ನವದೆಹಲಿ: ಐಷರಾಮಿ ಸ್ಮಾರ್ಟ್ಫೋನ್ ತಯಾರಿಕಾ ಕಂಪನಿ ಸ್ಯಾಮ್ಸಂಗ್ನ 'ಗ್ಯಾಲಕ್ಸಿ ಫೋಲ್ಡ್' ಮೊಬೈಲ್ ಮತ್ತೊಮ್ಮೆ ಮುಂಗಡ ಬುಕ್ಕಿಂಗ್ಗೆ ಅವಕಾಶ ನೀಡಲಿದೆ. ಮೊದಲ ಬಾರಿಗೆ ಮೊಬೈಲ್ ಬುಕ್ಕಿಂಗ್ ಮಿಸ್ ಮಾಡಿಕೊಂಡವರು ಎರಡನೇ ಅವಕಾಶವನ್ನು ಬಳಸಿಕೊಳ್ಳಬಹುದಾಗಿದೆ.
ಸ್ಯಾಮ್ಸಂಗ್ನ 'ಗ್ಯಾಲಕ್ಸಿ ಫೋಲ್ಡ್' ಮೊಬೈಲ್ ಅ.4ರಂದು ಮೊದಲ ಬಾರಿಗೆ ಮುಂಗಡ ಬುಕ್ಕಿಂಗ್ಗೆ ಅವಕಾಶ ನೀಡಿತ್ತು. ಅಚ್ಚರಿಯೆಂದರೆ ಬರೋಬ್ಬರಿ ₹1,64,999 ಬೆಲೆಯ ಈ ಮೊಬೈಲ್ ಬುಕ್ಕಿಂಗ್ ಆರಂಭಗೊಂಡ ಮೂವತ್ತೇ ನಿಮಿಷದಲ್ಲಿ ಸೋಲ್ಡ್ಔಟ್ ಆಗಿತ್ತು.
ಬೆಚ್ಚಿ ಬೀಳುವಷ್ಟು ಮೊಬೈಲ್ ಬೆಲೆ ಇದ್ರೂ 30 ನಿಮಿಷದಲ್ಲಿ ಸೋಲ್ಡ್ ಔಟ್: ಅಂತಹದ್ದೇನಿದೆ ಅದರಲ್ಲಿ?
ಅ.11ರಂದು 'ಗ್ಯಾಲಕ್ಸಿ ಫೋಲ್ಡ್' ಎರಡನೇ ಬಾರಿಗೆ ಬುಕ್ಕಿಂಗ್ ಮಾಡಬಹುದಾಗಿದೆ. ಅ.4ರಂದು ಬುಕ್ಕಿಂಗ್ ಮಾಡಿದ ಗ್ರಾಹಕರಿಗೆ ಅ.20ರಂದು ಮೊಬೈಲ್ ಕೈಸೇರಲಿದೆ. ಮೊದಲ ಸೇಲ್ನಲ್ಲಿ 1,600 ಮೊಬೈಲ್ಗಳನ್ನು ಮಾತ್ರವೇ ಮಾರಾಟಕ್ಕಿಟ್ಟಿತ್ತು.
ಗ್ಯಾಲಕ್ಸಿ ಫೋಲ್ಡ್ ಫೋನ್ 7.3 ಅಂಗುಲದ ಇನ್ಫಿನಿಟಿ ಫ್ಲೆಕ್ಸ್ ಪರದೆ ಹೊಂದಿದ್ದು, 4.6 ಅಮಲೋಡ್ ಹೊರಾಂಗಣ ಪರದೆ ಇದೆ. ಮುಂಭಾಗದ ಕ್ಯಾಮೆರಾ 10ಎಂಪಿ, ಹಿಂಭಾಗದ ಎರಡೂ ಕ್ಯಾಮೆರಾಗಳು ಕ್ರಮವಾಗಿ 10ಎಂಪಿ ಹಾಗೂ 8ಎಂಪಿ ಸಾಮರ್ಥ್ಯ ಹೊಂದಿವೆ. 3 ಕ್ಯಾಮೆರಾ ಸೆಟಿಂಗ್ಸ್ನಡಿ 12ಎಂಪಿಯ ಮುಖ್ಯ ಕ್ಯಾಮೆರಾ ಜೊತೆಗೆ 16 ಎಂಪಿಯ ವೈಡ್ ಆ್ಯಂಗಲ್ ಕ್ಯಾಮೆರಾ ಮತ್ತು 12ಎಂಪಿಯ ಟೆಲಿಪೋನ್ ಕ್ಯಾಮೆರಾವಿದೆ. 12ಜಿಬಿ RAM ಮತ್ತು 512ಜಿಬಿಯ ಮೆಮೊರಿ ಸಾಮರ್ಥ್ಯವಿದೆ. 4,380mAh ಸಾಮರ್ಥ್ಯದ ಎರಡು ಬ್ಯಾಟರಿ ಒಳಗೊಂಡಿರುವ ಈ ಫೋನ್ ಅನೇಕ ಹೊಸ ಫೀಚರ್ಸ್ ಹೊಂದಿದೆ.
