ಮುಂಬೈ: 2018ರ ರಣಜಿ ಸೆಮಿಫೈನಲ್ನಲ್ಲಿ ಮೂರು ಬಾರಿ ಕ್ಯಾಚ್ ಔಟ್ ಆಗಿದ್ದರು ಅಂಪೈರ್ ಔಟ್ ನೀಡಲಿಲ್ಲ ಎಂಬ ಕಾರಣಕ್ಕೆ ಕ್ರೀಸ್ ತೊರೆಯದ ಪೂಜಾರರನ್ನ ಅವರ ಹೆಂಡತಿ ಬೈದಿದ್ದರೆಂಬ ಮಾಹಿತಿಯನ್ನು ಸ್ವತಃ ಚೇತೇಶ್ವರ್ ಪೂಜಾರ ಬಹಿರಂಗಪಡಿಸಿದ್ದಾರೆ.
ಭಾರತ ಟೆಸ್ಟ್ ಕ್ರಿಕೆಟ್ ತಂಡದ ಅವಿಭಾಜ್ಯ ಅಂಗವಾಗಿರುವ ಪೂಜಾರ ಕರ್ನಾಟಕದ ವಿರುದ್ಧ ಮಾತ್ರ ಸೆಮಿಫೈನಲ್ನಲ್ಲಿ ವಿಲನ್ ಆಗಿದ್ದರು. ಮೊದಲ ಇನ್ನಿಂಗ್ಸ್ನಲ್ಲಿ ಒಮ್ಮೆ ಹಾಗೂ 2ನೇ ಇನ್ನಿಂಗ್ಸ್ನಲ್ಲಿ 2 ಬಾರಿ ಕೀಪರ್ಗೆ ಕ್ಯಾಚ್ ನೀಡಿದ್ದರೂ ಅಂಪೈರ್ ಔಟ್ ನೀಡಲಿಲ್ಲ ಎಂಬ ಕಾರಣಕ್ಕೆ ಕ್ರೀಸ್ ತೊರೆಯದೇ ಆಟ ಮುಂದುವರಿಸಿದ್ದರು. ಪೂಜಾರ ಅವರ ಈ ನಡೆಗೆ ಇಡೀ ಕರ್ನಾಟಕವೇ ಪೂಜಾರರನ್ನು ಶಪಿಸಿತ್ತು. ಆದರೆ ತಮ್ಮ ಪತ್ನಿ ಪೂಜಾ ಕೂಡ ತಮ್ಮ ವಿರುದ್ಧ ಕೋಪಗೊಂಡಿದ್ದರು ಎಂದು ವಾಕ್ ದ ಡಕ್ ಕಾರ್ಯಕ್ರಮದಲ್ಲಿ ಪೂಜಾರ ತಿಳಿಸಿದ್ದಾರೆ.
- " class="align-text-top noRightClick twitterSection" data="">
ಮೊದಲ ಇನ್ನಿಂಗ್ಸ್ ಮುಗಿದ ನಂತರ ಪೂಜಾರರನ್ನು ಅವರ ಪತ್ನಿ"ನೀವೊಬ್ಬ ರಾಷ್ಟ್ರೀಯ ಆಟಗಾರನಾಗಿದ್ದು, ಔಟಾದ ನಂತರ ಹೊರಬರಬೇಕಿತ್ತು" ಎಂದು ಬೈದಿದ್ದರಂತೆ. ನೀವು ಈ ರೀತಿ ಬೇರೆಯವರಗೆ ಮಾದರಿಯಾಗಬಾರದು ಎಂದಿದ್ದರಂತೆ. ಈ ಕುರಿತು ಪೂಜಾರ ಎಷ್ಟೇ ಸಮಜಾಯಿಸಿ ನೀಡಿದರು ಅವರ ಪತ್ನಿ ಮಾತ್ರ "ನಿನ್ನಿಂದ ನಾನು ಈ ರೀತಿಯ ನಡೆಯನ್ನು ನಿರೀಕ್ಷೆ ಮಾಡಿಲ್ಲ" ಎಂದು ಬೇಸರ ವ್ಯಕ್ತಪಡಿಸಿದ್ದರು ಎಂದು ಪೂಜಾರ ತಿಳಿಸಿದ್ದಾರೆ.
ಇನ್ನು ನೀವು ಏಕೆ ಅಂದು ಔಟಾಗಿದ್ದರೂ ಹೊರ ಹೋಗಲಿಲ್ಲ ಎಂಬ ಪ್ರಶ್ನೆಗೆ ಉತ್ತರಿಸಿದ ಪೂಜಾರ, "ನಾನು ಮಾತ್ರವಲ್ಲ ಆರಂಭಿಕ ಆಟಗಾರರು ವಿಕೆಟ್ ನೀಡಿ ತಂಡ ಸೋಲಿನ ಸುಳಿಯಲ್ಲಿದ್ದಾಗ ಯಾವ ಆಟಗಾರನು ಹೊರ ನಡೆಯುವುದಿಲ್ಲ. ರಣಜಿ ಕ್ರಿಕೆಟ್ನಲ್ಲಿ ಶೇ. 99 ರಷ್ಟು ಆಟಗಾರರು ನನ್ನ ನಿರ್ಧಾರವನ್ನೇ ತೆಗೆದುಕೊಳ್ಳುತ್ತಿದ್ದರು. ಒಂದು ವೇಳೆ ನಾನು ಅಂಪೈರ್ ಕೆಟ್ಟ ನಿರ್ಧಾರಕ್ಕೆ ಔಟಾದರೆ ಎದುರಾಳಿ ತಂಡದ ಆಟಗಾರರು ನನ್ನನ್ನು ವಾಪಸ್ ಕರೆಸುತ್ತಿದ್ದರೆ?" ಎಂದು ಪ್ರಶ್ನೆ ಹಾಕಿದ್ದಾರೆ.
ಇನ್ನು ಇದೇ ವಿಚಾರಕ್ಕೆ ಕಾರ್ಯಕ್ರಮದಲ್ಲಿ ಮತ್ತೊಬ್ಬ ಆಟಗಾರ ಕನ್ನಡಿಗ ಮಯಾಂಕ್ ಪ್ರತಿಕ್ರಿಯಿಸಿ "ನಾನಾದರೂ ನಮ್ಮ ತಂಡ ಅಂತಹ ಸನ್ನಿವೇಶದಲ್ಲಿದ್ದಾಗ ಹಾಗೇ ಮಾಡುತ್ತಿದ್ದೆ. ಇನ್ನು ಕೆಟ್ಟ ನಿರ್ಧಾರಕ್ಕೆ ಪೂಜಾರ ಔಟ್ ಎಂದು ತೀರ್ಪು ಬಂದರೆ ವಾಪಸ್ ಕರೆಸುತ್ತಿರಲಿಲ್ಲ" ಎಂದು ಒಪ್ಪಿಕೊಂಡಿದ್ದಾರೆ.
