ನವದೆಹಲಿ: ರುಪೇ(RuPay) ಕಾರ್ಡ್‌ ಅಥವಾ ಭಿಮ್-ಯುಪಿಐ( BHIM-UPI)ನಂತಹ ಎಲೆಕ್ಟ್ರಾನಿಕ್ ವಿಧಾನಗಳ ಮೂಲಕ ನಡೆಸಿದ ವಹಿವಾಟಿನ ಮೇಲೆ 2020ರ ಜನವರಿ 1ರ ನಂತರ ವಿಧಿಸಿರುವ ಶುಲ್ಕವನ್ನು ಮರುಪಾವತಿಸುವಂತೆ ಆದಾಯ ತೆರಿಗೆ ಇಲಾಖೆ ಬ್ಯಾಂಕ್ಗಳಿಗೆ ಸೂಚಿಸಿದೆ.
ಕೇಂದ್ರೀಯ ನೇರ ತೆರಿಗೆ ಮಂಡಳಿ (CBDT), 'ಐ-ಟಿ ಕಾಯ್ದೆಯ ಸೆಕ್ಷನ್ 269SU ಅಡಿಯಲ್ಲಿ ನಿಗದಿತ ಎಲೆಕ್ಟ್ರಾನಿಕ್ ವಿಧಾನಗಳಿಗೆ ವಿಧಿಸಲಾಗುವ ಶುಲ್ಕ' ಎಂಬ ಸುತ್ತೋಲೆಯಲ್ಲಿ ಈ ಎಲೆಕ್ಟ್ರಾನಿಕ್ ವಿಧಾನಗಳ ಮೂಲಕ ನಡೆಸುವ ವಹಿವಾಟಿನ ಮೇಲೆ ಯಾವುದೇ ಶುಲ್ಕ ವಿಧಿಸಬಾರದು ಎಂದು ಬ್ಯಾಂಕುಗಳಿಗೆ ಸೂಚನೆ ನೀಡಿದೆ. ಹೀಗಾಗಿ ಈಗಾಗಲೇ ವಿಧಿಸಲಾಗಿರುವ ಶುಲ್ಕಗಳನ್ನೂ ಬ್ಯಾಂಕ್ಗಳು ಮರುಪಾವತಿಸಬೇಕಾಗಿದೆ.
ಡಿಜಿಟಲ್ ವಹಿವಾಟುಗಳನ್ನು ಉತ್ತೇಜಿಸಿ ನಗದು ಆಧಾರಿತ ಆರ್ಥಿಕತೆಯನ್ನು ಕಡಿಮೆ ಮಾಡಲು ಸರ್ಕಾರವು 2019ರ ಹಣಕಾಸು ಕಾಯ್ದೆಯಲ್ಲಿ ಸೆಕ್ಷನ್ 269SU ಎಂಬ ಹೊಸ ನಿಬಂಧನೆಯನ್ನು ಸೇರಿಸಿದೆ. ಸರ್ಕಾರವು ಡಿಜಿಟಲ್ ಪಾವತಿಗೆ ಹೆಚ್ಚು ಪ್ರೋತ್ಸಾಹ ನೀಡುತ್ತಿದ್ದು, ಇದರ ಭಾಗವಾಗಿ ಆದಾಯ ತೆರಿಗೆ ಇಲಾಖೆ ಈ ನಿರ್ಧಾರಕ್ಕೆ ಬಂದಿದೆ.
