ನವದೆಹಲಿ: ಅಂತಾರಾಷ್ಟ್ರೀಯ ಹಣಕಾಸು ನಿಧಿ (ಐಎಂಎಫ್) ತನ್ನ ಮುಂಬರುವ ಔಟ್‌ಲುಕ್ ಅಪ್‌ಡೇಟ್‌ನಲ್ಲಿ ಆರ್ಥಿಕ ಬೆಳವಣಿಗೆಯ ಮುನ್ಸೂಚನೆಯನ್ನು ಮತ್ತಷ್ಟು ಕೆಳಕ್ಕಿಳಿಸಿ ಪರಿಷ್ಕರಿಸುವ ಸಾಧ್ಯತೆಯಿದೆ.
ಅನೇಕ ದೇಶಗಳು ಧನಸಹಾಯ ನೀತಿಗಳನ್ನು ಸರಾಗಗೊಳಿಸುವ ಮತ್ತು ಆರ್ಥಿಕ ಚಟುವಟಿಕೆಯನ್ನು ಪುನಾರಂಭಿಸಲು ಅನುಮತಿಸಿದರೂ, ಚೇತರಿಕೆ ಹಾದಿಯು ಅನಿಶ್ಚಿತವಾಗಿದೆ ಎಂದು ಐಎಂಫ್ನ ಮುಖ್ಯ ಅರ್ಥಶಾಸ್ತ್ರಜ್ಞೆ ಗೀತಾ ಗೋಪಿನಾಥ್ ಬ್ಲಾಗ್ ಪೋಸ್ಟ್ನಲ್ಲಿ ಹೇಳಿದ್ದಾರೆ.
ಗ್ರೇಟ್ ಡಿಪ್ರೆಶನ್ನ ಬಳಿಕ ಮೊದಲ ಬಾರಿಗೆ ಮುಂದುವರಿದ ಮತ್ತು ಉದಯೋನ್ಮುಖ ಮಾರುಕಟ್ಟೆಯಲ್ಲಿ ದೊಡ್ಡ ಮಟ್ಟಿನ ಆರ್ಥಿಕ ಹಿಂಜರಿತವಾಗಲಿದೆ. ಈ ಬಿಕ್ಕಟ್ಟು ಬಡವರ ಮೇಲೆ ಕೆಟ್ಟ ಪರಿಣಾಮ ಬೀರಲಿದೆ ಎಂದು ಅವರು ಹೇಳಿದ್ದಾರೆ.
ಕೋವಿಡ್-19 ಈಗಾಗಲೇ ವಿಶ್ವಾದ್ಯಂತ ಲಕ್ಷಾಂತರ ಜೀವಗಳನ್ನು ಬಲಿ ತೆಗೆದುಕೊಂಡಿದೆ. ಇದರ ಪರಿಣಾಮವಾಗಿ ಉಂಟಾಗುವ ಆರ್ಥಿಕ ಬಿಕ್ಕಟ್ಟು ಜಗತ್ತು ಈ ಹಿಂದೆ ಕಂಡಿರುವ ಎಲ್ಲ ಬಿಕ್ಕಟ್ಟಿನಿಂದ ಭಿನ್ನವಾಗಿದೆ ಎಂದು ಗೀತಾ ಗೋಪಿನಾಥ್ ಹೇಳಿದ್ದಾರೆ.
