ನವದೆಹಲಿ: ಕಳೆದ ಕೆಲ ದಿನಗಳಿಂದ ಸತತವಾಗಿ ಇಳಿಕೆ ಕಂಡಿದ್ದ ಚಿನ್ನದ ಬೆಲೆಯಲ್ಲಿ ಇಂದು ದಿಢೀರ್ ಏರಿಕೆ ಕಂಡು ಬಂದಿದೆ. ಇದರಿಂದ ಆಭರಣ ಪ್ರಿಯರಿಗೆ ಶಾಕ್ ನೀಡಿದೆ. ಮುಂದಿನ ಎರಡು ತಿಂಗಳು ದಸರಾ, ದೀಪಾವಳಿ ಸೇರಿದಂತೆ ಅನೇಕ ಹಬ್ಬಗಳ ಆಚರಣೆ ಇದ್ದು, ಈ ನಡುವೆ ಚಿನ್ನಾಭರಣದ ಬೆಲೆಯಲ್ಲಿ ಏರಿಕೆ ಕಂಡು ಬಂದಿರುವುದು ಚಿನ್ನಾಭರಣ ಪ್ರಿಯರು ಆಘಾತಕ್ಕೊಳಗಾಗಿದ್ದಾರೆ.
10 ಗ್ರಾಂ ಚಿನ್ನದ ಬೆಲೆಯಲ್ಲಿ 269ರೂ ಏರಿಕೆ ಕಂಡು ಬಂದಿರುವ ಕಾರಣ ಇದೀಗ 45,766 ರೂ ಆಗಿದೆ. ಈ ಹಿಂದೆ ಇದರ ಬೆಲೆ 45,497 ಆಗಿತ್ತು. ಚಿನ್ನದ ರೀತಿಯಲ್ಲೇ ಬೆಳ್ಳಿ ಬೆಲೆಯಲ್ಲೂ ಏರಿಕೆಯಾಗಿದ್ದು, ಪ್ರತಿ ಕೆಜಿಗೆ 630 ರೂ. ಏರಿಕೆಯಾಗಿದ್ದು, 59,704 ರೂ. ಆಗಿದೆ.
ಇದನ್ನೂ ಓದಿರಿ: ಫೈಜರ್ ಲಸಿಕೆ ಕೋವಿಡ್ ವಿರುದ್ಧ 6 ತಿಂಗಳು ಅತ್ಯಂತ ಪರಿಣಾಮಕಾರಿ: ಅಧ್ಯಯನ
ಡಾಲರ್ ಎದುರು ಕುಸಿದ ರೂಪಾಯಿ
ಚಿನ್ನ - ಬೆಳ್ಳಿ ಬೆಲೆಯಲ್ಲಿ ಏರಿಕೆಯಾಗುತ್ತಿದ್ದಂತೆ ಡಾಲರ್ ಎದುರು ರೂಪಾಯಿ ಮೌಲ್ಯ ಕುಸಿತ ಕಂಡಿದೆ. 1 ಡಾಲರ್ಗೆ 32 ಪೈಸೆ ಇಳಿಕೆಯಾಗಿದ್ದು, ಈ ಮೂಲಕ ಡಾಲರ್ ಬೆಲೆ ಇದೀಗ 74.63 ರೂ. ಆಗಿದೆ.
