ಬೆಂಗಳೂರು : ಕಳೆದ ಎರಡು ವರ್ಷಗಳಿಂದ ಮಳೆ, ಪ್ರವಾಹ ಮತ್ತು ಭೂಕುಸಿತದ ಯಾತನೆ ಹಾಗೂ ಇತ್ತೀಚಿನ ಕೋವಿಡ್-19 ಪ್ರೇರಿತ ಲಾಕ್ಡೌನ್ ರೊಮ್ಯಾಟಿಕ್ ಪಾನೀಯ ಕಾಫಿ ಬೆಳೆಗಾರರಿಗೆ ಹೊಸ ಬಿಕ್ಕಟ್ಟು ತಂದಿಟ್ಟಿದೆ.
ಕಳೆದ 2 ವರ್ಷಗಳಲ್ಲಿ ನಾವು ಕಾಫಿ ತೋಟಗಳಲ್ಲಿ ಪ್ರವಾಹ ಮತ್ತು ಭೂಕುಸಿತದ ಆಘಾತ ಎದುರಿಸಿದ್ದೆವು. ಕೋವಿಡ್ನ ರಾಷ್ಟ್ರವ್ಯಾಪಿ ಲಾಕ್ಡೌನ್ ಕಾಫಿ ಬೆಳೆಯ ಕಾರ್ಯಾಚರಣೆಗೆ ದೊಡ್ಡ ಅಡ್ಡಿಯಾಗಿದೆ. ಜೊತೆಗೆ ಕಾಫಿ ಬೀಜಗಳನ್ನು ಹಾನಿಗೊಳಿಸಿ ನಮಗೆ ಭಾರಿ ನಷ್ಟ ಉಂಟುಮಾಡಿದೆ ಎಂದು ಕರ್ನಾಟಕ ಪ್ಲಾಂಟರ್ಸ್ ಅಸೋಸಿಯೇಷನ್ ಅಧ್ಯಕ್ಷ ಶಿರೀಶ್ ವಿಜಯೇಂದ್ರ ಐಎಎನ್‌ಎಸ್‌ಗೆ ತಿಳಿಸಿದರು.
ಮಾರ್ಚ್ 25ರಂದು ಹೇರಲಾದ ಲಾಕ್ಡೌನ್ ಅರೇಬಿಕಾ ಮತ್ತು ರೊಬಸ್ಟಾ ಕಾಫಿ ಬೆಳೆ ಹಿನ್ನೆಡೆಗೆ ಕಾರಣವಾಯಿತು. ಆ ಸಮಯದಲ್ಲೇ ಬೆಳೆಗೆ ಸಾಂಕ್ರಾಮಿಕ ರೋಗ ತಗುಲಿತು. ಬೆಳೆಗಾರರು ಮತ್ತು ವ್ಯಾಪಾರಿಗಳು ಕಾಫಿ ಬೀಜ ಹಾಗೂ ಪುಡಿ ರಫ್ತು ಮಾಡುವುದನ್ನೇ ಕಟ್ಟಿ ಹಾಕಿತ್ತು.
ಮೇ 3ರವರೆಗೆ ಲಾಕ್ಡೌನ್ ಹೇರಿ ಮೊದಲ ಎರಡು ಹಂತಗಳಲ್ಲಿ ಸಾರ್ವಜನಿಕ ಸಾರಿಗೆ ಸ್ಥಗಿತಗೊಳಿಸಿ ವಾಹನ ಸಂಚಾರ ನಿಷೇಧಿಸಲಾಯಿತು. ಬೆಳೆಗಾರರಿಗೆ ಬೀನ್ಸ್ ಮತ್ತು ಮೆಣಸಿನಂತಹ ಅಂತರ ಬೆಳೆ ಕೊಯ್ಲು ಮಾಡುವುದಕ್ಕೆ ಆಗಲಿಲ್ಲ. ಕಾರ್ಮಿಕರು ವಾರಗಳವರೆಗೆ ಎಸ್ಟೇಟ್‌ಗಳಿಗೆ ಪ್ರಯಾಣಿಸಲು ಸಾಧ್ಯವಾಗಲಿಲ್ಲ ಎಂದು ವಿಜಯೇಂದ್ರ ನೆನಪಿಸಿಕೊಂಡರು.
