ಜೈಪುರ: ಪ್ಲೇ ಆಫ್ ಮೇಲೆ ಕಣ್ಣಿಟ್ಟಿರುವ ಸನ್ರೈಸರ್ಸ್ ಹಾಗೂ ರಾಜಸ್ಥಾನಗಳು ಇಂದು ಜೈಪುರದ ಸವಾಯ್ ಮಾನ್ಸಿಂಗ್ ಕ್ರೀಡಾಂಗಣದಲ್ಲಿ ಮುಖಾಮುಖಿಯಾಗುತ್ತಿವೆ.
ಅಂಕಪಟ್ಟಿಯಲ್ಲಿ 4 ನೇಸ್ಥಾನದಲ್ಲಿರುವ ಹೈದರಾಬಾದ್ ಹಾಗೂ 7 ನೇ ಸ್ಥಾನದಲ್ಲಿರುವ ರಾಜಸ್ಥಾನ ತಂಡಗಳಿಗೆ ಈ ಗೆಲುವು ಅನಿವಾರ್ಯವಾಗಿದೆ. ಮೊದಲ ಮೂರು ಸ್ಥಾನದಲ್ಲಿ ಚೆನ್ನೈ, ಡೆಲ್ಲಿ ಹಾಗೂ ಮುಂಬೈ ಇಂಡಿಯನ್ಸ್ ತಂಡಗಳು ಬಹುತೇಕ ಖಚಿತವಾಗಿರುವ ಹಿನ್ನಲೆಯಲ್ಲಿ ಕೊನೆಯ ತಂಡವಾಗಿ ಪ್ಲೇ ಆಫ್ ತಲುಪಲು ಉಳಿದ 5 ತಂಡಗಳು ತೀವ್ರ ಪೈಪೋಟಿ ನಡೆಸುತ್ತಿವೆ.
ರಾಜಸ್ಥಾನ ರಾಯಲ್ಸ್ 11 ಪಂದ್ಯಗಳಲ್ಲಿ 4 ಗೆಲುವು,7 ಸೋಲು ಕಂಡಿದೆ. ಈ ಪಂದ್ಯದಲ್ಲಿ ಸೋಲನುಭವಿಸಿದರೆ ತನ್ನ ಪ್ಲೇ ಆಫ್ ಕನಸಿನ ಜೊತೆಗೆ, ಪಂಜಾಬ್, ಕೆಕೆಆರ್ ಹಾಗೂ ಬೆಂಗಳೂರು ತಂಡದ ಪ್ಲೇ ಆಫ್ ಕನಸು ಬಹುತೇಕ ನುಚ್ಚುನೂರು ಮಾಡಲಿದೆ. ಈ ಪಂದ್ಯವನ್ನು ರಾಯಲ್ಸ್ ಗೆದ್ದರೆ ಮುಂದಿನ ಕೆಲವು ಪಂದ್ಯಗಳು ರೋಚಕವಾಗಿರುತ್ತವೆ.
ಆದರೆ ರಾಜಸ್ಥಾನಕ್ಕೆ ಗೆಲುವು ಸುಲಭವಲ್ಲ, ಏಕೆಂದರೆ ತಂಡದ ಬೆನ್ನೆಲುಬಾಗಿದ್ದ ಜೋಫ್ರಾ ಆರ್ಚರ್ ರಾಷ್ಟ್ರೀಯ ತಂಡದಿಂದ ಕರೆ ಬಂದಿರುವ ಕಾರಣ ಐಪಿಎಲ್ನಿಂದ ನಿರ್ಗಮಿಸಿದ್ದಾರೆ. ಇವರ ಜೊತೆಗೆ ಬೆನ್ಸ್ಟೋಕ್ಸ್ ಕೂಡ ತವರಿಗೆ ಮರಳಿದ್ದಾರೆ. ಹೀಗಾಗಿ ರಾಯಲ್ಸ್ಗೆ ಬೌಲಿಂಗ್ನಲ್ಲಿ ದೊಡ್ಡ ಹೊಡೆತ ಬಿದ್ದಿದೆ. ಆರ್ಚರ್ ಬೌಲಿಂಗ್ ಜೊತೆಗೆ ಕೆಲವು ಪಂದ್ಯಗಳಲ್ಲಿ ಫೀನಿಶರ್ ರೋಲ್ ಕೂಡ ನಿರ್ವಹಿಸಿದ್ದರು.
ಇನ್ನು ಹೈದರಾಬಾದ್ 10 ಪಂದ್ಯಗಳಲ್ಲಿ ತಲಾ 5 ಗೆಲವು-ಸೋಲು ಕಂಡಿದೆ. ಈ ಪಂದ್ಯ ಗೆದ್ದರೆ ಪ್ಲೇ ಆಫ್ ಗೆ ಹತ್ತಿರವಾಗಲಿದೆ. ಕೆಕೆಆರ್,ಆರ್ಸಿಬಿ ಹಾಗೂ ರಾಜಸ್ಥಾನ ತಂಡಗಳು ಕೊನೆಯ ಮೂರು ಪಂದ್ಯ ಗೆದ್ದರೂ 14 ಅಂಕ ಪಡೆಯಲಿವೆ ಒಂದು ಈ ಪಂದ್ಯ ಹೈದರಾಬಾದ್ ಗೆದ್ದರೆ 12 ಅಂಕವಾಗಲಿದ್ದು, ಉಳಿದ 3 ಪಂದ್ಯಗಳಲ್ಲಿ ಕೇವಲ ಒಂದು ಪಂದ್ಯ ಗೆದ್ದರು ಪ್ಲೇ ಅಫ್ ಸ್ಥಾನ ಖಚಿತವಾಗಲಿದೆ.
