ನವದೆಹಲಿ: ಹಿಂದೂಜಾ ಗ್ರೂಪ್ನ ಅಶೋಕ್ ಲೇಲ್ಯಾಂಡ್ ಕಂಪನಿಯು ಸೆಪ್ಟಂಬರ್ ತಿಂಗಳ ವಾಹನ ಮಾರಾಟದಲ್ಲಿ ಶೇ. 55ರಷ್ಟು ಕುಸಿತ ದಾಖಲಿಸಿದೆ.
ಕಳೆದ ತಿಂಗಳಲ್ಲಿ ಅಶೋಕ್ ಲೇಲ್ಯಾಂಡ್ 8,780 ವಾಹನಗಳನ್ನು ಮಾರಾಟ ಮಾಡಿದೆ. ಹಿಂದಿನ ವರ್ಷದ ಇದೇ ತಿಂಗಳಲ್ಲಿ 19,374 ಯೂನಿಟ್ಗಳು ಮಾರಾಟ ಆಗಿದ್ದವು ಎಂದು ತಿಳಿಸಿದೆ.
ದೇಶಿಯ ವಾಣಿಜ್ಯ ವಾಹನ ಮಾರುಕಟ್ಟೆಯಲ್ಲಿ ಸೆಪ್ಟಂಬರ್ ತಿಂಗಳಲ್ಲಿ 7,851 ಯೂನಿಟ್ಗಳನ್ನು ಮಾರಾಟ ಮಾಡಲಾಗಿದೆ. ಕಳೆದ ವರ್ಷದ ಈ ತಿಂಗಳಲ್ಲಿ 18,078 ಯೂನಿಟ್ಗಳು ಮಾರಾಟ ಆಗಿದ್ದವು. ಈ ಒಂದು ವರ್ಷದ ಅವಧಿಯಲ್ಲಿ ಮಾರಾಟ ದರವು ಶೇ. 56.57ರಷ್ಟು ಇಳಿಕೆಯಾಗಿದೆ ಎಂದು ಹೇಳಿದೆ.
ದೇಶಿಯ ಮಧ್ಯಮ ಮತ್ತು ದೊಡ್ಡ ಗಾತ್ರದ ವಾಣಿಜ್ಯ ವಾಹನಗಳ ಮಾರಾಟದಲ್ಲಿಯೂ ಇಳಿಕೆಯಾಗಿದ್ದು, ಶೇ. 69ರಷ್ಟು ಇಳಿಕೆಯಾಗಿ 4,035 ಯೂನಿಟ್ಗಳು ಮಾರಾಟವಾಗಿವೆ. ಕಳೆದ ವರ್ಷ ಇದೇ ವರ್ಷದಲ್ಲಿ 13,056 ಯೂನಿಟ್ಗಳನ್ನು ಮಾರಲಾಗಿತ್ತು. ಲಗು ವಾಹನಗಳ ಮಾರಾಟ ಸಹ ಶೇ. 24ರಷ್ಟು ಕ್ಷೀಣಿಸಿದ್ದು, ಸೆಪ್ಟಂಬರ್ 3,816 ಯೂನಿಟ್ಗಳು ಬಿಕರಿಯಾಗಿವೆ. 2018ರ ಇದೇ ತಿಂಗಳಲ್ಲಿ 5,022 ಯೂನಿಟ್ಗಳು ಸೇಲ್ ಆಗಿದ್ದವು. ಒಟ್ಟಾರೆ ವಾಹನಗಳ ಮಾರಾಟದಲ್ಲಿ ಭಾರಿ ಕುಸಿತ ಕಂಡಿದೆ ಎಂದು ಕಂಪನಿ ಹೇಳಿಕೊಂಡಿದೆ.