ಕೊರೊನಾ ವೈರಸ್ ಸೋಂಕು ತಪ್ಪಿಸಲು ನೆರೆಯ ತಮಿಳುನಾಡು ಮತ್ತು ಕೇರಳದ ವಲಸೆ ಕಾರ್ಮಿಕರು ತಮ್ಮ ತವರಿಗೆ ಮರಳಿದ ನಂತರ, ಕೊಯ್ಲು ಮಾಡಿದ ಕಾಫಿ ಸಂಸ್ಕರಣೆಯ ಕೆಲಸಗಳ ಮೇಲೆ ಪರಿಣಾಮ ಬೀರಿತು. ಲಾಕ್ಡೌನ್ ನಿರ್ಬಂಧಗಳಿಂದ ತೋಟಗಳಲ್ಲಿನ ಕೆಲಸವು ಸ್ಥಗಿತಗೊಂಡಿತ್ತು. ಬೀನ್ಸ್ ಮಾರಾಟ, ಸಂಸ್ಕರಣೆ ಮತ್ತು ದೇಶಿಯ ರಫ್ತು ವ್ಯಾಪಾರ ಸಾಧ್ಯವಾಗದೆ ಬೆಳೆಗಾರರಿಗೆ ಆದಾಯದ ನಷ್ಟ ಎದುರಾಯಿತು ಎಂದು ವಿಷಾಧಿಸಿದರು.
21 ದಿನಗಳ ಮೊದಲ ಹಂತದ ಲಾಕ್‌ಡೌನ್‌ನ ನಂತರ ಕೃಷಿ ಕ್ಷೇತ್ರಕ್ಕೆ ಅನೇಕ ನಿರ್ಬಂಧಗಳನ್ನು ಸಡಿಲಿಸಲಾಯಿತು. ತೋಟಗಾರಿಕೆ ಬೆಳೆಗಳಾದ ಕಾಫಿ, ಟೀ, ರಬ್ಬರ್ ಮತ್ತು ಮಸಾಲೆಗಳು ವಾಣಿಜ್ಯ ಬೆಳೆಗಳೆಂದು ಪರಿಗಣಿಸಲ್ಪಟ್ಟಿವೆ. ಕೇಂದ್ರ ಅಥವಾ ರಾಜ್ಯಗಳಳು ತೆರಿಗೆ ಮತ್ತು ಇತರವುಗಳಿಂದ ವಿನಾಯಿತಿ ಪ್ರಯೋಜನ ಆಗಲಿಲ್ಲ.
ಸುದೀರ್ಘ ಲಾಕ್‌ಡೌನ್ನಿಂದ ಬಂದರುಗಳಲ್ಲಿ ಕಾಫಿ ಉಳಿಯಿತು. ಶೇ 70ರಷ್ಟು ಕಾಫಿ ರಫ್ತು ಮಾಡಿದ್ದರೂ ಚಿಲ್ಲರೆ ಮಾರಾಟ ಮಳಿಗೆಗಳು, ಕೆಫೆ ಮತ್ತು ಹೋಟೆಲ್‌ಗಳು ಮುಚ್ಚಿದ್ದು ದೇಶಿಯ ಬಳಕೆಯ ಮೇಲೆ ಪರಿಣಾಮ ಬೀರಿತು ಎಂದು ವಿಜಯೇಂದ್ರ ಹೇಳಿದರು.
ಈ ಹಿಂದೆ ಸುಮಾರು 3,00,000 ಟನ್‌ಗಳಷ್ಟು ಭಾರಿ ಮಳೆ, ಪ್ರವಾಹ ಮತ್ತು ಭೂಕುಸಿತದಿಂದಾಗಿ ಕಾಫಿ ಉತ್ಪಾದನೆ ಕುಸಿಯಿತು. 2019-20ರಲ್ಲಿ 50 ಪ್ರತಿಶತ ಮತ್ತು 2018-19ರಲ್ಲಿ ಶೇ.35ರಷ್ಟು ಕುಸಿದಿದೆ. ಅಂತಾರಾಷ್ಟ್ರೀಯ ಬೆಲೆಗಳ ಕುಸಿತವು ರಫ್ತು ಆದಾಯದ ಮೇಲೂ ಪರಿಣಾಮ ಬೀರಿತು.
