ನವದೆಹಲಿ: ಜಾಗತಿಕ ಷೇರು ಮಾರುಕಟ್ಟೆಯಲ್ಲಿ ಕಳೆದೆರಡು ತಿಂಗಳಿನಿಂದಲೂ ಮಾರುಕಟ್ಟೆ ಸೂಚ್ಯಾಂಕ ಜಿಗಿಯುತ್ತಲೇ ಇದ್ದು, ಈ ವರ್ಷ ಮಾರುಕಟ್ಟೆ ಹಲವು ದಾಖಲೆಗೆ ಸಾಕ್ಷಿಯಾಗಿದೆ. ಬಿಇಎಸ್ ಬೆಂಚ್ ಮಾರ್ಕ್ ಸೂಚ್ಯಾಂಕವು ಈ ವರ್ಷ 8,373.39 ಅಂಕಗಳನ್ನು ಶೇ. 17.53ರಷ್ಟು ಏರಿಕೆಯಾಗಿದ್ದು, ಸರ್ವಕಾಲಿಕ ದಾಖಲೆ ಎನಿಸಿಕೊಂಡಿದೆ.
ಆದರೆ, ಯಾವ ದಿನಾಂಕದಲ್ಲಿ ಎಷ್ಟು ಅಂಕ ಏರಿಕೆಯಾಗಿದೆ ಹಾಗೂ ಯಾವ ಮಾಪಕಗಳು ಹೆಚ್ಚಿನ ವಹಿವಾಟು ನಡೆಸಿವೆ ಎಂಬ ಮಾಹಿತಿ ಇಂತಿದೆ. ಈ ವರ್ಷದ ಆರಂಭ ಜನವರಿ 21ರಂದು ಮೊದಲ ಬಾರಿಗೆ ಬಿಎಸ್ಇ ಬೆಂಚ್ ಮಾರ್ಕ್ ಸೆನ್ಸೆಕ್ಸ್ 50 ಸಾವಿರ ಗಡಿ ದಾಟಿತ್ತು.
- ಇದಾದ ಬಳಿಕ ಫೆಬ್ರವರಿ 3ರಂದು 50 ಸಾವಿರ ಮಾರ್ಕ್ನಲ್ಲಿ ದಿನದವಹಿವಾಟು ಅಂತ್ಯಗೊಂಡಿತ್ತು.
- ಫೆಬ್ರವರಿ 5ರಂದು ದಿನದ ವಹಿವಾಟಿನಲ್ಲಿ 51,000 ಗಡಿದಾಟಿತ್ತು.
- ಫೆಬ್ರವರಿ 8ರ ವಹಿವಾಟು ಅಂತ್ಯದಲ್ಲೂ 51 ಸಾವಿರ ದಾಟಿ ದಾಖಲೆ ಬರೆದಿತ್ತು.
- ಫೆಬ್ರವರಿ 15ರಲ್ಲಿ ಇದೇ ದಾಖಲೆ ಮುಂದುವರಿದು ಸೂಚ್ಯಾಂಕ 52 ಸಾವಿರಕ್ಕೆ ಮುಟ್ಟಿತ್ತು.
- ಜೂನ್ 22ರಂದು ಹೊಸದಾಗಿ 53 ಸಾವಿರಕ್ಕೆ ತಲುಪಿ ಹೊಸ ದಾಖಲೆಗೆ ಕಾರಣವಾಗಿತ್ತು.
- ಜುಲೈ 7ರಂದು ದಿನದ ವಹಿವಾಟು 53 ಸಾವಿರದಲ್ಲಿ ಅಂತ್ಯಗೊಂಡಿತ್ತು.
- ಆಗಸ್ಟ್ 4ರಲ್ಲಿ ಮೊದಲ ಬಾರಿಗೆ 54 ಸಾವಿರ ತಲುಪಿದ ಸೂಚ್ಯಾಂಕ ವಹಿವಾಟು ಅಂತ್ಯದ ವೇಳೆಯೂ 54 ಸಾವಿರಕ್ಕೂ ಅಧಿಕ ಅಂಕಗಳ ಮೂಲಕ ದಾಖಲೆ ಮಾಡಿತ್ತು.
- ಆಗಸ್ಟ್ 13 ಈ ಓಟ 55 ಸಾವಿರಕ್ಕೆ ತಲುಪಿತ್ತು.
- ಬಳಿಕ ಆಗಸ್ಟ್ 18ಕ್ಕೆ ದಿನದ ವಹಿವಾಟಿನಲ್ಲಿ ಮೊದಲ ಬಾರಿಗೆ 56 ಸಾವಿರದ ಗಡಿ ದಾಟಿತ್ತು.
ಆಗಸ್ಟ್ 26ರಂದು 56,198.13 ಅಂಕಗಳೊಂದಿಗೆ ದಿನದ ವಹಿವಾಟು ಮುಗಿದಿದ್ದು, ಇದು ಆಗಸ್ಟ್ 27ರಂದು ಸಹ ಇದೇ ಅಂಕ ಕಾಯ್ದುಕೊಂಡಿದೆ. ಜೊತೆಗೆ ಬಿಎಸ್ಇ-ಪಟ್ಟಿ ಮಾಡಲಾದ ಕಂಪನಿಗಳ ಮಾರುಕಟ್ಟೆ ಬಂಡವಾಳವು ದಾಖಲೆಯ ಗರಿಷ್ಠ 2,43,73,800.36 ಕೋಟಿ ರೂ.ಗೆ ತಲುಪಿದೆ.
