'ಲೋಕ' ಸೋಲಿನ ಹತಾಶೆ,ಮುದ್ದಿನ ನಾಯಿ ಜೊತೆಗೆ ರಾಗಾ ಜಾಲಿ ರೈಡ್!

ಈ ಬಾರಿಯ ಲೋಕಸಭಾ ಚುನಾವಣೆಯಲ್ಲಿ ಅಧಿಕಾರದ ಚುಕ್ಕಾಣಿ ಹಿಡಿಯಬೇಕು ಎಂದು ಹಟತೊಟ್ಟಿದ್ದ ರಾಹುಲ್ ಗಾಂಧಿ ಮತ್ತೆ ನಿರಾಸೆಗೊಳಗಾಗಿದ್ದು, ಅಧ್ಯಕ್ಷ ಸ್ಥಾನಕ್ಕೆ ರಾಜೀನಾಮೆ ನೀಡುವ ನಿರ್ಧಾರಕ್ಕೆ ಬಂದಿದ್ದಾರೆ.

ನವದೆಹಲಿ: ಲೋಕಸಭಾ ಚುನಾವಣೆಯಲ್ಲಿ ಹೀನಾಯ ಸೋಲಿನ ಬಳಿಕ ತೀವ್ರ ಹತಾಶೆಗೊಳಗಾಗಿರುವ ರಾಹುಲ್ ಗಾಂಧಿ ಸದ್ಯ ಈ ಎಲೆಕ್ಷನ್ ಮೂಡ್​ನಿಂದ ಹೊರಬರಲು ತಮ್ಮ ಮುದ್ದಿನ ನಾಯಿ ಜೊತೆ ರೈಡ್​ ಹೋಗಿದ್ದಾರೆ.

ಸದ್ಯ ಎಐಸಿಸಿ ಅಧ್ಯಕ್ಷ ರಾಹುಲ್ ಗಾಂಧಿ, ಪಿಡಿ ಹೆಸರಿನ ತಮ್ಮ ನೆಚ್ಚಿನ ನಾಯಿ ಜೊತೆಗೆ ಕಾರಿನಲ್ಲಿ ಸುತ್ತಾಡಿರುವ ಫೋಟೋಗಳು ವೈರಲ್ ಅಗಿವೆ. ನೆಟಿಜನ್ಸ್ ಈ ಫೋಟೋಗಳಿಗೆ ಸಾಕಷ್ಟು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ಈ ಬಾರಿಯ ಲೋಕಸಭಾ ಚುನಾವಣೆಯಲ್ಲಿ ಅಧಿಕಾರದ ಚುಕ್ಕಾಣಿ ಹಿಡಿಯಬೇಕು ಎಂದು ಹಟ ತೊಟ್ಟಿದ್ದ ರಾಹುಲ್ ಗಾಂಧಿ ಮತ್ತೆ ನಿರಾಸೆಗೊಳಗಾಗಿದ್ದು, ಅಧ್ಯಕ್ಷ ಸ್ಥಾನಕ್ಕೆ ರಾಜೀನಾಮೆ ನೀಡುವ ನಿರ್ಧಾರಕ್ಕೆ ಬಂದಿದ್ದಾರೆ.