ರಾಜಸ್ಥಾನದಂತೆ ಹೈದರಾಬಾದಿಗೂ ಬೈರ್ಸ್ಟೋವ್ ಇಲ್ಲದಿರುವುದು ಬಹುದೊಡ್ಡ ನಷ್ಟವಾಗಿದೆ. ಟೂರ್ನಿಯಲ್ಲಿ ಹಾಗೂ ಹೈದರಾಬಾದ್ ತಂಡದ ಗೆಲುವಿನಲ್ಲಿ ಪ್ರಮುಖ ಸ್ಥಾನ ಪಡೆದಿದ್ದ ಬೈರ್ಸ್ಟೋವ್ ಇಂಗ್ಲೆಂಡ್ ತಂಡಕ್ಕೆ ವಾಪಾಸ್ ಆಗಿದ್ದಾರೆ. ಹೀಗಾಗಿ ಹೊಸ ಆರಂಭಿಕ ಗಪ್ಟಿಲ್ರೊಡನೆ ವಾರ್ನರ್ ಕಣಕ್ಕಿಳಿಯಬೇಕಾಗಿದೆ. ಕೇನ್ ವಿಲಿಯಮ್ಸನ್ ತಂಡ ಸೇರ್ಪಡೆಗೊಂಡಿರುವುದೆ ಸನ್ರೈರ್ಸ್ಗೆ ಸಮಧಾನದ ಸಂಗತಿಯಾಗಿದೆ.
ಮುಖಾಮುಖಿ:
ಎರಡು ತಂಡಗಳು ಐಪಿಎಲ್ನಲ್ಲಿ ಇಲ್ಲಿಯವರೆಗೆ 10 ಬಾರಿ ಮುಖಾಮುಖಿಯಾಗಿದ್ದು, 6 ಬಾರಿ ಸನ್ರೈಸರ್ಸ್ ಗೆದ್ದಿದ್ದರೆ,4 ಬಾರಿ ಹೈದರಾಬಾದ್ ಗೆಲುವು ಸಾಧಿಸಿದೆ. ಜೈಪುರದಲ್ಲಿ ನಡೆದಿರುವ 2 ಪಂದ್ಯಗಳಲ್ಲಿ ಇತ್ತಂಡಗಳು ತಲಾ ಒಂದು ಬಾರಿ ಜಯದ ದಾಖಲೆ ಹೊಂದಿವೆ.
2018ರಲ್ಲಿ ಮುಖಾಮುಖಿಯಾಗಿದ್ದ 2 ಪಂದ್ಯಗಳಲ್ಲೂ ಹಾಗೂ 2019ರ ಮೊದಲ ಪಂದ್ಯಲ್ಲಿ ಹೈದರಾಬಾದ್ ಗೆಲುವುಸಾಧಿಸಿದೆ
ರಾಜಸ್ಥಾನ್ ರಾಯಲ್ಸ್:
ಅಜಿಂಕ್ಯ ರಹಾನೆ, ಸ್ಟಿವ್ ಸ್ಮಿತ್(ನಾಯಕ), ಆಶ್ಟನ್ ಟರ್ನರ್, , ಸಂಜು ಸ್ಯಾಮ್ಸನ್, ಶ್ರೇಯಸ್ ಗೋಪಾಲ್, ಜಯದೇವ್ ಉನಾದ್ಕಟ್, ದವಳ್ ಕುಲಕರ್ಣಿ/ವರುಣ್ ಆ್ಯರೋನ್, ಸ್ಟುವರ್ಟ್ ಬಿನ್ನಿ, ರಿಯಾನ್ ಪರಾಗ್, ಒಸಾನೆ ಥಾಮಸ್/ಇಶ್ ಸೋಧಿ, ಲೈಮ್ ಲಿವಿಂಗ್ಸ್ಟೋನ್
ಸನ್ರೈಸರ್ಸ್ ಹೈದರಾಬಾದ್:
ಡೇವಿಡ್ ವಾರ್ನರ್,ಕೇನ್ ವಿಲಿಯಮ್ಸನ್(ನಾಯಕ) , ವಿಜಯ್ ಶಂಕರ್, ಯೂಸಫ್ ಪಠಾಣ್, ಭುವನೇಶ್ವರ್ ಕುಮಾರ್, ರಶೀದ್ ಖಾನ್, ಮನೀಷ್ ಪಾಂಡೆ/ಸಿದ್ದಾರ್ಥ್ ಕೌಲ್, ಸಂದೀಪ್ ಶರ್ಮಾ, ಶಹ್ಬಾಜ್ ನದೀಮ್,ಖಲೀಲ್ ಅಹ್ಮದ್,ಮಾರ್ಟಿನ್ ಗಪ್ಟಿಲ್
