ನವದೆಹಲಿ: ಭಾರತೀಯ ಸ್ಟೇಟ್ ಬ್ಯಾಂಕ್ (ಎಸ್ಬಿಐ) ಮಾರ್ಚ್ ಮತ್ತು ಏಪ್ರಿಲ್ ತಿಂಗಳ ಅವಧಿಯಲ್ಲಿ ₹ 3,622 ಕೋಟಿ ಮೊತ್ತದ ಚುನಾವಣಾ ಬಾಂಡ್ಗಳನ್ನು ಮಾರಾಟ ಮಾಡಿದೆ ಎಂಬುದು ಮಾಹಿತಿ ಹಕ್ಕು ಕಾಯ್ದೆ (ಆರ್ಟಿಐ) ಅಡಿ ಬಹಿರಂಗವಾಗಿದೆ.
ಪುಣೆಯ ವಿಹಾರ್ ದುರ್ವೆ ಎಂಬುವವರು ಆರ್ಟಿಐ ಮೂಲಕ ಪಡೆದ ದಾಖಲೆಯಲ್ಲಿ ಈ ಮಾಹಿತಿ ಹೊರಬಿದ್ದಿದೆ. ಮಾರ್ಚ್ನಲ್ಲಿ ₹ 1,365 ಕೋಟಿ ಮೊತ್ತದ ಚುನಾವಣೆ ಬಾಂಡ್ಗಳು ಮಾರಾಟವಾಗಿವೆ. ಏಪ್ರಿಲ್ನಲ್ಲಿ ಇವುಗಳ ಮಾರಾಟ ಶೇ 65.21ರಷ್ಟು ಹೆಚ್ಚಳವಾಗಿದ್ದು, ₹ 2,256.37 ಕೋಟಿ ಮೊತ್ತದ ಬಾಂಡ್ಗಳು ಮಾರಾಟವಾಗಿವೆ ಎಂದು ಎಸ್ಬಿಐ ಮಾಹಿತಿ ನೀಡಿದೆ.
ಏಪ್ರಿಲ್ನಲ್ಲಿ ಹೆಚ್ಚಿನ ಬಾಂಡ್ಗಳು ಮುಂಬೈನಲ್ಲಿ ಮಾರಾಟವಾಗಿವೆ. ಮುಂಬೈನಲ್ಲಿ ₹ 694 ಕೋಟಿ, ಕೋಲ್ಕತ್ತಾದಲ್ಲಿ ₹ 417.13 ಕೋಟಿ, ದೆಹಲಿಯಲ್ಲಿ ₹ 408.62 ಕೋಟಿ ಹಾಗೂ ₹ 338.07 ಕೋಟಿ ಮೊತ್ತದ ಬಾಂಡ್ಗಳು ಹೈದರಾಬಾದ್ ಸೇರಿದಂತೆ ಇತರೆ ನಗರಗಳಲ್ಲಿ ಮಾರಾಟವಾಗಿವೆ.
ಚುನಾವಣೆ ಬಾಂಡ್ ಯೋಜನೆ 2018ರಲ್ಲಿ ಕೇಂದ್ರ ಸರ್ಕಾರ ಜಾರಿಗೆ ತಂದಿತ್ತು. ಇದನ್ನು ಸುಪ್ರೀಂಕೋರ್ಟ್ನಲ್ಲಿ ಪ್ರಶ್ನಿಸಲಾಗಿತ್ತು. ಭಾರತದ ಪೌರರಿಗೆ ಮಾತ್ರವೇ ಈ ಬಾಂಡ್ ಖರೀದಿ ಮಾಡಲು ಅವಕಾಶವಿದೆ ಎಂದು ಕಳೆದ ವರ್ಷ ಕೇಂದ್ರ ಸರ್ಕಾರ ಮಾಹಿತಿ ನೀಡಿತು.
