ಬೆಂಗಳೂರು: ಹಿಂದಿನ ಸಿಂಡಿಕೇಟ್ ಬ್ಯಾಂಕ್ ಶಾಖೆಗಳ ಐಎಫ್ಎಸ್ಸಿ ಕೋಡ್ಗಳು 2021ರ ಜುಲೈ 1ರಿಂದ ಬದಲಾಗಿ ಹೊಸದಾಗಿ ಜಾರಿಗೆ ಬರಲಿವೆ. ಗ್ರಾಹಕರು ಹೊಸ ಕೆನರಾ ಐಎಫ್‌ಎಸ್‌ಸಿಯನ್ನು ನೆಫ್ಟ್ / ಆರ್‌ಟಿಜಿಎಸ್ / ಐಎಂಪಿಎಸ್ ಮೂಲಕ ಹಣ ಸ್ವೀಕರಿಸಲು ಬಳಸಬೇಕಾಗುತ್ತದೆ ಎಂದು ಕೆನರಾ ಬ್ಯಾಂಕ್ ಪ್ರಕಟಣೆಯಲ್ಲಿ ತಿಳಿಸಿದೆ.
ಹೊಸ ಐಎಫ್ಎಸ್ಸಿ ಅನ್ನು URL canarabank.com/IFSC.html ಮೂಲಕ ಪಡೆಯಬಹುದು ಅಥವಾ ಕೆನರಾ ಬ್ಯಾಂಕಿನ ವೆಬ್‌ಸೈಟ್‌ಗೆ ಪ್ರವೇಶಿಸಬಹುದು ಅಥವಾ ಯಾವುದೇ ಕೆನರಾ ಬ್ಯಾಂಕ್ ಶಾಖೆಗೆ ಭೇಟಿ ನೀಡಬಹುದು. ಹಿಂದಿನ (ಇ) -ಸಿಂಡಿಕೇಟ್ ಬ್ಯಾಂಕ್ನ ಗ್ರಾಹಕರು ಬದಲಾದ ಐಎಫ್ಎಸ್ಸಿ / ಎಂಐಸಿಆರ್ ಕೋಡ್‌ಗಳೊಂದಿಗೆ ಹೊಸ ಚೆಕ್ ಪುಸ್ತಕಗಳನ್ನು ಪಡೆಯಬೇಕಾಗುತ್ತದೆ ಎಂದು ಹೇಳಿದೆ.
ಓದಿ: Gold Price: 3ನೇ ದಿನವೂ ಚಿನ್ನ, ಬೆಳ್ಳಿ ದರ ಏರಿಕೆ
ವಿದೇಶಿ ವಿನಿಮಯ ವಹಿವಾಟಿಗೆ ಸ್ವಿಫ್ಟ್ ಸಂದೇಶಗಳನ್ನು ಕಳುಹಿಸಲು ಅಥವಾ ಸ್ವೀಕರಿಸಲು ಬಳಸಲಾಗುವ ಹಿಂದಿನ ಸಿಂಡಿಕೇಟ್ ಬ್ಯಾಂಕ್ನ ((SYNBINBBXXX) ಸ್ವಿಫ್ಟ್ ಕೋಡ್ 2021ರ ಜುಲೈ 1 ರಿಂದ ಜಾರಿಗೆ ಬರಲಿದೆ.
ನಮ್ಮ ಎಲ್ಲ ಗ್ರಾಹಕರು ತಮ್ಮ ಯಾವುದೇ ವಿದೇಶಿ ವಿನಿಮಯ ಅಗತ್ಯಗಳಿಗಾಗಿ ಸ್ವಿಫ್ಟ್ ಕೋಡ್ (CNRBINBBFD) ಅನ್ನು ಬಳಸಲು ಸೂಚಿಸಲಾಗಿದೆ. ಕೆನರಾ ಬ್ಯಾಂಕ್ 2020ರ ಏಪ್ರಿಲ್‌ನಲ್ಲಿ ಸಿಂಡಿಕೇಟ್ ಬ್ಯಾಂಕ್‌ನೊಂದಿಗೆ ಸಂಯೋಜನೆಯಾದ ನಂತರ ದೇಶದ ನಾಲ್ಕನೇ ಅತಿದೊಡ್ಡ ಸಾರ್ವಜನಿಕ ವಲಯದ ಬ್ಯಾಂಕ್ ಆಗಿದೆ.
