ಪಾಲ್ಮಾ ಡಿ ಮಲ್ಲೋರ್ಕಾ(ಸ್ಪೇನ್) : ಕೆಲ ಹೊರ ದೇಶಗಳಲ್ಲಿ ಕೊರೊನಾ ಲಸಿಕೆ ಹಾಕಿಸಿಕೊಂಡ ಪ್ರವಾಸಿಗರು ಹಾಗೂ ಸಂದರ್ಶಕರನ್ನು ಸ್ಪೇನ್ ರಾಷ್ಟ್ರ ತಮ್ಮ ದೇಶಕ್ಕೆ ಬರಮಾಡಿಕೊಳ್ಳುತ್ತಿದೆ. ಪ್ರವಾಸೋದ್ಯಮಕ್ಕೆ ಸಂಬಂಧಿಸಿದ ಎಲ್ಲಾ ನಿಲ್ದಾಣಗಳನ್ನು ಮತ್ತೆ ತೆರೆದಿದೆ. ಆದರೆ, ಭಾರತ ಸೇರಿ ಇನ್ನೂ ಕೆಲ ರಾಷ್ಟ್ರಕ್ಕೆ ಪ್ರವೇಶ ನಿರ್ಬಂಧಿಸಿದೆ.
ಬ್ರೆಜಿಲ್, ಭಾರತ ಮತ್ತು ದಕ್ಷಿಣ ಆಫ್ರಿಕಾ ರಾಷ್ಟ್ರಗಳಲ್ಲಿ ಕೊರೊನಾ ರೂಪಾಂತರಿ ವೈರಸ್ ಕಂಡು ಬಂದ ಹಿನ್ನೆಲೆ ಭೀತಿಯಿಂದ ಈ ರಾಷ್ಟ್ರಗಳ ಪ್ರಯಾಣಿಕರಿಗೆ ಇನ್ನೂ ಪ್ರವೇಶ ನಿರ್ಬಂಧಿಸಿದೆ.
ಇನ್ನು, ಸ್ಪೇನ್ ರಾಷ್ಟ್ರಕ್ಕೆ ಭೇಟಿ ನೀಡುವವರು ಕನಿಷ್ಠ 14 ದಿನಗಳ ಮೊದಲು ಲಸಿಕೆ ಹಾಕಿಸಿಕೊಂಡಿರಬೇಕು. ಕೊರೊನಾ ಸೋಂಕಿಗೆ ತುತ್ತಾಗಿದ್ದರೆ ಆರು ತಿಂಗಳ ಹಿಂದೆಯೇ ಚಿಕಿತ್ಸೆ ಪಡೆದಿರಬೇಕು.
ಪ್ರಮಾಣಪತ್ರಗಳು ಇಂಗ್ಲಿಷ್, ಫ್ರೆಂಚ್ ಅಥವಾ ಜರ್ಮನ್ ಭಾಷೆಯಲ್ಲಿದ್ದರೂ ಸಹ ಅದು ಸ್ಪ್ಯಾನಿಷ್ ಭಾಷೆಯ ಅನುವಾದವನ್ನು ಹೊಂದಿರಬೇಕು ಎಂದು ಸರ್ಕಾರ ಆದೇಶಿಸಿದೆ.
ಇನ್ನು, ಪ್ರಯಾಣಿಕರು ಪಡೆದ ಲಸಿಕೆಗಳು ವಿಶ್ವ ಆರೋಗ್ಯ ಸಂಸ್ಥೆ, ಸಿನೋಫಾರ್ಮ್ ಮತ್ತು ಸಿನೋವಾಕ್ ಅನುಮೋದಿಸಿದ ಫೈಝರ್, ಬಯೋಟೆಕ್, ಮಾಡಾರ್ನ್, ಆಸ್ಟ್ರಜೆನಿಕಾ, ಜಾನ್ಸನ್ ಆ್ಯಂಡ್ ಜಾನ್ಸನ್ ಆಗಿರಬೇಕು ಎಂದು ಉಲ್ಲೇಖಿಸಿದೆ.
