ನವದೆಹಲಿ: ತಿಂಗಳ ಹಿಂದೆ ಏಷ್ಯಾದ ಎರಡನೇ ಅತಿದೊಡ್ಡ ಶ್ರೀಮಂತ, ಭಾರತದ ಬಿಲಿಯನೇರ್ ಆಗಿ ಹೊರಹೊಮ್ಮಿದ್ದ ಗೌತಮ್ ಅದಾನಿ, ಒಂದೇ ವಾರದಲ್ಲಿ 97 ಸಾವಿರ ಕೋಟಿಗೂ ಅಧಿಕ ಹಣ, ಆಸ್ತಿ ಕಳೆದುಕೊಂಡಿರುವ ಕಾರಣ ಇದೀಗ ತಮ್ಮ ಸ್ಥಾನ ಕಳೆದುಕೊಂಡಿದ್ದಾರೆ. ಮಾಧ್ಯಮದಲ್ಲಿನ ವರದಿಯೊಂದರಿಂದಾಗಿ ಗೌತಮ್ ಅದಾನಿ ಆಸ್ತಿಯಲ್ಲಿ ಕಳೆದ ಕೆಲ ದಿನಗಳಿಂದ ನಿರಂತರವಾಗಿ ಇಳಿಕೆಯಾಗ್ತಿದ್ದು, ಷೇರು ಮಾರುಕಟ್ಟೆಯಲ್ಲೂ ಇನ್ನಿಲ್ಲದ ರೀತಿಯಲ್ಲಿ ನಷ್ಟ ಅನುಭವಿಸುತ್ತಿದ್ದಾರೆ.
ಇದನ್ನೂ ಓದಿರಿ: ಒಂದೇ ಮುಹೂರ್ತದಲ್ಲಿ ತನ್ನಿಬ್ಬರು ಪ್ರೇಯಸಿಯರನ್ನೂ ವರಿಸಿದ ಯುವಕ!
ನಾಲ್ಕು ದಿನಗಳ ಅಂತರದಲ್ಲಿ ದಾಖಲೆಯ $12 ಬಿಲಿಯನ್ ಹಣ ಕಳೆದುಕೊಂಡಿರುವ ಕಾರಣ, ಏಷ್ಯಾದ ಟಾಪ್ ಶ್ರೀಮಂತರ ಪಟ್ಟಿಯಲ್ಲಿ ತಮ್ಮ ಸ್ಥಾನ ಕಳೆದುಕೊಂಡಿದ್ದಾರೆ. ಸದ್ಯ ಅವರ ಆಸ್ತಿ $74.9 ಬಿಲಿಯನ್ದಿಂದ $62.7 ಬಿಲಿಯನ್ಗೆ ಇಳಿಕೆಯಾಗಿದೆ. ಕಳೆದ ಕೆಲ ದಿನಗಳ ಹಿಂದೆ ಜಾಗತಿಕ ಶ್ರೀಮಂತರ ಪಟ್ಟಿಯಲ್ಲಿ ನಾಗಾಲೋಟದ ರೀತಿಯಲ್ಲಿ ಗೌತಮ್ ಅದಾನಿ ಮುನ್ನುಗ್ಗುತ್ತಿದ್ದರು. ಆದರೆ ಮಾಧ್ಯಮದಲ್ಲಿ ವರದಿವೊಂದು ಪ್ರಕಟಗೊಳ್ಳುತ್ತಿದ್ದಂತೆ ಅವರ ಅಸ್ತಿ ಕರಗುತ್ತಿದೆ. ವೈಯಕ್ತಿಕವಾಗಿ ಸಹ ಅಪಾರ ಪ್ರಮಾಣದ ಆಸ್ತಿ ಕಳೆದುಕೊಂಡಿದ್ದಾರೆ ಎಂದು ಮಾಧ್ಯಮಗಳು ಮಾಹಿತಿ ಹಂಚಿಕೊಂಡಿವೆ.
ಈ ಹಿಂದೆ ಕೇವಲ ಕಲ್ಲಿದ್ದಲು ಉದ್ಯಮಿಯಾಗಿದ್ದ ಅದಾನಿ, ಸದ್ಯ ಬಂದರು, ಗಣಿ ಮತ್ತು ವಿದ್ಯುತ್ ಸ್ಥಾವರವನ್ನೂ ತಮ್ಮ ಸಾಮ್ರಾಜ್ಯದ ತೆಕ್ಕೆಗೆ ತೆಗೆದುಕೊಂಡಿದ್ದರು.
