ಮುಂಬೈ: ದೇಶದ ವಿದೇಶಿ ವಿನಿಮಯ ಸಂಗ್ರಹವು 7.779 ಬಿಲಿಯನ್ ಡಾಲರ್ಗಳಷ್ಟು ಏರಿಕೆಯಾಗಿದ್ದು, ನವೆಂಬರ್ 6ರಂದು ಕೊನೆಗೊಂಡ ವಾರದಲ್ಲಿ ಸಾರ್ವಕಾಲಿಕ ಗರಿಷ್ಠ 568.494 ಬಿಲಿಯನ್ ಡಾಲರ್ಗೆ ತಲುಪಿದೆ ಎಂದು ಆರ್‌ಬಿಐ ಅಂಕಿ-ಅಂಶಗಳು ತಿಳಿಸಿವೆ.
ಅಕ್ಟೋಬರ್ 30ಕ್ಕೆ ಕೊನೆಗೊಂಡ ಹಿಂದಿನ ವಾರದಲ್ಲಿ ಮೀಸಲು ನಿಧಿ 183 ಮಿಲಿಯನ್ ಡಾಲರ್ಗಳಿಂದ 560.715 ಬಿಲಿಯನ್ ಡಾಲರ್ಗೆ ಏರಿಕೆಯಾಗಿದೆ. ಒಟ್ಟಾರೆ ಮೀಸಲಿನಲ್ಲಿನ ಪ್ರಮುಖ ವಿದೇಶಿ ಚಾಲ್ತಿ ಆಸ್ತಿ (ಎಫ್‌ಸಿಎ) ಹೆಚ್ಚಳವಾಗಿ ಮೀಸಲು ನಿಧಿಯ ಪ್ರಮಾಣ ಏರಿಕೆಯಾಗಿದೆ.
ಎಫ್‌ಸಿಎಯು 6.403 ಬಿಲಿಯನ್ ಡಾಲರ್ಗಳಿಂದ 524.742 ಬಿಲಿಯನ್ ಡಾಲರ್‌ಗಳಿಗೆ ಏರಿದೆ ಎಂದು ಕೇಂದ್ರ ಬ್ಯಾಂಕಿನ ಸಾಪ್ತಾಹಿಕ ಅಂಕಿ-ಅಂಶಗಳು ತಿಳಿಸಿವೆ.
ಡಾಲರ್ ಪರಿಭಾಷೆಯಲ್ಲಿ ಹೇಳುವುದಾದರೆ, ಅಮೆರಿಕದ ಡಾಲರ್ ಅಲ್ಲದ ಯುನಿಟ್, ಪೌಂಡ್ ಮತ್ತು ಯೆನ್ನಂತಹ ವಿದೇಶಿ ವಿನಿಮಯ ಮೀಸಲುಗಳ ಏರಿಳಿತ ನಿಧಿ ಸಂಗ್ರಹಕ್ಕೆ ಮತ್ತೊಂದು ಕಾರಣವಾಗಿದೆ.
ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ (ಆರ್‌ಬಿಐ) ಅಂಕಿ-ಅಂಶಗಳ ಪ್ರಕಾರ, ನ. 6ಕ್ಕೆ ಕೊನೆಗೊಂಡ ವಾರದಲ್ಲಿ ಚಿನ್ನದ ನಿಕ್ಷೇಪವು 1.328 ಮಿಲಿಯನ್ ಅಮೆರಿಕನ್ ಡಾಲರ್‌ನಿಂದ 37.587 ಬಿಲಿಯನ್ ಡಾಲರ್ಗೆ ಏರಿದೆ.
ಅಂತಾರಾಷ್ಟ್ರೀಯ ಹಣಕಾಸು ನಿಧಿ (ಐಎಂಎಫ್) ಜತೆಗಿನ ವಿಶೇಷ ಡ್ರಾಯಿಂಗ್ ರೈಟ್ಸ್ ವಾರದಲ್ಲಿ 7 ಮಿಲಿಯನ್ ಡಾಲರ್ಗೆ ಏರಿಕೆಯಾಗಿ 1.488 ಬಿಲಿಯನ್ ಡಾಲರ್ಗೆ ತಲುಪಿದೆ.
ಐಎಂಎಫ್ ಜತೆಗಿನ ದೇಶದ ಮೀಸಲು ಸ್ಥಾನವು 40 ಮಿಲಿಯನ್ ಡಾಲರ್ಗಳಿಂದ 4.676 ಬಿಲಿಯನ್ ಡಾಲರ್ಗೆ ಏರಿದೆ.