ನೈಋತ್ಯ ಮಾನ್ಸೂನ್ ವೈಫಲ್ಯದಿಂದಾಗಿ ಸತತ ಮೂರು ವರ್ಷಗಳ (2015-16 ರಿಂದ 2017-18) ಬರ ಮತ್ತು ಶುಷ್ಕ ಹವಾಮಾನವು ಬೆಳೆಗಾರರನ್ನು ಕಾಡಿತು. ಕಾರ್ಮಿಕರಿಗೆ ಉತ್ಪಾದನಾ ವೆಚ್ಚ, ವೇತನ ಮತ್ತು ಸಾಮಾಜಿಕ ಪ್ರಯೋಜನಗಳ ಹೆಚ್ಚಳ ಇನ್ಪುಟ್ ಖರ್ಚು ದ್ವಿಗುಣಗೊಳಿಸಿದೆ.
ಕರ್ನಾಟಕದ ಕಾಫಿ ತೋಟ ಕ್ಷೇತ್ರಕ್ಕೆ ಒಟ್ಟಾರೆ ನಷ್ಟದ ಪ್ರಮಾಣವು ಸುಮಾರು 700 ಕೋಟಿ ರೂ.ಗಳಷ್ಟಿದೆ ಎಂದು ನಾವು ಅಂದಾಜು ಮಾಡಿದ್ದೇವೆ. ಲಾಕ್ಡೌನ್ ಮತ್ತು ಕೊರೊನಾ ವೈರಸ್ನಿಂದಾಗಿ ಕೊಯ್ಲು, ವ್ಯಾಪಾರ ಮತ್ತು ರಫ್ತಿಗೆ ಅಡ್ಡಿಯಾಗಿದೆ ಎಂದು ವಿಜಯೇಂದ್ರ ಹೇಳಿದರು.
ಅಸೋಸಿಯೇಷನ್ ಪ್ರಕಾರ ರೊಬಸ್ಟಾ ಬೆಳೆ ಕೊಯ್ಲು ನಷ್ಟ 131 ಕೋಟಿ ರೂ., ಅರೇಬಿಕಾ ಮತ್ತು ರೊಬಸ್ಟಾ ಪ್ರಮಾಣ 88 ಕೋಟಿ ರೂ., ಬೆಳೆಗಾರರು ಹೊಂದಿರುವ ಬೀನ್ಸ್ ದಾಸ್ತಾನು ನಷ್ಟ 144 ಕೋಟಿ ರೂ., ಮೆಣಸು ಕೊಯ್ಲು 78 ಕೋಟಿ ರೂ. ಮತ್ತು ರಫ್ತು 250 ಕೋಟಿ ರೂ.ಯಷ್ಟು ನಷ್ಟವಾಗಿದೆ.
ಕಾಫಿ ಉದ್ಯಮ ಹಾಗೂ ಕಾಫಿ ಬೆಳೆಗಾರರ ಸಮಸ್ಯೆಗಳನ್ನು ಪರಿಹರಿಸುವಂತೆ ಕೇಂದ್ರ ಸರ್ಕಾರಕ್ಕೆ ಹಲವು ಬಾರಿ ಮನವಿ ಮಾಡಿದ್ದರೂ ಸರ್ಕಾರ ನೆರವು ನೀಡಿಲ್ಲ. ಲಾಕ್ಡೌನ್ ವೇಳೆ ಕೇಂದ್ರ ಘೋಷಿಸಿದ 20 ಲಕ್ಷ ರೂ. ಪ್ಯಾಕೇಜ್ನಲ್ಲಿ ಕಾಫಿ ಬೆಳೆಗಾರರಿಗೆ ನಯಾಪೈಸೆ ಸಿಕ್ಕಿಲ್ಲ ಎಂದು ರಾಜ್ಯ ಬೆಳೆಗಾರರ ಒಕ್ಕೂಟ ಆರೋಪಿಸಿತ್ತು.
