200ನೇ ಟಿ-20 ಪಂದ್ಯದಲ್ಲಿ ರೋಹಿತ್​​ ಬಳಗಕ್ಕೆ ಮುಖಭಂಗ... ರಾಜಸ್ಥಾನ ವಿರುದ್ಧ ಸೋತ ಮುಂಬೈ!

ಮುಂಬೈ ಇಂಡಿಯನ್ಸ್​ ತಂಡದ ವಿರುದ್ಧ ಗೆಲುವು ದಾಖಲು ಮಾಡಿರುವ ರಾಜಸ್ಥಾನ​ ರಾಯಲ್ಸ್​ ಪ್ಲೇ-ಆಫ್​ ಕನಸು ಜೀವಂತವಾಗಿಟ್ಟುಕೊಂಡಿದೆ.

ಮುಂಬೈ: ಚುಟುಕು ಕ್ರಿಕೆಟ್​ನ ಐತಿಹಾಸದಲ್ಲಿ 200 ಟಿ-20 ಪಂದ್ಯವನ್ನಾಡಲು ಮೈದಾನಕ್ಕಿಳಿದಿದ್ದ ಮುಂಬೈ ಇಂಡಿಯನ್ಸ್​ ತಂಡ ಸೋಲು ಕಾಣುವ ಮೂಲಕ ಮುಖಭಂಗಕ್ಕೊಳಗಾಗಿದೆ. ರಾಜಸ್ಥಾನ ರಾಯಲ್ಸ್​ ವಿರುದ್ಧದ ಪಂದ್ಯದಲ್ಲಿ ರೋಹಿತ್​ ಬಳಕ 4 ವಿಕೆಟ್​ಗಳ ಸೋಲು ಕಂಡಿದೆ.

ಮುಂಬೈನ ವಾಂಖೆಡೆ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಟಾಸ್​ ಸೋತು ಮೊದಲು ಬ್ಯಾಟಿಂಗ್​ ನಡೆಸಿದ ಮುಂಬೈ ತಂಡದ ಕ್ವಿಂಟನ್ ಡಿ ಕಾಕ್ (81) ಹಾಗೂ ಕ್ಯಾಪ್ಟನ್​ ರೋಹಿತ್ ಶರ್ಮಾ (47) ರನ್​ಗಳ ನೇರವಿನಿಂದ ಐದು ವಿಕೆಟ್ ನಷ್ಟಕ್ಕೆ 187 ರನ್‌ಗಳ ಸ್ಪರ್ಧಾತ್ಮಕ ಮೊತ್ತ ಪೇರಿಸಿತು.

ಇದರ ಬೆನ್ನತ್ತಿದ್ದ ರಾಜಸ್ಥಾನ ತಂಡ ಕೂಡ ಉತ್ತಮ ಆರಂಭ ಪಡೆದುಕೊಂಡಿತು. ಆರಂಭಿಕರಾದ ರಹಾನೆ(37) ಹಾಗೂ ಬಟ್ಲರ್​(89) ತಂಡಕ್ಕೆ ಭದ್ರ ಬುನಾದಿ ಹಾಕಿದರು. 37 ರನ್​ ಗಳಿಸಿದ್ದ ರಹಾನೆ ಕೃನಾಲ್​ ಪಾಂಡ್ಯಾ ಓವರ್​ನಲ್ಲಿ ಕ್ಯಾಚ್​ ನೀಡಿ ನಿರ್ಗಮಿಸಿದರು. ಇದಾದ ಬಳಿಕ ಬಂದ ಸ್ಯಾಮ್ಸನ್​(31) ರನ್​ ಗಳಿಕೆ ಮಾಡಿ ಬಟ್ಲರ್​ಗೆ ಸಾಥ್​ ನೀಡಿದರು. ಹೀಗಾಗಿ ತಂಡ ಮೊದಲ 10 ಓವರ್​ಗಳಲ್ಲಿ 100 ರನ್ ​ಗಳಿಕೆ ಮಾಡಿತು.

