ನವದೆಹಲಿ: ಸರ್ಕಾರಿ ಸ್ವಾಮ್ಯದ ತೈಲ ಮತ್ತು ಅನಿಲ ಪರಿಶೋಧಕ ಆಯಿಲ್ ಇಂಡಿಯಾ ಲಿಮಿಟೆಡ್ (ಒಐಎಲ್), ಭಾರತ್ ಪೆಟ್ರೋಲಿಯಂ ಕಾರ್ಪೊರೇಷನ್‌ನ ನುಮಲಿಗರ್ ರಿಫೈನರಿಯಲ್ಲಿನ ಶೇ.61ರಷ್ಟು ಪಾಲನ್ನು ಸ್ವಾಧೀನಪಡಿಸಿಕೊಳ್ಳಬಹುದು. ಅಸ್ಸೋಂ ಮೂಲದ ಘಟಕವೊಂದು ಸಾರ್ವಜನಿಕ ವಲಯದ ನಿಯಂತ್ರಣವನ್ನು ತನ್ನಲ್ಲಿ ಉಳಿಸಿಕೊಳ್ಳಬಹುದು.
ಪ್ರಸ್ತುತ ನುಮಾಲಿಗರ್ ರಿಫೈನರಿಯಲ್ಲಿ ಭಾರತ್ ಪೆಟ್ರೋಲಿಯಂ ಕಾರ್ಪೊರೇಶನ್ ಲಿಮಿಟೆಡ್ನ (ಬಿಪಿಸಿಎಲ್) ಬಹುಪಾಲು ಹಿಡುವಳಿ ಹೊಂದಿದ್ದು, ಖಾಸಗೀಕರಣ ಘೋಷಣೆಯು ಈಶಾನ್ಯದಲ್ಲಿ ರಾಜಕೀಯ ಚರ್ಚಾ ವಿಷಯವಾಗಿ ಮಾರ್ಪಟ್ಟಿದೆ. ಸಂಸ್ಕರಣಾಗಾರದ ಪಿಎಸ್‌ಯು ಪಾತ್ರಕ್ಕೆ ತೊಂದರೆಯಾಗದಂತೆ ಧ್ವನಿ ಎತ್ತಲಾಗಿದೆ.
1985ರ ಅಸ್ಸೋಂ ಒಪ್ಪಂದದ ಅನ್ವಯ ಎನ್‌ಆರ್‌ಎಲ್‌ನ ಸ್ಥಾಪಿಸಲಾಯಿತು. ಅಕಾರ್ಡ್‌ನಲ್ಲಿ ಒಂದಾಗಿರುವ ಆಲ್ ಅಸ್ಸೋಂ ಸ್ಟೂಡೆಂಟ್ಸ್ ಯೂನಿಯನ್ ಈಗಾಗಲೇ ಎನ್‌ಆರ್‌ಎಲ್‌ನಲ್ಲಿ ಬದಲಾವಣೆಗಳನ್ನು ವಿರೋಧಿಸಿ ಪ್ರತಿಭಟಿಸುತ್ತಿದೆ.
ಪ್ರಸ್ತುತ ಬಿಪಿಸಿಎಲ್ ಎನ್‌ಆರ್‌ಎಲ್‌ನಲ್ಲಿ ಶೇ.61.65ರಷ್ಟು ಪಾಲನ್ನು ಹೊಂದಿದ್ದರೆ, ಒಐಎಲ್ ಶೇ. 26ರಷ್ಟು ಪಾಲನ್ನು ಹೊಂದಿದೆ. ಅಸ್ಸೋಂ ಸರ್ಕಾರವು ಸಂಸ್ಕರಣಾಗಾರದಲ್ಲಿ ಶೇ. 12.35 ರಷ್ಟು ಪಾಲನ್ನು ಹೊಂದಿದೆ.
