ನವದೆಹಲಿ: ಭಾರತದ ಅತಿ ದೊಡ್ಡ ಕಾರು ತಯಾರಿಕಾ ಸಂಸ್ಥೆ ಮಾರುತಿ ಸುಜುಕಿ ಗ್ರಾಹಕರಿಗೆ ಶಾಕ್ ಕೊಟ್ಟಿದೆ. ತನ್ನ ಕಾರುಗಳ ಬೆಲೆಯಲ್ಲಿ ದಿಢೀರ್ ಏರಿಕೆ ಮಾಡಿದೆ.
ಮಾರುತಿ ಸುಜುಕಿ ಇಂಡಿಯಾದ (ಎಂಎಸ್ಐ) ಜನಪ್ರಿಯ ಕಾರ್ ಆಲ್ಟೋ ಕೆ10 ಬೆಲೆಯನ್ನು ಗರಿಷ್ಠ ₹ 23 ಸಾವಿರದವರೆಗೆ ಏರಿಸಲಾಗಿದೆ.
ಪರಿಷ್ಕೃತ ನೂತನ ಬೆಲೆ ಹೆಚ್ಚಳವು ದೇಶಾದ್ಯಂತ ತಕ್ಷಣದಿಂದಲೇ ಜಾರಿಗೆ ಬಂದಿದೆ. ಕಾರ್ನ ಮಾದರಿ ಆಧರಿಸಿ ದೆಹಲಿ ಹಾಗೂ ರಾಷ್ಟ್ರೀಯ ರಾಜಧಾನಿ ಪ್ರದೇಶದಲ್ಲಿನ (ಎನ್ಸಿಆರ್) ಎಕ್ಸ್ಷೋರೂಂ ಬೆಲೆ ₹ 3.65 ಲಕ್ಷದಿಂದ ₹ 4.44 ಲಕ್ಷದವರೆಗೆ ಮಾರಾಟ ಆಗಲಿದೆ. ದೇಶದ ಇತರೆ ಭಾಗದಲ್ಲಿನ ಬೆಲೆಯು ₹ 3.75 ಲಕ್ಷದಿಂದ ₹ 4.54 ಲಕ್ಷದ ವರೆಗೆ ಇರಲಿದೆ.
ತಿಂಗಳ ಹಿಂದಷ್ಟೇ ಕಾರ್ನಲ್ಲಿ ಆ್ಯಂಟಿ ಲಾಕ್ ಬ್ರೇಕಿಂಗ್ ಸಿಸ್ಟಮ್ (ಎಬಿಎಸ್), ಚಾಲಕನಿಗೆ ಏರ್ಬ್ಯಾಗ್, ರಿವರ್ಸ್ ಪಾರ್ಕಿಂಸ್ ಸೆನ್ಸರ್ ಮತ್ತು ಮುಂಭಾಗದ ಆಸನದಲ್ಲಿ ಪ್ರಯಾಣಿಸುವವರು ಸೀಟ್ ಬೆಲ್ಟ್ ಧರಿಸುವುದನ್ನು ನೆನಪಿಸುವ ಸೌಲಭ್ಯದಂತಹ ಸುರಕ್ಷತಾ ಸಾಧನಗಳನ್ನು ಅಳವಡಿಸಿ ಮೇಲ್ದರ್ಜೆಗೆ ಏರಿಸಲಾಗಿದೆ. ಈ ಕಾರಣಕ್ಕೆ ಬೆಲೆ ಹೆಚ್ಚಿಸುವುದು ಅನಿವಾರ್ಯವಾಗಿದೆ ಎಂದು ಎಂಎಸ್ಐ ಸ್ಪಷ್ಟನೆ ನೀಡಿದೆ.
ಏ.1ರಿಂದ ಉತ್ಪಾದನೆಯಾಗುವ ಎಲ್ಲ ವಾಹನಗಳಿಗೆ ವಾಹನ ಉತ್ಪಾದಕರೇ ಹೈ ಸೆಕ್ಯುರಿಟಿ ರಿಜಿಸ್ಟ್ರೇಷನ್ ಪ್ಲೇಟ್ಸ್ (ಎಚ್ಎಸ್ಆರ್ಪಿ) ಅಳವಡಿಸಬೇಕು ಎಂಬ ಕೇಂದ್ರ ಹೆದ್ದಾರಿ ಮತ್ತು ರಸ್ತೆ ಸಾರಿಗೆ ಸಚಿವಾಲಯ ಸೂಚಿನೆಯ ಅನ್ವಯ ಈ ಹಿಂದೆ ಎಂಎಸ್ಐ ₹ 689 ಬೆಲೆ ಏರಿಸಿತ್ತು.
