ಮುಂಬೈ- ಅಹಮದಾಬಾದ್​​ ಹೈ ಸ್ಪೀಡ್ ರೈಲು ಕಾರಿಡಾರ್​​ : ಎಲ್​​ ಅಂಡ್​ ಟಿ ಜತೆ ಒಪ್ಪಂದ

ಮುಂಬೈ- ಅಹಮದಾಬಾದ್​​ ನಡುವೆ ಹೈ ಸ್ಪೀಡ್ ರೈಲು ಕಾರಿಡಾರ್​​ನ ಎರಡು ಪ್ಯಾಕೇಜ್​ಗಳ ಒಪ್ಪಂದ ಮಾಡಿಕೊಂಡಿರುವುದಾಗಿ ಎಲ್​ ಅಂಡ್​ ಟಿ ಕನ್ಸ್​ಟ್ರಕ್ಷನ್​​ನ ನಾಗರಿಕ ಮೂಲ ಸೌಕರ್ಯ ವ್ಯವಹಾರ ತಿಳಿಸಿದೆ.

ನವದೆಹಲಿ: 2,500 ಕೋಟಿ ರೂಪಾಯಿ ವೆಚ್ಚದಲ್ಲಿ ಮುಂಬೈ-ಅಹಮದಾಬಾದ್​ ನಡುವೆ ಹೈ ಸ್ಪೀಡ್ ರೈಲು ಕಾರಿಡಾರ್​ ನಿರ್ಮಿಸಲು ಎಲ್​ ಅಂಡ್ ಟಿ ಕಂಪನಿ ಮುಂದಾಗಿದೆ.

ಮುಂಬೈ- ಅಹಮದಾಬಾದ್​​ ನಡುವೆ ಹೈ ಸ್ಪೀಡ್ ರೈಲು ಕಾರಿಡಾರ್​​ನ ಎರಡು ಪ್ಯಾಕೇಜ್​ಗಳ ಒಪ್ಪಂದ ಮಾಡಿಕೊಂಡಿರುವುದಾಗಿ ಎಲ್​ ಅಂಡ್​ ಟಿ ಕನ್ಸ್​ಟ್ರಕ್ಷನ್​​ನ ನಾಗರಿಕ ಮೂಲ ಸೌಕರ್ಯ ವ್ಯವಹಾರದ ಮೂಲಗಳು ತಿಳಿಸಿವೆ

ಇದೊಂದು ಮಹತ್ವದ ಯೋಜನೆಯಾಗಿದ್ದು, ಪ್ರತ್ಯೇಕವಾಗಿ 1 ಸಾವಿರ ಹಾಗೂ ಎರಡೂವರೆ ಸಾವಿರ ಕೋಟಿ ರೂ.ಮೌಲ್ಯದ ಪ್ಯಾಕೇಜ್ ಎಂದು ತಿಳಿದುಬಂದಿದೆ. 28 ಸೇತುವೆಗಳನ್ನು ನಿರ್ಮಿಸಿ, ಅವುಗಳನ್ನು ಜೋಡಿಸಿ, ಸಾಗಿಸುವುದು ಈ ಯೋಜನೆಯ ಭಾಗ ಎಂದು ಕಂಪನಿ ಹೇಳಿಕೊಂಡಿದೆ.

ಜಪಾನ್‌ನ ಎಲ್ ಅಂಡ್ ಟಿ ಮತ್ತು ಐಹೆಚ್ಐ ಇನ್ಫ್ರಾಸ್ಟ್ರಕ್ಚರ್ ಸಿಸ್ಟಮ್ಸ್ (ಐಐಎಸ್) ಒಕ್ಕೂಟದ ಮೂಲಕ ಈ ಯೋಜನೆಯನ್ನು ಕೈಗೆತ್ತಿಕೊಳ್ಳಲಾಗಿದೆ ಎಂದು ಎಲ್ ಅಂಡ್ ಟಿ ಮಾಹಿತಿ ಬಹಿರಂಗ ಪಡಿಸಿದೆ.