31 ರನ್ ​ಗಳಿಸಿದ್ದ ವೇಳೆ ಸ್ಯಾಮ್ಸನ್​ ವಿಕೆಟ್​ ಉರುಳುತ್ತಿದ್ದಂತೆ ರಾಜಸ್ಥಾನ​ ಮೇಲಿಂದ ಮೇಲೆ ವಿಕೆಟ್​ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತು. ರಾಹುಲ್​ ತ್ರಿಪಾಠಿ(1), ಲಿಯಾಮ್​(1), ಸ್ಮಿತ್​(12) ರನ್​ ಗಳಿಕೆ ಮಾಡಿ ವಿಕೆಟ್​ ಒಪ್ಪಿಸಿದರು. ಆದರೆ ಕೊನೆಯದಾಗಿ ಕನ್ನಡಿಗ ಶ್ರೇಯಸ್​ ಅಯ್ಯರ್​ ಅಜೇಯ 13 ರನ್ ​ಗಳಿಕೆ ಮಾಡಿ ತಂಡಕ್ಕೆ ಗೆಲುವಿನ ಉಡುಗೊರೆ ನೀಡಿದರು. ಹೀಗಾಗಿ ತಂಡ 19.3 ಓವರ್​ಗಳಲ್ಲಿ ಆರು ವಿಕೆಟ್​ ಕಳೆದುಕೊಂಡು ಗೆಲುವಿನ ದಡ ಸೇರಿತು.

• Rohit (C) 😎
  
  Read this for the 100th time in the history of #MumbaiIndians💙
  #ESAday #OneFamily #CricketMeriJaan #ESA #MIvRR @ril_foundation pic.twitter.com/ooK80FgtjB

  — Mumbai Indians (@mipaltan) April 13, 2019 " class="align-text-top noRightClick twitterSection" data="

  Rohit (C) 😎
  
  Read this for the 100th time in the history of #MumbaiIndians💙
  #ESAday #OneFamily #CricketMeriJaan #ESA #MIvRR @ril_foundation pic.twitter.com/ooK80FgtjB

  — Mumbai Indians (@mipaltan) April 13, 2019

  ">

  Rohit (C) 😎
  
  Read this for the 100th time in the history of #MumbaiIndians💙
  #ESAday #OneFamily #CricketMeriJaan #ESA #MIvRR @ril_foundation pic.twitter.com/ooK80FgtjB

  — Mumbai Indians (@mipaltan) April 13, 2019

ಇನ್ನು ಮುಂಬೈ ಪರ ಕೃನಾಲ್​ ಮೂರು ವಿಕೆಟ್​ ಪಡೆದರೆ, ಬುಮ್ರಾ 2 ವಿಕೆಟ್​ ಕಬಳಿಸಿದರು. ಇನ್ನು ಟಿ-20 ಕ್ರಿಕೆಟ್ ಇತಿಹಾಸದಲ್ಲೇ 200 ಪಂದ್ಯಗಳನ್ನಾಡಿದ ಮೊದಲ ತಂಡವೆಂಬ ದಾಖಲೆಗೆ ಮುಂಬೈ ಇಂಡಿಯನ್ಸ್ ಪಾತ್ರವಾಗಿದೆ. ಜತೆಗೆ ಕ್ಯಾಪ್ಟನ್​ ಆಗಿ ರೋಹಿತ್​ ಶರ್ಮಾ ತಂಡವನ್ನ 100ನೇ ಸಲ ಮುನ್ನಡೆಸುತ್ತಿರುವ ದಾಖಲೆ ಬರೆದಿದ್ದಾರೆ.

ಚುಟುಕು ಕ್ರಿಕೆಟ್​ನಲ್ಲಿ ಮುಂಬೈ ಇಂಡಿಯನ್ಸ್​​ 178 ಪಂದ್ಯ ಐಪಿಎಲ್​ನಿಂದ ಹಾಗೂ ಚಾಂಪಿಯನ್ಸ್​ ಲೀಗ್​ನ ಟಿ-20ಯಲ್ಲಿ 22 ಪಂದ್ಯಗಳನ್ನ ಮುಂಬೈ ಇಂಡಿಯನ್ಸ್​ ಆಡಿದೆ.