್ರದ ಕಾರ್ಯಸೂಚಿಯಲ್ಲಿ ಆಹಾರ, ಆಶ್ರಯ, ಸುರಕ್ಷತೆ ಮತ್ತು ಮೂಲ ಸಾಮಾಜಿಕ ಭದ್ರತೆ ಇರಬೇಕು. ಭೂಮಿ ಮೇಲಿನ ಎಲ್ಲರಿಗೂ ಸಮಾನ ಮತ್ತು ಉತ್ತಮ ಗುಣಮಟ್ಟದ ಸಾರ್ವಜನಿಕ ಶಿಕ್ಷಣ ಹಾಗೂ ಸಾರ್ವಜನಿಕ ಆರೋಗ್ಯ ವ್ಯವಸ್ಥೆ ನೋಡಿಕೊಳ್ಳಿ. ಯಾವುದೇ ರೀತಿಯ ಪೂರ್ವಾಗ್ರಹ ಮತ್ತು ತಾರತಮ್ಯ ನಿರ್ಮೂಲನೆ ಮಾಡುವುದು ಮತ್ತು ನ್ಯಾಯಸಮ್ಮತವಾದ ಉದ್ಯೋಗಗಳು ಹಾಗೂ ಜೀವನೋಪಾಯ ಕಲ್ಪಿಸಬೇಕಿದೆ ಎಂದು ಹೇಳಿದರು.
ಸರ್ಕಾರಗಳು, ಕೈಗಾರಿಕೆ, ನಾಗರಿಕ ಸಮಾಜ, ರಾಜಕಾರಣಿಗಳು, ನಾಗರಿಕರೆಲ್ಲರೂ ಒಗ್ಗೂಡಿದೆರೆ ನ್ಯಾಯಯುತ, ನ್ಯಾಯಸಮ್ಮತ, ಮಾನವೀಯ ಮತ್ತು ಸುಸ್ಥಿರ ಸಮಾಜವನ್ನು ಕಟ್ಟಬಹುದು ಎಂದು ಆಶಿಸಿದರು.
