ಸೌತಮ್ಟನ್: ಪ್ರಸ್ತುತ ಎಲ್ಲಾ ಮಾದರಿಯ ಕ್ರಿಕೆಟ್ನಲ್ಲಿ ಮಿಂಚುತ್ತಿರುವ ಕೊಹ್ಲಿಯನ್ನು ಅಪ್ರಬುದ್ಧ ಎಂದಿದ್ದ ರಬಾಡ ಟೀಕೆಗೆ ಅವರ ಬಳಿಯೇ ನೇರವಾಗಿ ಚರ್ಚಿಸುತ್ತೇನೆ ಎಂದು ಕೊಹ್ಲಿ ಉತ್ತರಿಸಿದ್ದಾರೆ.
ವಾರದ ಹಿಂದಷ್ಟೇ ಕೊಹ್ಲಿ ಕುರಿತು ಹೇಳಿಕೆ ನೀಡಿದ್ದ ರಬಾಡ, ನಾನು ಐಪಿಎಲ್‌ನಲ್ಲಿ ಕೊಹ್ಲಿ ವಿರುದ್ಧ ಆಡಿದ್ದೇನೆ. ಅಗ್ರೆಸ್ಸಿವ್ ಆಗಿ ಆಡುತ್ತಾರೆ. ಆದರೆ ಎದುರಾಳಿಗಳ ನಿಂದನೆ ಸಹಿಸುವುದಿಲ್ಲ. ಕೊಹ್ಲಿ ಅಪ್ರಬುದ್ಧ ಎಂದು ಟೀಕಿಸಿದ್ದರು.
ನಿನ್ನೆ ನಡೆದ ಸುದ್ದಿಗೋಷ್ಠಿಯಲ್ಲಿ ಈ ಕುರಿತು ಪ್ರತಿಕ್ರಿಯಿಸಿದ ಕೊಹ್ಲಿ, ಇದು ಮಾಧ್ಯಮದ ಮುಂದೆ ಚರ್ಚಿಸುವ ವಿಚಾರವಲ್ಲ. ರಬಾಡ ಒಬ್ಬ ಶ್ರೇಷ್ಠ ಬೌಲರ್ ಆಗಿದ್ದು, ಯಾವುದೇ ಹಂತದಲ್ಲಿ ವಿಕೆಟ್ ಪಡೆಯುವ ಬೌಲರ್ ಆಗಿದ್ದಾರೆ. ನನ್ನ ವಿರುದ್ಧ ಟೀಕೆಯ ಬಗ್ಗೆ ನೇರವಾಗಿ ಅವರ ಬಳಿಯೇ ಚರ್ಚಿಸಿ ಕಾರಣ ತಿಳಿದುಕೊಳ್ಳುತ್ತೇನೆ ಎಂದಿದ್ದಾರೆ.
ಅಗ್ರೆಸ್ಸಿವ್ ಆಟಕ್ಕೆ ಹೆಸರಾದ ಕೊಹ್ಲಿ ರಬಾಡ ಟೀಕೆಯನ್ನು ಸಮಾಧಾನಕರವಾಗಿ ತೆಗೆದುಕೊಂಡಿದ್ದಾರೆಂದರೆ ಇಂದಿನ ಪಂದ್ಯದಲ್ಲಿ ರಬಾಡರ ಬೌಲಿಂಗ್ ಹಾಗೂ ಕೊಹ್ಲಿ ಬ್ಯಾಟಿಂಗ್ ನೋಡಲು ಕ್ರಿಕೆಟ್ ಅಭಿಮಾನಿಗಳು ಕಾದು ಕುಳಿತಿದ್ದಾರೆ.
