ಮುಂಬೈ: ವಾರ್ನರ್ ಇಲ್ಲದ ಸನ್ರೈಸರ್ಸ್ ವಿರುದ್ಧ ಗೆದ್ದು ನೇರ ಪ್ಲೇ ಆಫ್ ಪ್ರವೇಶಿಸುವ ನಿರೀಕ್ಷೆಯಲ್ಲಿ ಬಲಿಷ್ಠ ಮುಂಬೈ ಇದ್ದರೆ, ಈ ಪಂದ್ಯ ಗೆಲ್ಲುವ ಮೂಲಕ ರನ್ರೇಟ್ ಆಧಾರದ ಮೇಲೆ ಪ್ಲೇ ಆಫ್ ಪ್ರವೇಶಿಸುವ ಲೆಕ್ಕಾಚಾರದಲ್ಲಿ ಸನ್ರೈಸರ್ಸ್ ಇದೆ.
12 ನೇ ಆವೃತ್ತಿಯಲ್ಲಿ ಭರ್ಜರಿ ಬ್ಯಾಟಿಂಗ್ ಪ್ರದರ್ಶನ ನೀಡಿ ಆರೆಂಜ್ ಕ್ಯಾಪ್ ಪಡೆದುಕೊಂಡಿದ್ದ ಸನ್ರೈಸರ್ಸ್ ಹೈದರಾಬಾದ್ ತಂಡ್ ಡೇವಿಡ್ ವಾರ್ನರ್ ಸ್ವದೇಶಕ್ಕೆ ಮರಳಿದ್ದಾರೆ. ಹೈದರಾಬಾದ್ ಗೆದ್ದಿರುವ ಹಲವು ಪಂದ್ಯಗಳಲ್ಲಿ ವಾರ್ನರ್ ಶ್ರಮ ಹೆಚ್ಚಿತ್ತು, ಇದೀಗ ಮುಂಬೈನಂತಹ ಬಲಿಷ್ಠ ತಂಡವನ್ನು ಎದುರಿಸುವುದು ನಿಜಕ್ಕೂ ದೊಡ್ಡ ಸವಾಲಾಗಲಿದೆ.
ಆದರೆ, ಈ ಪಂದ್ಯ ಗೆದ್ದಿದ್ದೇ ಆದರೆ, ರನ್ರೇಟ್ ಆಧಾರದ ಮೇಲೆ ಮೂರು ಅಥವಾ ನಾಲ್ಕನೇ ಸ್ಥಾನ ಖಚಿತವಾಗಲಿದೆ. ಆದ್ದರಿಂದ ಈ ಪಂದ್ಯ ಎರಡು ತಂಡಗಳಿಗೂ ಮಹತ್ವ ಪಡೆದುಕೊಂಡಿದೆ. ವಾರ್ನರ್ ಬದಲಿಗೆ ಕಿವೀಸ್ ಮಾರ್ಟಿನ್ ಗಪ್ಟಿಲ್ ಆರಂಭಿಕನಾಗಿ ಕಣಕ್ಕಿಳಿಯುವ ಸಾಧ್ಯತೆಯಿದೆ. ಮನೀಷ್ ಪಾಂಡೆ ಕಳೆದ 3 ಪಂದ್ಯಗಳಲ್ಲಿ ಅಬ್ಬರದ ಬ್ಯಾಟಿಂಗ್ ನಡೆಸುತ್ತಿದ್ದಾರೆ. ಈ ಪಂದ್ಯದಲ್ಲೂ ಅವರ ಬ್ಯಾಟಿಂಗ್ ಮುಂದುವರಿದರೆ ಗೆಲುವು ಅಸಾಧ್ಯವೇನಲ್ಲ. ಬೌಲಿಂಗ್ನಲ್ಲಿ ಭುವಿ, ರಶೀದ್ ಹಾಗೂ ನಬಿ ಬಲವಿದೆ.
ಮುಂಬೈ ತಂಡ ಎಲ್ಲ ವಿಭಾಗದಲ್ಲೂ ಉತ್ತಮವಾಗಿದೆ. ಆದರೆ, ಆರಂಭಿಕರಾದ ಡಿಕಾಕ್ ಹಾಗೂ ರೋಹಿತ್ ಅಸ್ಥಿರ ಪ್ರದರ್ಶನ ತೋರುತ್ತಿರುವುದೇ ತಂಡಕ್ಕೆ ತಲೆನೋವಾಗಿದೆ. ಇನ್ನು ಪಾಂಡ್ಯ ಬ್ರದರ್ಸ್ ಬ್ಯಾಟಿಂಗ್ - ಬೌಲಿಂಗ್ ಎರಡರಲ್ಲೂ ಉತ್ತಮ ಪ್ರದರ್ಶನ ತೋರುತ್ತಿದ್ದಾರೆ. ಪೊಲಾರ್ಡ್, ಸೂರ್ಯ ಕುಮಾರ್ ಯಾದವ್ ಕೂಡ ಅಪಾಯಕಾರಿ ಬ್ಯಾಟ್ಸ್ಮನ್ ಎಂಬುದನ್ನು ಮರೆಯುವಂತಿಲ್ಲ.
