ಬೆಂಗಳೂರು: ಬಯೋಫಾರ್ಮಾಸ್ಯುಟಿಕಲ್ಸ್ ಕಂಪನಿಯಾದ ಬಯೋಕಾನ್ ಲಿಮಿಟೆಡ್ 2020ರ ಟಾಪ್ 5 ಗ್ಲೋಬಲ್ ಬಯೋಟೆಕ್ ಉದ್ಯೋಗದಾತರಲ್ಲಿ ಅಮೆರಿಕದ ಪ್ರತಿಷ್ಠಿತ ಸೈನ್ಸ್ ನಿಯತಕಾಲಿಕ ‘ಸೈನ್ಸ್ ಕೆರಿಯರ್ಸ್ ಟಾಪ್ 20 ಉದ್ಯೋಗದಾತರು’ ಪಟ್ಟಿಯಲ್ಲಿ ಸ್ಥಾನ ಪಡೆದಿದೆ.
2020ರಲ್ಲಿ ಜಾಗತಿಕ ಫಾರ್ಮಾ ಮತ್ತು ಬಯೋಟೆಕ್ ಕಂಪನಿಗಳಲ್ಲಿ 5ನೇ ಸ್ಥಾನದಲ್ಲಿದ್ದ ಬಯೋಕಾನ್, 2018ರಲ್ಲಿ 7ನೇ ಸ್ಥಾನದಿಂದ 2019ರಲ್ಲಿ 6ನೇ ಸ್ಥಾನಕ್ಕೆ ಸ್ಥಿರವಾಗಿ ಏರಿಕೆ ಕಾಣುತ್ತಿದೆ. ಕಂಪನಿಯು ಸತತ ಎಂಟು ವರ್ಷಗಳ ಕಾಲ ಜಾಗತಿಕ ಮಟ್ಟದಲ್ಲಿ ಉನ್ನತ ಉದ್ಯೋಗದಾತರಲ್ಲಿ ಸತತವಾಗಿ ಕಾಣಿಸಿಕೊಂಡಿದೆ.
ಈ ವರ್ಷ ವಿಶ್ವದಾದ್ಯಂತದ ಸುಮಾರು 7,600 ಪ್ರತಿಸ್ಪಂದಕ ಉನ್ನತ ಉದ್ಯೋಗದಾತರ ಸಮೀಕ್ಷೆಯ ಪ್ರಕಾರ, ಬಯೋಕಾನ್‌ನ ಉದ್ಯಮದಲ್ಲಿ ನವೀನ ನಾಯಕತ್ವ', 'ಸಾಮಾಜಿಕ ಜವಾಬ್ದಾರಿ' ಮತ್ತು 'ನಿಷ್ಠಾವಂತ ಉದ್ಯೋಗಿಗಳ ಪಡೆ'ಯಂತಹ ಮೂರು ನಿಯತಾಂಕಗಳಲ್ಲಿ ಹೆಚ್ಚಿನ ಅಂಕ ಪಡೆದಿದೆ.
ಈ ವರ್ಷದ ಪಟ್ಟಿಯಲ್ಲಿ ಅಗ್ರ 5 ಜಾಗತಿಕ ಕಂಪನಿಗಳಲ್ಲಿ ರೆಜೆನೆರಾನ್, ಅಲ್ನಿಲಾಮ್, ಇನ್ಸೈಟ್, ಸಿಂಗೆಂಟಾ ಮತ್ತು ಬಯೋಕಾನ್ ಇವೆ. 2020ರ ಶ್ರೇಯಾಂಕದಲ್ಲಿ ಪ್ರಮುಖ ಜಾಗತಿಕ ಔಷಧ ಕಂಪನಿಗಳಾದ ನೊವೊ ನಾರ್ಡಿಸ್ಕ್, ರೋಚೆ, ಎಲಿ ಲಿಲ್ಲಿ, ಅಬಾಟ್, ನೊವಾರ್ಟಿಸ್, ಫಿಜರ್ ಸೇರಿ ಇತರೆ ಜಾಗತಿಕ ಕಂಪನಿಗಳು ಬಯೋಕಾನ್ಗಿಂತ ಹಿಂದಿವೆ.
