ನವದೆಹಲಿ: ಟೆಲಿಕಾಂ ವಲಯದಲ್ಲಿ ಬೃಹತ್ ಸಂಸ್ಥೆಯಾಗಿ ಬೆಳೆದಿರುವ ಜಿಯೋ ಸಂಸ್ಥೆ ತನ್ನ ಮೊಬೈಲ್ ಫೋನ್ ಸರಣಿಯ ಜಿಯೋ ಫೋನ್ ನೆಕ್ಸ್ಟ್ ಬಿಡುಗಡೆಗೆ ಸಿದ್ಧತೆ ನಡೆಸಿದೆ. ಮುಂದಿನ ದೀಪಾವಳಿ ವೇಳೆಗೆ ಮಾರುಕಟ್ಟೆಯಲ್ಲಿ ಜಿಯೋಫೋನ್ ನೆಕ್ಸ್ಟ್ ಖರೀದಿಗೆ ಲಭ್ಯವಾಗಲಿದೆ ಎಂದು ಈ ಹಿಂದೆಯೇ ಸಂಸ್ಥೆ ತಿಳಿಸಿದೆ.
ಇದೀಗ ಜಿಯೋಫೋನ್ ನೆಕ್ಸ್ಟ್ನಲ್ಲಿ ಗೂಗಲ್ ಜಂಟಿ ಸಹಯೋಗದೊಂದಿಗೆ ‘ಪ್ರಗತಿ’ ಆಪರೇಟಿಂಗ್ ಸಿಸ್ಟಂ ಅಭಿವೃದ್ಧಿ ಪಡಿಸಿದ್ದು, ಈ ಓಎಸ್ನಿಂದಲೇ ಮೊಬೈಲ್ ಕಾರ್ಯನಿರ್ವಹಿಸಲಿದೆ ಎಂದು ಸಂಸ್ಥೆ ತಿಳಿಸಿದೆ. ಈ ಫೋನ್ನಲ್ಲಿ ಇನ್ಸ್ಸ್ಟಂಟ್ ಭಾಷಾಂತರ ತಂತ್ರಾಂಶ ಅಳವಡಿಲಾಗಿದ್ದು, ಭಾರತದಲ್ಲಿ ಯಾವ ಮೂಲೆಯಲ್ಲಾದರೂ ಈ ಫೋನ್ನಿಂದ ಅವರದ್ದೇ ಭಾಷೆಯಲ್ಲಿ ವ್ಯವಹರಿಸಬಹುದು ಎಂದು ಸಂಸ್ಥೆ ತಿಳಿಸಿದೆ.
ಆದರೆ, ಆ್ಯಂಡ್ರಾಯ್ಡ್ ಪ್ರಸ್ತುತ ಪಡಿಸಲಿರುವ ಪ್ರಗತಿ ಆಪರೇಟಿಂಗ್ ಸಿಸ್ಟಂ ಆ್ಯಂಡ್ರಾಯ್ಡ್ ಫೋನ್ಗಳಂತೆಯೆ ಕಾರ್ಯ ನಿರ್ವಹಿಸಲಿದೆ ಎಂದು ಆ್ಯಂಡ್ರಾಯ್ಡ್ ಭಾರತ ವಿಭಾಗದ ಪ್ರಧಾನ ವ್ಯವಸ್ಥಾಪಕ ರಾಮ್ ಪಾಪಾಟ್ಲ ಹೇಳಿದ್ದಾರೆ. ಇದರ ಜೊತೆಗೆ ಮೊಬೈಲ್ 10 ಪ್ರಾದೇಶಿಕ ಭಾಷೆಯಲ್ಲೂ ಕಾರ್ಯನಿರ್ವಹಿಸಲಿದೆ.
ಆದರೆ, ಈ ಫೋನ್ನ ಇತರ ಫೀಚರ್ಗಳ ಕುರಿತಂತೆ ಕಂಪನಿ ಯಾವುದೇ ಸುಳಿವು ಬಿಟ್ಟುಕೊಟ್ಟಿಲ್ಲ. ಜೊತೆಗೆ 5ಸಾವಿರ ಆಸುಪಾಸಿನಲ್ಲಿ ಈ ಫೋನ್ ಮಾರುಕಟ್ಟೆಯಲ್ಲಿ ಲಭ್ಯವಾಗಲಿದೆ ಎನ್ನಲಾಗಿದ್ದು, ಅತ್ಯಂತ ಕಡಿಮೆ ಬೆಲೆಯ ಆ್ಯಂಡ್ರಾಯ್ಡ್ 4ಜಿ ಫೋನ್ ಇದಾಗಿರಲಿದೆ.
ಇದನ್ನೂ ಓದಿ: ಪಿಕ್ಸೆಲ್‌ ಫೋನ್‌ಗಳಿಗೂ ಆಂಡ್ರಾಯ್ಡ್‌ 12 ಲಭ್ಯ - Google
