ಮೊಹಾಲಿ: ರಾಹುಲ್ ಅರ್ಧಶತಕದ ನೆರವಿನಿಂದ ಕಿಂಗ್ಸ್ಇಲೆವೆನ್ ಪಂಜಾಬ್ 180 ರನ್ಗಳ ಸ್ಪರ್ದಾತ್ಮಕ ಮೊತ್ತ ದಾಖಲಿಸಿದೆ.
ಟಾಸ್ ಸೋತು ಬ್ಯಾಟಿಂಗ್ ಇಳಿದ ಅತಿಥೇಯ ಪಂಜಾಬ್ ತಂಡಕ್ಕೆ ಗೇಲ್(30) ಹಾಗೂ ರಾಹುಲ್ ಮೊದಲ ವಿಕೆಟ್ಗೆ 38 ರನ್ಗಳ ಜೊತೆಯಾಟ ನೀಡಿ ಉತ್ತಮ ಆರಂಭ ಒದಗಿಸಿದರು. ನಂತರ ಒಂದಾದ ಕರ್ನಾಟಕ ಜೋಡಿ ತಂಡಕ್ಕೆ 39 ರನ್ ಸೇರಿಸಿದರು. ಮಯಾಂಕ್ 12 ಎಸೆತಗಳಲ್ಲಿ 26 ರನ್ಗಳಿಸಿ ಇಶ್ ಸೋಧಿಗೆ ವಿಕೆಟ್ ಒಪ್ಪಿಸಿದರು.
ಮಯಾಂಕ್ ಔಟಾಗುವವರೆಗೂ ನಿಧಾನಗತಿ ಆಟಕ್ಕೆ ಮೊರೆ ಹೋಗಿದ್ದ ರಾಹುಲ್ ನಂತರ ಚುರುಕಾಗಿ ಬ್ಯಾಟ್ ಬೀಸಿ ಮಿಲ್ಲರ್ ಜೊತೆಗೆ 85 ರನ್ಗಳ ಜೊತೆಯಾಟ ನಡೆಸಿ ಉನಾದ್ಕಟ್ ಬೌಲಿಂಗ್ನಲ್ಲಿ ಸ್ಲಿಪ್ನಲ್ಲಿದ್ದ ಆರ್ಚರ್ಗೆ ವಿಕೆಟ್ ಒಪ್ಪಿಸಿದರು. ರಾಹುಲ್ 47 ಎಸೆತಗಳಲ್ಲಿ 52 ರನ್ಗಳಿಸಿದರು.
ರಾಹುಲ್ ಬೆನ್ನಲ್ಲೆ ಪೂರನ್ 5, ಮಂದೀಪ್ ಸಿಂಗ್ ಶೂನ್ಯಕ್ಕೆ ಹಾಗೂ ಮಿಲ್ಲರ್ 40 ರನ್ಗಳಿಸಿ ವಿಕೆಟ್ ಒಪ್ಪಿಸಿದರು. 17 ಓವರ್ಗಳಿಗೆ 150 ರನ್ಗಳಿಗೆ 2 ವಿಕೆಟ್ ಕಳೆದುಕೊಂಡಿದ್ದ ಪಂಜಾಬ್ ದಿಡೀರ್ ಕುಸಿತ 19 ಓವರ್ಗಳಿಗೆ 164 ರನ್ಗಳಿಸಿತ್ತು. 20 ಓವರ್ನಲ್ಲಿ ನಾಯಕ ಅಶ್ವಿನ್ 2 ಸಿಕ್ಸರ್ ಹಾಗೂ ಒಂದು ಬೌಂಡರಿ ಬಾರಿಸಿ ತಂಡದ ಮೊತ್ತವನ್ನು 182 ರನ್ಗೇರಿಸಿದರು.
ಜೋಫ್ರಾ ಆರ್ಚರ್ 14 ರನ್ ನೀಡಿ 3 ವಿಕೆಟ್ ಪಡೆದರು. ದವಳ್ ಕುಲಕರ್ಣಿ, ಉನಾದ್ಕಟ್ ಹಾಗೂ ಇಶ್ ಸೋಧಿ ತಲಾ ಒಂದು ವಿಕೆಟ್ ಪಡೆದರು.
