ಮುಂಬೈ: ಜನವರಿ 29ಕ್ಕೆ ಕೊನೆಗೊಂಡ ವಾರದಲ್ಲಿ ಭಾರತದ ವಿದೇಶಿ ವಿನಿಮಯ ಸಂಗ್ರಹವು ಒಂದು ವಾರದಲ್ಲಿ ಸುಮಾರು 4.852 ಬಿಲಿಯನ್ ಡಾಲರ್ಗೆ ಏರಿಕೆಯಾಗಿದೆ.
ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾದ ಸಾಪ್ತಾಹಿಕ ಅಂಕಿ ಅಂಶಗಳ ಪ್ರಕಾರ, ಜನವರಿ 22ಕ್ಕೆ ಕೊನೆಗೊಂಡ ವಾರದಲ್ಲಿ ಮೀಸಲು ನಿಧಿ 585.334 ಬಿಲಿಯನ್ ಡಾಲರ್ನಿಂದ 590.185 ಬಿಲಿಯನ್ ಡಾಲರ್ಗೆ ಹೆಚ್ಚಳವಾಗಿದೆ.
ಭಾರತದ ವಿದೇಶೀ ವಿನಿಮಯ ಸಂಗ್ರಹವು ವಿದೇಶಿ ಕರೆನ್ಸಿ ಸ್ವತ್ತು (ಎಫ್‌ಸಿಎ), ಚಿನ್ನದ ಮೀಸಲು, ವಿಶೇಷ ಡ್ರಾಯಿಂಗ್ ರೈಟ್ಸ್ (ಎಸ್‌ಡಿಆರ್) ಮತ್ತು ಅಂತಾರಾಷ್ಟ್ರೀಯ ಹಣಕಾಸು ನಿಧಿ (ಐಎಂಎಫ್) ಜತೆಗೆ ದೇಶದ ಮೀಸಲು ಸ್ಥಾನ ಒಳಗೊಂಡಿದೆ.
ಸಾಪ್ತಾಹಿಕ ಆಧಾರದ ಮೇಲೆ ವಿದೇಶೀ ವಿನಿಮಯ ನಿಕ್ಷೇಪಗಳ ಅತಿದೊಡ್ಡ ಘಟಕವಾದ ಎಫ್‌ಸಿಎಗಳು 5.026 ಬಿಲಿಯನ್ ಡಾಲರ್‌ಗಳಷ್ಟು ಹೆಚ್ಚಳವಾಗಿ 547.218 ಬಿಲಿಯನ್ ಡಾಲರ್ಗೆ ತಲುಪಿದೆ. ದೇಶದ ಚಿನ್ನದ ನಿಕ್ಷೇಪಗಳ ಮೌಲ್ಯವು 164 ದಶಲಕ್ಷದಿಂದ 36.294 ಶತಕೋಟಿ ಡಾಲರ್ಗೆ ಇಳಿದಿದೆ.
ಇದನ್ನೂ ಓದಿ: ರತನ್ಗೆ 'ಭಾರತ ರತ್ನ' ಟ್ವಿಟರ್ ಅಭಿಯಾನ: ನೆಟ್ಟಿಗರಿಗೆ ಟಾಟಾ ಉದ್ಯಮಿಯ 'ವಿನಮ್ರ ಮನವಿ' ಹೀಗಿದೆ..!
ಎಸ್‌ಡಿಆರ್ ಮೌಲ್ಯವು 4 ಮಿಲಿಯನ್ ಡಾಲರ್ ಇಳಿಕೆಯಾಗಿ 1.508 ಬಿಲಿಯನ್ ಆಗಿದೆ. ಇದರ ಜೊತೆಯಲ್ಲಿ ಐಎಂಎಫ್‌ನೊಂದಿಗಿನ ದೇಶದ ಮೀಸಲು ಸ್ಥಾನವು 6 ದಶಲಕ್ಷದಿಂದ 5.165 ಶತಕೋಟಿ ಡಾಲರ್ಗೆ ಇಳಿದಿದೆ.
