ನವದೆಹಲಿ: ಏರ್ಟೆಲ್ ತನ್ನ ವಿ- ಫೈಬರ್ ಬ್ರಾಡ್‌ಬ್ಯಾಂಡ್ ಯೋಜನೆಯ ಮೂಲಕ ಮೂರು ಬ್ರಾಡ್‌ಬ್ಯಾಂಡ್ ಪ್ಲಾನ್ಗಳಡಿ 1,000 ಜಿಬಿವರೆಗೆ ಹೆಚ್ಚುವರಿ ಡೇಟಾ ನೀಡುವುದಾಗಿ ಘೋಷಿಸಿದೆ.
ಹೆಚ್ಚುವರಿ ಡೇಟಾ ಬೇಸಿಕ್, ಮನರಂಜನೆ ಮತ್ತು ಪ್ರೀಮಿಯಂ ಯೋಜನೆಗಳಲ್ಲಿ ಆರು ತಿಂಗಳ ಮಾನ್ಯತೆ ಹೊಂದಿರಲಿದೆ. ವಾಯ್ದೆ ಮುಗಿದ ಬಳಿಕ ಬಳಕೆಯಾಗದ ಡೇಟಾ ಕಡಿತವಾಗಲಿದೆ. ಏರ್ಟೆಲ್ ವಿ-ಫೈಬರ್ ಯೋಜನೆಗಳಿಗೆ ಮಾತ್ರವೇ ಈ ಪ್ಲಾನ್ ಅನ್ವಯವಾಗಲಿದೆ.
ಏರ್ಟೆಲ್ ಬೇಸಿಕ್ ಯೋಜನೆ ₹ 799 ಲಭ್ಯವಿದ್ದು, 100ಜಿಬಿ ನಿಗದಿತ ಡೇಟಾ ಜತೆಗೆ ಹೆಚ್ಚುವರಿಯಾಗಿ 200ಜಿಬಿ ಸಿಗಲಿದೆ. ಇದು ಆರು ತಿಂಗಳ ಮಾನ್ಯತೆ ಮಾತ್ರ ಪಡೆದಿರುತ್ತಿದೆ. 40ಎಂಬಿಪಿಎಸ್ ವೇಗ, ಅನಿಯಮಿತ ಸ್ಥಳೀಯ ಮತ್ತು ಎಸ್‌ಟಿಡಿ ಕರೆಗಳು, ಏರ್ಟೆಲ್ ಟಿವಿ ಪ್ರೀಮಿಯಂ ಚಂದಾದಾರಿಕೆ ಸಹ ಒಳಗೊಂಡಿದೆ.
ಏರ್ಟೆಲ್ ಎಂಟರ್ಟೈನ್ಮೆಂಟ್ ಯೋಜನೆ ₹ 1,099 ಲಭ್ಯವಿದ್ದು, ಆರು ತಿಂಗಳವರೆಗೆ ಮಾನ್ಯತೆ ಪಡೆದ 500 ಜಿಬಿ ಹೆಚ್ಚುವರಿ ಡೇಟಾ ಸಿಗಲಿದೆ. 300 ಜಿಬಿಯವರೆಗೆ 100ಎಂಬಿಪಿಎಸ್ ವೇಗದ ಡೇಟಾ ಚಾಲ್ತಿಯಲ್ಲಿರುತ್ತದೆ. ಅನಿಯಮಿತ ಸ್ಥಳೀಯ ಮತ್ತು ಎಸ್‌ಟಿಡಿ ಕರೆಗಳು, ಒಂದು ವರ್ಷಕ್ಕೆ ಉಚಿತ ಅಮೆಜಾನ್ ಪ್ರೈಮ್ ಚಂದಾದಾರಿಕೆ, ಮೂರು ತಿಂಗಳವರೆಗೆ ನೆಟ್‌ಫ್ಲಿಕ್ಸ್, ಝೀ5 ಪ್ರೀಮಿಯಂ ಮತ್ತು ಏರ್ಟೆಲ್ ಟಿವಿ ಪ್ರೀಮಿಯಂ ಚಂದಾದಾರಿಕೆ ಪಡೆಯಬಹುದು.
₹ 1,599ಯ ಏರ್ಟೆಲ್ ಪ್ರೀಮಿಯಂ ಯೋಜನೆಯು ಆರು ತಿಂಗಳವರೆಗೆ ಮಾನ್ಯವಾಗಿದ್ದು, 1000ಜಿಬಿ ಹೆಚ್ಚುವರಿ ಡೇಟಾ ಲಭ್ಯವಾಗಲಿದೆ. 600ಜಿಬಿ ಡೇಟಾವರೆಗೆ 300ಎಂಬಿಪಿಎಸ್ ವೇಗ ಸಹ ದೊರೆಯುತ್ತದೆ. ಎಂಟರ್ಟೈನ್ಮೆಂಟ್ ಪ್ಲಾನ್ಗಳು ಇದರಲ್ಲೂ ಲಭ್ಯವಾಗಲಿವೆ.
