ನವದೆಹಲಿ: ಬಜಾಜ್ ಆಟೋ ಲಿಮಿಟೆಡ್ ಮಂಗಳವಾರ ಬಿಎಸ್-6 ಎಂಜಿನ್ ಮಾನದಂಡದ ಸಿಟಿ ಹಾಗೂ ಪ್ಲಾಟಿನಾ ಶ್ರೇಣಿಯ ಮೋಟಾರ್ ಸೈಕಲ್ಗಳನ್ನು ಮಾರುಕಟ್ಟೆಗೆ ಪರಿಚಯಿಸಿದೆ.
ಸಿಟಿ ಹಾಗೂ ಪ್ಲಾಟಿನಾ ಬೈಕ್ಗಳಲ್ಲಿ ಬಿಎಸ್- 6 ಎಂಜಿನ್ ಮಾನದಂಡದಿ ರೂಪಿಸಲಾಗಿದ್ದು, ಎಲೆಕ್ಟ್ರಾನಿಕ್ ಇಂಜಕ್ಷನ್ (ಇಐ) ಸಿಸ್ಟಮ್ ಡಿಸೈನ್ ಅನ್ನು ಕಂಪನಿಯ ಆರ್ ಆ್ಯಂಡ್ ಡಿ ಸೆಂಟರ್ನಲ್ಲಿ ಅಭಿವೃದ್ಧಿಪಡಿಸಿ ಜೋಡಿಸಲಾಗಿದೆ ಎಂದು ಬಜಾಜ್ ಆಟೋ ಪ್ರಕಟಣೆಯಲ್ಲಿ ತಿಳಿಸಿದೆ.
ಸಿಟಿ ಬೈಕ್ ಬಿಎಸ್-6 ಶ್ರೇಣಿಯಲ್ಲಿ ಎರಡು ಎಂಜಿನ್ ಆಯ್ಕೆಗಳನ್ನು ಗ್ರಾಹಕ ಮುಂದಿರಿಸಲಾಗಿದೆ. 100 ಸಿಸಿ ಹಾಗೂ 110 ಸಿಸಿಯ ಆರಂಭಿಕ ದರ ₹ 40,794ರಿಂದ (ದೆಹಲಿ ಎಕ್ಸ್ಶೋ ರೂಂ) ಶುರುವಾಗುತ್ತದೆ. ಪ್ಲಾಟಿನಾ ಶ್ರೇಣಿಯ ಬೈಕ್ಗಳಲ್ಲಿ ಕೂಡ ಎರಡು ಮಾದರಿಯ ಇಂಜಿನ್ಗಳಿದ್ದು, 100ಸಿಸಿ ಮತ್ತು 110ಸಿಸಿ ಎಚ್-ಗೇರ್ ಹೊಂದಿವೆ. ಇವುಗಳ ಆರಂಭಿಕ ಬೆಲೆ ₹ 47,264 ರಿಂದ ನಿಗದಿಪಡಿಸಲಾಗಿದೆ.