ಬೌಲಿಂಗ್ನಲ್ಲಿ ಮಲಿಂಗಾ, ಬುಮ್ರಾ ಹಾಗೂ ರಾಹುಲ್ ಚಹಾರ್ ಉತ್ತಮ ಪ್ರದರ್ಶನ ನೀಡುತ್ತಿದ್ದಾರೆ. ಕಳೆದ ಪಂದ್ಯ ಬಿಟ್ಟರೆ, ಉಳಿದೆಲ್ಲ ಪಂದ್ಯಗಳಲ್ಲೂ ಈ ಮೂವರ ಬೌಲಿಂಗ್ ಉತ್ತಮವಾಗಿದೆ. ಇಂದು ತವರಿನಲ್ಲಿ ಪಂದ್ಯ ನಡೆಯುತ್ತಿರುವುದರಿಂದ ಈ ಪಂದ್ಯವನ್ನು ಗೆದ್ದು ನೇರ ಪ್ಲೇ ಆಫ್ಗೆ ಏರಲಿರುವುದರಿಂದ, ಈ ಅವಕಾಶವನ್ನು ಮುಂಬೈ ಯಾವ ರೀತಿ ಉಪಯೋಗಿಸಿಕೊಳ್ಳಲಿದೆ ಎಂಬುದನ್ನ ಕಾದು ನೋಡಬೇಕಿದೆ.
ಮುಖಾಮುಖಿ:
ಎರಡು ತಂಡಗಳು 13 ಪಂದ್ಯಗಳಲ್ಲಿ ಮುಖಾಮುಖಿಯಾಗಿದ್ದು, ಮುಂಬೈ 6 ರಲ್ಲಿ ಹೈದರಾಬಾದ್, 7 ರಲ್ಲಿ ಜಯಸಾಧಿಸಿದೆ. ಮುಂಬೈನಲ್ಲಿ ನಡೆದಿರುವ ಪಂದ್ಯಗಳಲ್ಲಿ 3ರಲ್ಲಿ, ಮುಂಬೈ 1ರಲ್ಲಿ ಹೈದರಾಬಾದ್ ಗೆಲುವು ಸಾಧಿಸಿದೆ. ಕಳೆದ ಪಂದ್ಯದಲ್ಲಿ ಮುಂಬೈ ಅಲ್ಝಾರಿ ಜೋಷೆಪ್ರ ಮಾರಕ ಬೌಲಿಂಗ್ ದಾಳಿಗೆ ನಲುಗಿ 134 ರನ್ಗಳನ್ನು ಬೆನ್ನೆತ್ತಲಾಗದೆ 40 ರನ್ಗಳಿಂದ ಸೋಲನುಭವಿಸಿತ್ತು.
ಆದರೆ ಕಳೆದ ಆವೃತ್ತಿಯಲ್ಲಿ ಎರಡೂ ಪಂದ್ಯಗಳನ್ನು ಹೈದರಾಬಾದ್ ತಂಡವೇ ಜಯ ಸಾಧಿಸಿತ್ತು.
ಸಂಭಾವ್ಯ ತಂಡ...
ಮುಂಬೈ ಇಂಡಿಯನ್ಸ್:
ರೋಹಿತ್ ಶರ್ಮಾ (ನಾಯಕ), ಕ್ವಿಂಟನ್‌ ಡಿ ಕಾಕ್‌, ಸೂರ್ಯಕುಮಾರ್‌ ಯಾದವ್, ಕೀರನ್ ಪೊಲ್ಲಾರ್ಡ್‌, ಹಾರ್ದಿಕ್‌ ಪಾಂಡ್ಯ, ಕೃನಾಲ್‌ ಪಾಂಡ್ಯ, ಮಲಿಂಗಾ, ರಾಹುಲ್ ಚಹಾರ್, ಬೂಮ್ರಾ, ಇವಿನ್ ಲೆವಿಸ್, ಮಯಾಂಕ್ ಮಾರ್ಕಂಡೆ
ಸನ್ರೈಸರ್ಸ್ ಹೈದರಾಬಾದ್
ಮಾರ್ಟಿನ್ ಗಪ್ಟಿಲ್, ಕೇನ್ ವಿಲಿಯಮ್ಸನ್ , ವಿಜಯ್ ಶಂಕರ್, ಮನೀಷ್ ಪಾಂಡೆ, ಯೂಸಫ್ ಪಠಾಣ್, ಶಕಿಭ್ ಹಲ್ ಹಸನ್/ಮಹಮ್ಮದ್ ನಬಿ, ಭುವನೇಶ್ವರ್ ಕುಮಾರ್, ರಶೀದ್ ಖಾನ್, ಸಿದ್ದಾರ್ಥ್ ಕೌಲ್/ಅಭಿಷೇಕ್ ಶರ್ಮಾ, ಸಂದೀಪ್ ಶರ್ಮಾ,ವೃದ್ಧಿಮಾನ್ ಸಹಾ
